فِلِبِّي 2:13 - الكتاب المقدس بالعربي الدارجي هنا تشاد

¹³ أَشَانْ اللّٰهْ هُو الْقَاعِدْ يِسَوِّي عَمَلَهْ فَوْقكُو وَ هُو يَنْطِيكُو النِّيَّةْ وَ الْقُدْرَةْ لِتِسَوُّوا الشَّيّءْ الْعَدِيلْ الْيَرْضَى بَيَّهْ.

فِلِبِّي 2:13 Cross References

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

2 كُرُنْتُس 3:5

أَنِحْنَ بِنُفُوسْنَا مَا عِنْدِنَا الْقُدْرَةْ الْوَاجْبَةْ لِنِسَوُّوا الْخِدْمَةْ دِي. نَقْدَرَوْا نِسَوُّوا الْخِدْمَةْ دِي إِلَّا كَنْ اللّٰهْ أَنْطَانَا الْقُدْرَةْ الْوَاجْبَةْ.

2 تِمُوتَاوُس 1:9

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

رَوْمَا 9:16

وَ بِمِثِلْ دَا كَنْ اللّٰهْ عَزَلْ نَادُمْ، دَا مَا أَشَانْ نِيَّةْ النَّادُمْ وَ مَا أَشَانْ الشَّيّءْ النَّادُمْ سَوَّاهْ. اللّٰهْ عَزَلَهْ أَشَانْ هُو دَوَّرْ يَرْحَمَهْ بَسْ.

1 كُرُنْتُس 15:10

لَاكِنْ هَسَّعْ، أَنَا رَسُولْ بِرَحْمَةْ اللّٰهْ وَ رَحْمَتَهْ مَا فَشَلَتْ. بِالْعَكْس، أَنَا خَدَمْت خِدْمَةْ زِيَادَةْ مِنْهُمْ كُلُّهُمْ. وَ بِالصَّحِيحْ، الْخَدَمْ عَدِيلْ مَا أَنَا لَاكِنْ رَحْمَةْ اللّٰهْ الْقَاعِدَةْ فَوْقِي.

يُوحَنَّا 3:27

وَ يَحْيَى رَدَّ لَيْهُمْ وَ قَالْ: «النَّادُمْ مَا يَلْقَى شَيّءْ مِنْ اللّٰهْ إِلَّا كَنْ اللّٰهْ أَنْطَاهْ.

أفَسُس 1:11

وَ بِعَلَاقِتْنَا مَعَ الْمَسِيحْ، اللّٰهْ جَعَلَانَا شَعَبَهْ الْيَلْقَوْا الْوَرَثَةْ. اللّٰهْ عَزَلَانَا مِنْ أَوَّلْ حَسَبْ نِظَامَهْ. هُو يِسَوِّي كُلَّ شَيّءْ حَسَبْ نِيّتَهْ وَ مُرَادْتَهْ.

1 كُرُنْتُس 12:6

وَ الْعَمَلْ النِّسَوُّوهْ شِقْ شِقْ لَاكِنْ اللّٰهْ الْوَاحِدْ بَسْ يَنْطِينَا الْقُدْرَةْ أَشَانْ أَيِّ نَادُمْ يِسَوِّي أَيِّ شَيّءْ.

2 تَسَلونِيكِي 1:11

وَ أَشَانْ دَا، نَسْأَلَوْا لَيْكُو اللّٰهْ دَايْماً أَشَانْ هُو يَجْعَلْكُو نَاسْ الْعِنْدُكُو حَقّ لِمُنَادَاتَهْ. وَ نَسْأَلَوْه لَيْكُو أَشَانْ أَيِّ نِيَّةْ الصَّالْحَةْ الشِّلْتُوهَا وَ أَيِّ خِدْمَةْ الْبَدَيْتُوهَا بِسَبَبْ إِيمَانْكُو، اللّٰهْ يِتَمِّمْهَا بِقُدُرْتَهْ.

أفَسُس 1:5

مِنْ أَوَّلْ، هُو قَدَّرْ لَيْنَا وَ شَالْ نِيَّةْ أَشَانْ نَبْقَوْا عِيَالَهْ بِوَاسِطَةْ عِيسَى الْمَسِيحْ. وَ دِي بَسْ نِيّتَهْ الْهُو رَضْيَانْ بَيْهَا.

أفَسُس 2:8

أَيْوَى، بِرَحْمَةْ اللّٰهْ بَسْ، إِنْتُو نِجِيتُوا بِسَبَبْ إِيمَانْكُو بِالْمَسِيحْ. إِنْتُو مَا نَجَّيْتُوا نُفُوسْكُو لَاكِنْ النَّجَاةْ دِي هَدِيَّةْ مِنْ اللّٰهْ.

