فِلِبِّي 1:6 - الكتاب المقدس بالعربي الدارجي هنا تشاد

⁶ وَ أَنَا مُؤَكِّدْ كَدَرْ اللّٰهْ، الْبَدَا خِدِمْتَهْ الْعَدِيلَةْ فَوْقكُو، هُو يِسَوِّيهَا دَايْماً لَحَدِّي يِتَمِّمْهَا فِي يَوْم جَيَّةْ الْمَسِيحْ عِيسَى.

فِلِبِّي 1:6 Cross References

فِلِبِّي 2:13

أَشَانْ اللّٰهْ هُو الْقَاعِدْ يِسَوِّي عَمَلَهْ فَوْقكُو وَ هُو يَنْطِيكُو النِّيَّةْ وَ الْقُدْرَةْ لِتِسَوُّوا الشَّيّءْ الْعَدِيلْ الْيَرْضَى بَيَّهْ.

أفَسُس 4:12

وَ أَنْطَاهُمْ عَطَايَا أَشَانْ هُمَّنْ يِجَهُّزُوا شَعَبَهْ الصَّالِحِينْ لِيَخْدُمُوا لَيَّهْ فِي شَانْ أُمَّةْ الْمَسِيحْ تَبْقَى قَوِيَّةْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

زَبُور 138:8

اللّٰهْ يِتَمِّمْ كُلَّ شَيّءْ الْهُو بَدَا لَيِّ. يَا اللّٰهْ، رَحْمَتَكْ دَايْمَةْ إِلَى الْأَبَدْ. مَا تِخَلِّي أَعْمَالْ إِيدَيْنَكْ!

1 كُرُنْتُس 1:8

الْمَسِيحْ يَحْفَضْكُو لَحَدِّي فِي الْآخِرَةْ. أَشَانْ دَا، فِي يَوْم جَيَّةْ رَبِّنَا عِيسَى الْمَسِيحْ، تُكُونُوا بَلَا عَيْب.

2 تَسَلونِيكِي 1:11

وَ أَشَانْ دَا، نَسْأَلَوْا لَيْكُو اللّٰهْ دَايْماً أَشَانْ هُو يَجْعَلْكُو نَاسْ الْعِنْدُكُو حَقّ لِمُنَادَاتَهْ. وَ نَسْأَلَوْه لَيْكُو أَشَانْ أَيِّ نِيَّةْ الصَّالْحَةْ الشِّلْتُوهَا وَ أَيِّ خِدْمَةْ الْبَدَيْتُوهَا بِسَبَبْ إِيمَانْكُو، اللّٰهْ يِتَمِّمْهَا بِقُدُرْتَهْ.

عِبْرَانِيِّين 10:35

وَ فِي كُلَّ الْكَلَامْ دَا، نُقُولْ لَيْكُو مَا تِخَلُّوا إِيمَانْكُو الْقَوِي الْيِجِيبْ لَيْكُو أَجُرْ كَبِيرْ بِلْحَيْن.

يُوحَنَّا 6:29

وَ عِيسَى رَدَّ لَيْهُمْ وَ قَالْ: «دَاهُو الشَّيّءْ الْاللّٰهْ يِدَوْرَهْ. وَاجِبْ تِآمُنُوا بِالنَّادُمْ الْاللّٰهْ رَسَّلَهْ.»

فِلِبِّي 1:10

أَشَانْ تَعَرْفُوا كِكَّيْف تِمَيُّزُوا دَايْماً الشَّيّءْ الْأَفْضَلْ. وَ خَلَاصْ تِعِيشُوا بِنِيَّةْ مُخْلِصَةْ وَ بَلَا عَيْب وَ تَبْقَوْا جَاهِزِينْ لِلْيَوْم الْيَجِي فَوْقَهْ الْمَسِيحْ.

