فِلِبِّي 1:7 - الكتاب المقدس بالعربي الدارجي هنا تشاد

⁷ وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

فِلِبِّي 1:7 Cross References

2 كُرُنْتُس 7:3

وَ مَا قُلْت الْكَلَامْ دَا أَشَانْ نِدَوْر نُلُومْكُو. مِثِلْ أَوَّلْ قُلْتَهْ، إِنْتُو قَاعِدِينْ فِي قُلُوبْنَا وَ أَشَانْ دَا، نِعِيشُوا سَوَا وَ نُمُوتُوا سَوَا.

فِلِبِّي 1:5

أَنَا فَرْحَانْ مِنْكُو أَشَانْ إِنْتُو شَارَكْتُوا مَعَايِ فِي بَلِّغِينْ بِشَارَةْ الْمَسِيحْ مِنْ أَوَّلْ وَكِتْ أَنَا جِيتْ لَيْكُو لَحَدِّي الْيَوْم.

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.

كُلُوسِي 4:18

وَ خَلَاصْ، أَنَا ذَاتِي شِلْت الْقَلَمْ وَ نَكْتِبْ: «أَنَا بُولُسْ نِسَلِّمْكُو.» مَا تَنْسَوْا كَدَرْ أَنَا قَاعِدْ فِي السِّجِنْ وَ مُجَنْزَرْ. وَ عَلَيْكُمْ رَحْمَةْ الرَّبّ.

فِلِبِّي 4:14

لَاكِنْ الشَّيّءْ السَّوَّيْتُوهْ لَيِّ سَمَحْ بِلْحَيْن. إِنْتُو شَارَكْتُوا مَعَايِ فِي تَعَبِي.

أفَسُس 6:20

وَ فِي شَانْ الْبِشَارَةْ، أَنَا بِقِيتْ سَفِيرْ وَ بِسَبَبْهَا كَرَبَوْنِي فِي السِّجِنْ. خَلِّي اللّٰهْ يَنْطِينِي قُدْرَةْ أَشَانْ نِبَلِّغْهَا بَلَا خَوْف وَ نِكَلِّمْ مِثِلْ وَاجِبْ.

أفَسُس 3:1

أَنَا بُولُسْ قَاعِدْ فِي السِّجِنْ أَشَانْ نِتَابِعْ الْمَسِيحْ عِيسَى وَ نِبَلِّغْ بِشَارْتَهْ لَيْكُو إِنْتُو الْمَا يَهُودْ. وَ أَشَانْ دَا، أَنَا نَسْأَلْ لَيْكُو اللّٰهْ.

أعمال الرُسُل 20:23

إِلَّا فِي أَيِّ حِلَّةْ النَّمْشِي فَوْقهَا، الرُّوحْ الْقُدُّوسْ يِحَذِّرْنِي كَدَرْ هِنَاكْ يِدِسُّونِي فِي السِّجِنْ وَ يِتَعُّبُونِي كَتِيرْ.

1 يُوحَنَّا 3:14

كَنْ نِرَّايَدَوْا أَمْبَيْنَاتْنَا، دَا بَسْ الدَّلِيلْ الْيِأَكِّدْ كَدَرْ مَرَقْنَا مِنْ حَالَةْ الْمَوْت وَ دَخَلْنَا فِي حَالَةْ الْحَيَاةْ. أَيِّ نَادُمْ الْمَا يِحِبّ أَخْوَانَهْ يَقْعُدْ فِي الْمَوْت.

2 بُطْرُس 1:13

أَشَانْ وَكِتْ أَنَا لِسَّاعْ قَاعِدْ حَيّ، وَاجِبْ نِذَكِّرْكُو لِمَا تَنْسَوْا.

1 بُطْرُس 4:13

إِنْتُو قَاعِدِينْ تِشَارُكُوا فِي تَعَبْ الْمَسِيحْ وَ أَشَانْ دَا، أَفْرَحَوْا فِي أُسْط التَّعَبْ. وَ كَنْ شَارَكْتُوا فِي تَعَبْ الْمَسِيحْ دَا، تَفْرَحَوْا فَرْحَةْ شَدِيدَةْ وَكِتْ هُو يِبِينْ فِي مَجْدَهْ.

