فِلِبِّي 1:5 - الكتاب المقدس بالعربي الدارجي هنا تشاد

⁵ أَنَا فَرْحَانْ مِنْكُو أَشَانْ إِنْتُو شَارَكْتُوا مَعَايِ فِي بَلِّغِينْ بِشَارَةْ الْمَسِيحْ مِنْ أَوَّلْ وَكِتْ أَنَا جِيتْ لَيْكُو لَحَدِّي الْيَوْم.

فِلِبِّي 1:5 Cross References

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

فِلِمُون 1:17

زَيْن. نَعَرِفْ كَدَرْ إِنْتَ تَجْعَلْنِي أَنَا مُشَارِكْ مَعَاكْ فِي الْإِيمَانْ. وَ نَطْلُبْ مِنَّكْ تَكْرُبْ الْفَايِدْ قَوِي مِثِلْ تِدَوْر تَكْرُبْنِي أَنَا قَوِي.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

1 يُوحَنَّا 1:3

وَ الشَّيّءْ الشِّفْنَاهْ وَ سِمِعْنَاهْ أَنِحْنَ نِبَلُّغُوهْ لَيْكُو أَشَانْ نِدَوْرُوا إِنْتُو كُلَ تُكُونُوا مَعَانَا فِي الْعَلَاقَةْ. وَ الْعَلَاقَةْ الْعِنْدِنَا دِي، هِي عَلَاقَةْ مَعَ أَبُونَا اللّٰهْ وَ مَعَ إِبْنَهْ عِيسَى الْمَسِيحْ.

أفَسُس 3:6

وَ دَاهُو سِرّ اللّٰهْ. بِبِشَارَةْ الْمَسِيحْ، الْأُمَمْ يَبْقَوْا وُرَّاثْ سَوَا مَعَ الْيَهُودْ. يَبْقَوْا أُمَّةْ وَاحِدَةْ الْهِي جِسِمْ الْمَسِيحْ. وَ خَلَاصْ بِعِيسَى الْمَسِيحْ، هُمَّنْ يِشَارُكُوا فِي وَعَدْ اللّٰهْ.

2 كُرُنْتُس 8:1

يَا أَخْوَانِي، نِدَوْر نِأَوْرِيكُو بِالرَّحْمَةْ الْاللّٰهْ أَنْطَاهَا لِجَمَاعَاتْ الْمُؤمِنِينْ الْقَاعِدِينْ هِنِي فِي بَلَدْ مَقِدُونِيَةْ.

رَوْمَا 15:26

أَشَانْ الْمُؤمِنِينْ الْفِي مَقِدُونِيَةْ وَ الْيُونَانْ شَالَوْا نِيَّةْ أَمْبَيْنَاتْهُمْ أَشَانْ يِرَسُّلُوا مُسَاعَدَةْ لِلْمَسَاكِينْ الْقَاعِدِينْ أَمْبَيْن الصَّالِحِينْ فِي مَدِينَةْ الْقُدُسْ.

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

فِلِبِّي 2:12

فِي شَانْ كُلَّ الْكَلَامْ دَا، يَا أَخْوَانِي النِّحِبُّكُو، أَسْمَعَوْا كَلَامِي. وَكِتْ أَنَا مَعَاكُو، إِنْتُو دَايْماً تِتَابُعُوا كَلَامْ اللّٰهْ. وَ هَسَّعْ وَكِتْ أَنَا مَا مَعَاكُو، وَاجِبْ تِتَابُعُوهْ بِزِيَادَةْ. جَاهُدُوا بِخَوْف وَ رَجِفِينْ لِتِسَوُّوا كُلَّ شَيّءْ الْوَاجِبْ لِلنَّاسْ الْاللّٰهْ نَجَّاهُمْ.

1 كُرُنْتُس 1:9

اللّٰهْ هُو صَادِقْ فِي وَعَدَهْ. وَ هُو بَسْ النَّادَاكُو أَشَانْ تَدْخُلُوا فِي الْعَلَاقَةْ الْعِنْدُكُو مَعَ إِبْنَهْ عِيسَى الْمَسِيحْ رَبِّنَا.

رَوْمَا 11:17

وَ مِثِلْ دَا، ذُرِّيَّةْ إِبْرَاهِيمْ مِثِلْ شَدَرَةْ الزَّيْتُونْ وَ فُرُوعْ وَاحِدِينْ قَطَعَوْهُمْ مِنْهَا. وَ إِنْتَ الْمَا يَهُودِي، إِنْتَ مِثِلْ فِرِعْ هَنَا الزَّيْتُونْ الْبَنْدَرْ. وَ شَالَوْك وَ لَصَّقَوْك فِي الشَّدَرَةْ الْفِي الْجِنَيْنَةْ فِي بَدَلْ الْفُرُوعْ الْقَطَعَوْهُمْ. وَ مِثِلْ دَا، إِنْتَ كُلَ تِعِيشْ مِنْ الْعُرُوقْ الْعَدِيلِينْ مَعَ الْفُرُوعْ الْفَضَّلَوْا.

أعمال الرُسُل 2:42

وَ بِنِيَّةْ وَاحِدَةْ كُلَّ الْمُؤمِنِينْ قَمَّوْا يِنْكَرْبُوا فِي تَعْلِيمْ الرُّسُلْ وَ الْحَيَاةْ الْأَخَوِيَّةْ وَ عَشَاءْ الْمَسِيحْ وَ الصَّلَاوَاتْ.

رَوْمَا 12:13

سَاعُدُوا الصَّالِحِينْ الْمُحْتَاجِينْ وَ ضَيُّفُوا بِفَرَحْ الضِّيفَانْ الْيَجُوكُو.

فِلِبِّي 1:12

يَا أَخْوَانِي، نِدَوْر إِنْتُو تَعَرْفُوا كَدَرْ التَّعَبْ اللِّحِقَانِي هِنِي سَاعَدْ بِشَارَةْ الْمَسِيحْ وَ هِي أَلْوَسَّعَتْ زِيَادَةْ.

فِلِبِّي 1:16

الْأَخْوَانْ دَوْل يِبَشُّرُوا أَشَانْ يِحِبُّونِي وَ يَعَرْفُوا اللّٰهْ جَابَانِي هِنِي أَشَانْ نِدَافِعْ لِلْبِشَارَةْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

فِلِبِّي 2:22

لَاكِنْ أَكِيدْ إِنْتُو تَعَرْفُوا كِكَّيْف تِمُوتَاوُسْ وَصَّفْ ثَبَاتَهْ. مِنْ وَكِتْ طَوِيلْ، هُو قَاعِدْ يَخْدِمْ مَعَايِ فِي بَلِّغِينْ بِشَارَةْ الْمَسِيحْ مِثِلْ وِلَيْد الْيَخْدِمْ مَعَ أَبُوهْ.

فِلِبِّي 4:3

وَ إِنْتَ، يَا رَفِيقِي الْأَمِينْ، نَطْلُبْ مِنَّكْ إِنْتَ تِسَاعِدْ الْعَوِينْ دَيْل. سَاعِدْهِنْ بِسَبَبْ هِنَّ خَدَمَنْ مَعَايِ فِي شَانْ بِشَارَةْ الْمَسِيحْ. هِنَّ جَاهَدَنْ سَوَا مَعَ أَخُونَا كِلَيْمَانْ وَ الْآخَرِينْ الْيَخْدُمُوا مَعَايِ. النَّاسْ دَوْل، أَسَامَيْهُمْ مَكْتُوبِينْ فِي كِتَابْ الْحَيَاةْ.