فِلِبِّي 1:30 - الكتاب المقدس بالعربي الدارجي هنا تشاد

³⁰ وَ خَلَاصْ، إِنْتُو قَاعِدِينْ تِشَارُكُوا فِي نَفْس الْحَرِبْ الْأَنَا قَاعِدْ نِحَارِبْ فَوْقَهْ. وَ الْحَرِبْ دَا، إِنْتُو شِفْتُوهْ أَوَّلْ وَكِتْ أَنَا لِسَّاعْ قَاعِدْ مَعَاكُو. وَ هَسَّعْ كُلَ، سِمِعْتُوا كَدَرْ أَنَا قَاعِدْ نِحَارِبْ مِثِلْ دَا بَتَّانْ.

فِلِبِّي 1:30 Cross References

1 تَسَلونِيكِي 2:2

تَعَرْفُوا كَدَرْ جِينَا لَيْكُو مِنْ حِلَّةْ فِلِبِّي التَّعَّبَوْنَا وَ عَيَّرَوْنَا فَوْقهَا بِلْحَيْن. لَاكِنْ اللّٰهْ أَنْطَانَا شَجَاعَةْ وَ قَمَّيْنَا نِبَلُّغُوا لَيْكُو بِشَارَةْ اللّٰهْ، حَتَّى كَانْ النَّاسْ خَالَفَوْنَا بِشِدَّةْ كُلَ.

2 تِمُوتَاوُس 4:7

أَنَا جَاهَدْت جِهَادْ شَدِيدْ فِي الْحَقّ. وَ الْمُسَابَقَةْ الطَّوِيلَةْ كَمَّلْتَهَا وَ الْإِيمَانْ كَرَبْتَهْ قَوِي لَحَدِّي النِّهَايَةْ.

عِبْرَانِيِّين 12:4

إِنْتُو قَمَّيْتُوا ضِدّ الذَّنِبْ لَاكِنْ مَا صَبَرْتُوا لَحَدِّي الْمَوْت.

يُوحَنَّا 16:33

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

رُؤية 12:11

وَ هُمَّنْ أَنَّصَرَوْا فَوْقَهْ بِقُدْرَةْ دَمّ الْحَمَلْ وَ بِشَهَادِتْهُمْ لَيَّهْ. وَ هُمَّنْ حَبَّوْا رَبُّهُمْ زِيَادَةْ مِنْ نُفُوسْهُمْ لَحَدِّي أَبَوْا مَا يَجْرُوا مِنْ الْمَوْت.

1 تِمُوتَاوُس 6:12

جَاهِدْ جِهَادْ عَدِيلْ فِي دَرِبْ الْإِيمَانْ. أَكْرُبْ قَوِي الْحَيَاةْ الْأَبَدِيَّةْ الْاللّٰهْ نَادَاكْ لِتَدْخُلْ فَوْقهَا وَ إِنْتَ كُلَ شَهَدْت لَيْهَا بِشَهَادَةْ الْحَقّ قِدَّامْ شُهُودْ كَتِيرِينْ.

كُلُوسِي 1:29

وَ أَنَا قَاعِدْ نَتْعَبْ وَ نِجَاهِدْ فِي الْخِدْمَةْ دِي بِالْقُدْرَةْ الْهُو يَنْطِينِي مِنْ قُدُرْتَهْ الْعَظِيمَةْ.

فِلِبِّي 1:13

أَشَانْ بِقِي وَاضِحْ لِكُلَّ عَسْكَرْ هَنَا قَصِرْ الْوَالِي وَ لِكُلَّ النَّاسْ الْآخَرِينْ كَدَرْ أَنَا مَسْجُونْ فِي شَانْ أَنَا عَبْد الْمَسِيحْ.

كُلُوسِي 2:1

وَ نِدَوْر إِنْتُو تَعَرْفُوا كَدَرْ أَنَا قَاعِدْ نِجَاهِدْ بِلْحَيْن فِي شَانْكُو وَ فِي شَانْ الْأَخْوَانْ الْقَاعِدِينْ فِي حِلَّةْ لَاوْدِكِيَّةْ وَ كُلَّ الْأَخْوَانْ الْآخَرِينْ الْيَوْم وَاحِدْ مَا شَافَوْنِي.

عِبْرَانِيِّين 12:1

وَ فِي الْكَلَامْ دَا، عِنْدِنَا شُهُودْ كَتِيرِينْ بِلْحَيْن الْيَشْهَدَوْا لَيْنَا مِنْ أَيِّ جِيهَةْ. أَشَانْ دَا، خَلِّي نِخَلُّوا مِنِّنَا كُلَّ شَيّءْ الْيِوَقِّفْنَا وَ كُلَّ ذَنِبْ الْيِدَوْر يَكْرُبْنَا. وَ خَلِّي نَمْشُوا قِدَّامْ بِجُهُدْ مِثِلْ نَاسْ فِي مُسَابَقَةْ وَ نَجْرُوا لَحَدِّي نِكَمُّلُوا الْمُسَابَقَةْ الْأَنِحْنَ قَاعِدِينْ فَوْقهَا.