عِبْرَانِيِّين 3:1

أَشَانْ دَا، يَا أَخْوَانِي الصَّالِحِينْ الْاللّٰهْ نَادَاكُو كُلُّكُو لِتَدْخُلُوا فِي دَرْبَهْ، فَكُّرُوا فِي عِيسَى. هُو رَسُولْ اللّٰهْ وَ كَبِيرْ رُجَالْ الدِّينْ الْأَنِحْنَ مُؤمِنِينْ بَيَّهْ وَ نَشْهَدَوْا لَيَّهْ.

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

1 تَسَلونِيكِي 5:5

أَشَانْ إِنْتُو كُلُّكُو عِيَالْ النُّورْ وَ نَاسْ النَّهَارْ. أَيْوَى، أَنِحْنَ مَا نَاسْ هَنَا اللَّيْل وَ لَا نَاسْ الضَّلَامْ.

كُلُوسِي 4:3

وَ أَسْأَلَوْا اللّٰهْ لَيْنَا كُلَ. أَسْأَلَوْه أَشَانْ يَفْتَحْ لَيْنَا دَرِبْ لِلْبِشَارَةْ أَشَانْ نِبَلُّغُوا النَّاسْ بِسِرّ اللّٰهْ هُو الْمَسِيحْ. وَ بِسَبَبْ الْبِشَارَةْ دِي، أَنَا قَاعِدْ فِي السِّجِنْ.

أفَسُس 4:1

أَشَانْ كُلَّ الْكَلَامْ دَا، أَنَا الْمَسْجُونْ هِنِي فِي شَانْ رَبِّنَا، نِوَصِّيكُو. عِيشُوا بِالْحَالْ الْمُوَافْقَةْ لِلنَّاسْ الْاللّٰهْ نَادَاهُمْ.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

2 كُرُنْتُس 3:2

إِنْتُو بَسْ جَوَابْنَا. إِنْتُو مَكْتُوبِينْ فِي قُلُوبْنَا. وَ كُلَّ النَّاسْ يَعَرْفُوهْ وَ يَقْرُوهْ.

1 كُرُنْتُس 13:7

الْعِنْدَهْ مَحَبَّةْ، هُو يَحْمَلْ أَيِّ شَيّءْ. هُو يِآمِنْ فِي كُلِّ حَالْ وَ عَشَمَهْ ثَابِتْ فِي كُلِّ حَالْ وَ هُو يَصْبُرْ فِي أَيِّ شَيّءْ.

1 كُرُنْتُس 9:23

وَ خَلَاصْ، دَا كُلَّ كَيْ نِسَوِّيهْ فِي شَانْ بَلِّغِينْ بِشَارَةْ الْمَسِيحْ لِنِشَارِكْ فِي بَرَكَاتْهَا.

أعمال الرُسُل 21:33

وَ الْقَايِدْ قَرَّبْ لِبُولُسْ وَ كَرَبَهْ وَ أَمَرَاهُمْ لِلْعَسْكَرْ أَشَانْ يَرْبُطُوهْ بِجَنَازِيرْ إِتْنَيْن. وَ بَدَا يَسْأَلْ النَّاسْ وَ قَالْ: «يَاتُو النَّادُمْ دَا؟ هُو سَوَّى شُنُو؟»

1 بُطْرُس 5:1

وَ نِدَوْر نِوَصِّي كُبَارَاتْ جَمَاعَةْ الْمُؤمِنِينْ الْمَعَاكُو. أَنَا كُلَ كَبِيرْ مِثِلْهُمْ. وَ أَنَا شَاهِدْ لِتَعَبْ الْمَسِيحْ وَ بَتَّانْ مُشَارِكْ فِي قُدْرَةْ الْمَسِيحْ الْمَجِيدَةْ التِّبِينْ قَرِيبْ.