عِبْرَانِيِّين 12:2

خَلِّي نُخُطُّوا عُيُونَّا فِي عِيسَى الْفَتَحْ لَيْنَا دَرِبْ الْإِيمَانْ وَ كَمَّلَهْ. مِنْ بَعِيدْ، هُو شَافْ الْفَرَحْ الْقَاعِدْ قِدَّامَهْ وَ حِمِلْ تَعَبْ الصَّلِيبْ وَ مَا فَكَّرْ فِي الْعَيْب الْخَطَّوْه فَوْقَهْ. وَ هَسَّعْ، هُو قَاعِدْ جَنْب عَرْش اللّٰهْ فِي نُصَّهْ الزَّيْنَايْ.

1 تَسَلونِيكِي 1:3

وَ أَيِّ وَكِتْ النَّسْأَلَوْا لَيْكُو أَبُونَا اللّٰهْ، نِفَكُّرُوا فِي الْعَمَلْ السَّوَّيْتُوهْ بِالْإِيمَانْ وَ الْخِدْمَةْ السَّوَّيْتُوهَا بِالْمَحَبَّةْ وَ عَشَمْكُو الْقَوِي فِي رَبِّنَا عِيسَى الْمَسِيحْ.

فِلِمُون 1:21

أَنَا مُؤَكِّدْ كَدَرْ تِتَابِعْ كَلَامِي. أَنَا قَاعِدْ نَكْتِبْ لَيْك وَ فِي قَلْبِي نَعَرِفْ إِنْتَ تِسَوِّي زِيَادَةْ مِنْ الْقُلْتَهْ لَيْك كُلَ.

فِلِبِّي 1:29

أَشَانْ اللّٰهْ أَنْطَاكُو رَحْمَةْ وَ بِالرَّحْمَةْ دِي، إِنْتُو مَا تِآمُنُوا بِالْمَسِيحْ بَسْ لَاكِنْ تَتْعَبَوْا فِي شَانَهْ كُلَ.

2 تَسَلونِيكِي 3:4

وَ فِي الشَّيّءْ الْبُخُصُّكُو إِنْتُو، أَنِحْنَ عِنْدِنَا ضَمَانْ فِي رَبِّنَا كَدَرْ إِنْتُو قَاعِدِينْ تِتَابُعُوا وَصَايَانَا وَ مَا تِخَلُّوهُمْ مِنْكُو.

كُلُوسِي 2:12

وَ وَكِتْ إِنْتُو غَطَّسَوْكُو، شَارَكْتُوا مَعَايَهْ فِي مَوْتَهْ وَ شَارَكْتُوا فِي بُعَاثَهْ بِإِيمَانْكُو بِقُدْرَةْ اللّٰهْ الْبَعَثَهْ مِنْ أُسْط الْمَيْتِينْ.

2 كُرُنْتُس 7:16

وَ أَنَا نَفْرَحْ أَشَانْ عَشَمِي فَوْقكُو ثَابِتْ.

أعمال الرُسُل 11:18

وَ وَكِتْ النَّاسْ الْيَهَرْجُوا بُطْرُسْ سِمْعَوْا الْكَلَامْ دَا، سَكَتَوْا خَلَاصْ. وَ شَكَرَوْا اللّٰهْ وَ قَالَوْا: «بِمِثِلْ دَا، اللّٰهْ فَتَحْ لِلنَّاسْ الْمَا يَهُودْ دَرِبْ التَّوْبَةْ الْيِوَدِّيهُمْ لِلْحَيَاةْ الْأَبَدِيَّةْ.»

أعمال الرُسُل 16:14

وَ بَيْن الْعَوِينْ فِي مَرَةْ وَاحِدَةْ تَاجْرِيَّةْ هَنَا قُمَاشْ غَالِي وَ هِي مِنْ حِلَّةْ ثِيَاتِيرَةْ. هِي مَا مِنْ بَنَاتْ الْيَهُودْ وَ لَاكِنْ قَاعِدَةْ تَعَبُدْ اللّٰهْ مَعَاهُمْ وَ أُسُمْهَا لِيدِيَةْ. وَكِتْ قَاعِدَةْ تَسْمَعْ كَلَامْ بُولُسْ، الرَّبّ فَتَحْ قَلِبْهَا أَشَانْ تُخُطّ بَالْهَا لِكَلَامَهْ وَ تِآمِنْ.