1 مُلوك 8:58

وَ لَاكِنْ خَلِّي يِوَجِّهْ فِكِرْنَا عَلَيَّهْ أَشَانْ نِتَابُعُوا دَرْبَهْ وَ نَحْفَضَوْا وَصِيَّاتَهْ وَ قَوَانِينَهْ وَ شُرُوطَهْ الْأَنْطَاهُمْ لِجُدُودْنَا.

زَبُور 119:36

مَيِّلْ قَلْبِي عَلَيْ وَصِيَّاتَكْ وَ مَا تِمَيِّلَهْ عَلَيْ الْمَالْ الْحَرَامْ.

لُوقا 12:32

«يَا غِنَيْمَاتِي، مَا تَخَافَوْا. أَبُوكُو اللّٰهْ عِنْدَهْ نِيَّةْ يَنْطِيكُو الْمَمْلَكَةْ.

أفَسُس 1:9

بَيَّنْ لَيْنَا سِرّ هَنَا مُرَادْتَهْ الْهُو رَضْيَانْ بَيْهَا. وَ شَالْ نِيَّةْ لِيِتَمِّمْهَا فِي الْمَسِيحْ.

يُوحَنَّا 6:65

وَ قَالْ لَيْهُمْ: «أَشَانْ دَا بَسْ قُلْت لَيْكُو نَادُمْ مَا يَقْدَرْ يَجِي لَيِّ إِلَّا كَنْ أَبُويِ اللّٰهْ أَنْطَاهْ إِذِنْ.»

إرْمِيا 32:38

وَ هُمَّنْ يَبْقَوْا شَعَبِي وَ أَنَا نَبْقَى إِلٰـهُّمْ.

رَوْمَا 9:11

لَاكِنْ قُبَّالْ التِّيمَانْ مَا يَلْدَوْهُمْ وَ قُبَّالْ هُمَّنْ مَا يِسَوُّوا شَيّءْ وَ لَا زَيْن وَ لَا فَسِلْ، اللّٰهْ شَالْ نِيَّةْ وَ عَزَلْ وَاحِدْ مِنْهُمْ أَشَانْ نِيَّةْ اللّٰهْ تِتِمّ بِالْإِخْتِيَارْ.

إرْمِيا 31:33

وَ دِي هِي الْمُعَاهَدَةْ الْجَدِيدَةْ النِّسَوِّيهَا مَعَ بَنِي إِسْرَائِيلْ بَعَدْ الْيَوْم دَا. أَنَا نُخُطّ وَصِيَّاتِي فِي فِكِرْهُمْ وَ نَكْتِبْهُمْ فِي قُلُوبْهُمْ. وَ أَنَا نَبْقَى إِلٰـهُّمْ وَ هُمَّنْ يَبْقَوْا شَعَبِي. وَ دَا كَلَامْ اللّٰهْ.

أمْثال 21:1

قَلِبْ الْمَلِكْ مِثِلْ أَلْمِي الْجَارِي، هُو تِحِتْ مُرَاقَبَةْ اللّٰهْ وَ اللّٰهْ يِوَدِّيهْ فِي أَيِّ بَكَانْ الْيِدَوْرَهْ.

عَزْرا 1:1

فِي السَّنَةْ الْأَوَّلْ هَنَا حُكُمْ كُورَشْ مَلِكْ بَلَدْ فَارِسْ، اللّٰهْ قَمَّ يِحَقِّقْ كَلَامَهْ الْأَوَّلْ قَالَهْ بِخَشُمْ النَّبِي إِرْمِيَا. وَ اللّٰهْ أَنْطَى فِكِرْ لِكُورَشْ مَلِكْ بَلَدْ فَارِسْ وَ بَيْدَا، كُورَشْ قَرَّرْ فِي كُلَّ مَمْلَكَتَهْ وَ كَتَبْ مَكْتُوبْ وَ قَالْ:

عَزْرا 7:27

وَ أَنَا عَزْرَا قُلْت: بَارَكْ اللّٰهْ رَبّ جُدُودْنَا الدَّسَّ نِيَّةْ فِي قَلِبْ الْمَلِكْ أَشَانْ يِعَظِّمْ بَيْت اللّٰهْ الْفِي مَدِينَةْ الْقُدُسْ!