فِلِبِّي 1:12

يَا أَخْوَانِي، نِدَوْر إِنْتُو تَعَرْفُوا كَدَرْ التَّعَبْ اللِّحِقَانِي هِنِي سَاعَدْ بِشَارَةْ الْمَسِيحْ وَ هِي أَلْوَسَّعَتْ زِيَادَةْ.

فِلِبِّي 1:13

أَشَانْ بِقِي وَاضِحْ لِكُلَّ عَسْكَرْ هَنَا قَصِرْ الْوَالِي وَ لِكُلَّ النَّاسْ الْآخَرِينْ كَدَرْ أَنَا مَسْجُونْ فِي شَانْ أَنَا عَبْد الْمَسِيحْ.

فِلِبِّي 1:14

وَ فِي السِّجِنْ، أَنَا بِقِيتْ مَثَلْ لِلْأَخْوَانْ الْفِي الْحِلَّةْ دِي. وَ كَتِيرِينْ مِنْهُمْ عَشَمْهُمْ فِي رَبِّنَا بِقِي قَوِي زِيَادَةْ. وَ لِقَوْا شَجَاعَةْ لَحَدِّي قَمَّوْا يِحَجُّوا بِكَلَامْ اللّٰهْ بَلَا خَوْف.

فِلِبِّي 2:22

لَاكِنْ أَكِيدْ إِنْتُو تَعَرْفُوا كِكَّيْف تِمُوتَاوُسْ وَصَّفْ ثَبَاتَهْ. مِنْ وَكِتْ طَوِيلْ، هُو قَاعِدْ يَخْدِمْ مَعَايِ فِي بَلِّغِينْ بِشَارَةْ الْمَسِيحْ مِثِلْ وِلَيْد الْيَخْدِمْ مَعَ أَبُوهْ.

فِلِبِّي 4:3

وَ إِنْتَ، يَا رَفِيقِي الْأَمِينْ، نَطْلُبْ مِنَّكْ إِنْتَ تِسَاعِدْ الْعَوِينْ دَيْل. سَاعِدْهِنْ بِسَبَبْ هِنَّ خَدَمَنْ مَعَايِ فِي شَانْ بِشَارَةْ الْمَسِيحْ. هِنَّ جَاهَدَنْ سَوَا مَعَ أَخُونَا كِلَيْمَانْ وَ الْآخَرِينْ الْيَخْدُمُوا مَعَايِ. النَّاسْ دَوْل، أَسَامَيْهُمْ مَكْتُوبِينْ فِي كِتَابْ الْحَيَاةْ.

فِلِبِّي 4:15

يَا أَخْوَانِي نَاسْ فِلِبِّي، إِنْتُو تَعَرْفُوا كَدَرْ أَوَّلْ مَرَّةْ جِيتْ بَلَّغْت بِشَارَةْ الْمَسِيحْ لَيْكُو وَ فُتّْ قِدَّامْ مِنْ بَلَدْ مَقِدُونِيَةْ، إِنْتُو وِحَيْدكُو شَارَكْتُوا مَعَايِ. مَا فِي جَمَاعَةْ مُؤمِنِينْ آخَرَةْ الْأَوَّلْ أَنْطَيْتهُمْ كَلَامْ اللّٰهْ وَ بَعَدَيْن هُمَّنْ أَنْطَوْنِي مُسَاعَدَةْ.

فِلِمُون 1:13

بِالصَّحِيحْ، دَوَّرْت هُو يَقْعُدْ هِنِي مَعَايِ. أَنَا قَاعِدْ فِي السِّجِنْ فِي شَانْ بِشَارَةْ الْمَسِيحْ وَ نَعَرِفْ كَدَرْ إِنْتَ تِدَوْر تِسَاعِدْنِي. وَ كَنْ الْفَايِدْ يَقْعُدْ مَعَايِ، هُو يَقْدَرْ يِسَاعِدْنِي فِي بَدَلَكْ إِنْتَ.