فِلِبِّي 1:3 - الكتاب المقدس بالعربي الدارجي هنا تشاد

³ فِي أَيِّ وَكِتْ كَنْ فَكَّرْت لَيْكُو، نَشْكُرْ اللّٰهْ رَبِّي.

فِلِبِّي 1:3 Cross References

1 كُرُنْتُس 1:4

نَشْكُرْ اللّٰهْ دَايْماً فِي شَانْكُو وَ فِي شَانْ الرَّحْمَةْ الْهُو أَنْطَاكُو بِعَلَاقِتْكُو مَعَ الْمَسِيحْ عِيسَى.

2 تِمُوتَاوُس 1:3

فِي شَانَكْ إِنْتَ، نَشْكُرْ اللّٰهْ النَّعَبُدَهْ مِثِلْ جُدُودِي عَبَدَوْه بِنِيَّةْ مُخْلِصَةْ وَ نِفَكِّرْ فَوْقَكْ دَايْماً وَكِتْ نَدْعِي لَيْل وَ نَهَارْ.

1 تَسَلونِيكِي 3:9

مِنْ شِدَّةْ الْفَرْحَةْ، مَا نَعَرْفُوا كِكَّيْف نَشْكُرُوا اللّٰهْ فِي شَانْكُو. أَيْوَى فِي شَانْكُو إِنْتُو، نَفْرَحَوْا قِدَّامْ اللّٰهْ بِفَرْحَةْ كَبِيرَةْ بِلْحَيْن.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

رَوْمَا 6:17

وَ الْحَمْدُ للّٰهْ، أَوَّلْ إِنْتُو بِقِيتُوا عَبِيدْ لِلذَّنِبْ لَاكِنْ هَسَّعْ تِتَابُعُوا بِكُلَّ قُلُوبْكُو التَّعْلِيمْ الْاللّٰهْ نَزَّلَهْ لَيْكُو.