عَزْرا 1:5

وَ خَلَاصْ، كُبَارَاتْ قَبَايِلْ يَهُوذَا وَ قَبَايِلْ بَنْيَامِينْ وَ رُجَالْ الدِّينْ وَ اللَّاوِيِّينْ وَ أَيِّ نَادُمْ الْأَنْطَاهْ الرَّبّ فِكِرْ لِيِقَبِّلْ لِمَدِينَةْ الْقُدُسْ وَ يَبْنِي بَيْت اللّٰهْ، دَوْل كُلُّهُمْ قَاعِدِينْ يِجَهُّزُوا أَشَانْ يَمْشُوا.

2 أخبار 30:12

وَ فِي بَلَدْ يَهُوذَا كُلَ، الرَّبّ أَنْطَاهُمْ قَلِبْ وَاحِدْ لِيِطَبُّقُوا أَمُرْ الْمَلِكْ وَ مَسَائِيلَهْ حَسَبْ كَلَامْ اللّٰهْ.

يُوحَنَّا 6:45

وَ مَكْتُوبْ فِي كِتَابْ الْأَنْبِيَاء: <اللّٰهْ ذَاتَهْ يِعَلِّمْهُمْ كُلُّهُمْ.> وَ أَيِّ نَادُمْ الْيَسْمَعْ كَلَامْ أَبُويِ وَ يِلْعَلَّمْ مِنَّهْ، يَجِي لَيِّ.

إشَعْيا 26:12

يَا اللّٰهْ، إِنْتَ بَسْ ثَبَّتّْ لَيْنَا السَّلَامْ أَشَانْ كُلَّ أَعْمَالْنَا، إِنْتَ بَسْ تِحَقِّقْهُمْ لَيْنَا.

زَبُور 141:4

أَحْفَضْ قَلْبِي مَا يَكْرُبْ كَلَامْ فَسِلْ وَ نِسَوِّي أَعْمَالْ الْفَسَالَةْ مَعَ الظَّالِمِينْ وَ مَا تِخَلِّينِي نَاكُلْ أَكِلْهُمْ الْحَرَامْ.

نَحَمْيا 2:4

وَ بَتَّانْ الْمَلِكْ سَأَلَانِي وَ قَالْ: «تِدَوْر نِسَوِّي لَيْك شُنُو؟» وَكِتْ قَالْ لَيِّ الْكَلَامْ دَا، أَنَا صَلَّيْت لِلّٰهْ رَبّ السَّمَاوَاتْ.

1 بُطْرُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ! هُو رَحَمَانَا بِرَحْمَةْ كَبِيرَةْ الْبَيْهَا بِقِينَا مَوْلُودِينْ مِنْ جَدِيدْ بِسَبَبْ بُعَاثْ عِيسَى الْمَسِيحْ مِنْ أُسْط الْمَيْتِينْ. وَ بَيْدَا، عِنْدِنَا عَشَمْ مُؤَكَّدْ

أعمال الرُسُل 11:21

وَ قُدْرَةْ اللّٰهْ مَعَاهُمْ وَ نَاسْ كَتِيرِينْ آمَنَوْا بِالرَّبّ عِيسَى وَ شَالَوْا دَرْبَهْ.

زَبُور 110:3

وَ بِنِيِّتْهُمْ، كُلَّ شَعَبَكْ يَقِيفُوا مَعَاكْ وَكِتْ تِجَهِّزْ عَسْكَرَكْ فِي الْجِبَالْ الْمُقَدَّسِينْ. وَ الشَّبَابْ يَجُوا لَيْك كَتِيرِينْ وَ يِرَارُوا قِدَّامَكْ مِثِلْ كَرَنْج الْفَجُرْ.

أيُّوب 33:29

وَ دَاهُو كُلَّ شَيّءْ السَّوَّاهْ الرَّبّ مَرَّتَيْن وَ تَلَاتَةْ مَعَ الْإِنْسَانْ

لُوقا 2:14

«مَجُّدُوا اللّٰهْ فِي الْأَعَالِي! وَ السَّلَامْ فِي الْأَرْض لِكُلَّ النَّاسْ، أَشَانْ اللّٰهْ رَاضِي بَيْهُمْ!»

رَوْمَا 12:3

وَ بِالنِّعْمَةْ الْاللّٰهْ أَنْطَاهَا لَيِّ، نِوَصِّي أَيِّ وَاحِدْ مِنْكُو مَا يِسْتَكْبَرْ. خَلِّي أَيِّ وَاحِدْ مَا يِنْغَشَّ لَاكِنْ يِشِيفْ نَفْسَهْ حَسَبْ قُدْرَةْ الْإِيمَانْ الْاللّٰهْ أَنْطَاهْ لَيَّهْ.