غَلاطِية 5:10

لَاكِنْ الرَّبّ أَنْطَانِي ضَمَانْ لَيْكُو وَ نَعَرِفْ كَدَرْ إِنْتُو مَا تَقْبَلَوْا فِكِرْ شِقْ مِنْ فِكِرْنَا. وَ النَّادُمْ الْقَاعِدْ يِبَرْجِلْكُو دَا، الْحُكُمْ يَجِي فَوْقَهْ كَنْ يَبْقَى يَاتُو كُلَ.

2 بُطْرُس 3:10

وَ لَابُدَّ يَوْم اللّٰهْ يَجِي بِغَفْلَةْ مِثِلْ جَيَّةْ السَّرَّاقْ. وَ عَجَلَةْ كَيْ حَرَكَةْ شَدِيدَةْ تِنْسَمِعْ وَ السَّمَاوَاتْ يَبْقَوْا مَا فِيهُمْ وَ النُّجُومْ يِنْحَرْقُوا. وَ الْأَرْض وَ كُلَّ شَيّءْ الْيِسَوُّوهْ فَوْقهَا يِنْكَشِفْ.

2 كُرُنْتُس 9:4

كَنْ نَجِيكُو مَعَ أَخْوَانْ وَاحِدِينْ مِنْ مَقِدُونِيَةْ وَ إِنْتُو مَا جَاهِزِينْ، الْعَيْب يِسَوِّينَا أَشَانْ عَشَمْنَا فَوْقكُو فَشَلْ. وَ الْعَيْب يِسَوِّيكُو إِنْتُو كُلَ زِيَادَةْ.

2 كُرُنْتُس 2:3

وَ الْكَلَامْ الْكَتَبْتَهْ يَوْم دَاكْ فِي الْجَوَابْ، كَتَبْتَهْ أَشَانْ وَكِتْ نَجِيكُو، إِنْتُو النَّاسْ الْوَاجِبْ يِفَرُّحُونِي مَا تَبْقَوْا لَيِّ سَبَبْ هَنَا حِزِنْ. أَشَانْ أَنَا مُؤَكِّدْ كَدَرْ كَنْ أَنَا نَبْقَى فَرْحَانْ، إِنْتُو كُلَ تَبْقَوْا فَرْحَانِينْ.

2 كُرُنْتُس 1:15

وَ أَكِيدْ، عَشَمِي فَوْقكُو بِقِي قَوِي. وَ أَشَانْ دَا، دَوَّرْت نَمْشِي لَيْكُو طَوَّالِي وَ نُزُورْكُو وَ تَلْقَوْا رَحْمَةْ مَرَّتَيْن.

فِلِبِّي 2:12

فِي شَانْ كُلَّ الْكَلَامْ دَا، يَا أَخْوَانِي النِّحِبُّكُو، أَسْمَعَوْا كَلَامِي. وَكِتْ أَنَا مَعَاكُو، إِنْتُو دَايْماً تِتَابُعُوا كَلَامْ اللّٰهْ. وَ هَسَّعْ وَكِتْ أَنَا مَا مَعَاكُو، وَاجِبْ تِتَابُعُوهْ بِزِيَادَةْ. جَاهُدُوا بِخَوْف وَ رَجِفِينْ لِتِسَوُّوا كُلَّ شَيّءْ الْوَاجِبْ لِلنَّاسْ الْاللّٰهْ نَجَّاهُمْ.

فِلِبِّي 2:16

أَشَانْ إِنْتُو مُنْكَرِبِينْ فِي كَلَامْ الْحَيَاةْ. وَ كَنْ تَبْقَوْا مِثِلْ دَا، نَقْدَرْ نَرْفَعْ رَاسِي فَوْق فِي يَوْم جَيَّةْ الْمَسِيحْ. وَ نَعَرِفْ تَعَبِي وَ خِدِمْتِي الْخَدَمْتَهَا لَيَّهْ مَا فَشَلَتْ.