فِلِبِّي 1:17 - الكتاب المقدس بالعربي الدارجي هنا تشاد

¹⁷ وَ لَاكِنْ الْحَسُودِينْ دَوْل يِبَلُّغُوا بِالْمَسِيحْ بِنِيَّةْ مَا مُخْلِصَةْ. يِدَوْرُوا يُخُطُّوا نُفُوسْهُمْ قِدَّامْ. وَ فِي فِكِرْهُمْ، بَلِّغِينْهُمْ يَبْقَى لَيِّ قَاسِي وَكِتْ أَنَا مُجَنْزَرْ فِي السِّجِنْ.

فِلِبِّي 1:17 Cross References

فِلِبِّي 2:3

وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

2 تِمُوتَاوُس 4:16

أَوَّلْ مَرَّةْ وَكِتْ جَابَوْنِي فِي الْمَحْكَمَةْ وَ أَنَا دَافَعْت لِنَفْسِي، مَا فِي نَادُمْ وَاحِدْ الْوَقَفْ مَعَايِ. كُلُّهُمْ خَلَّوْنِي مَرَّةْ وَاحِدْ. نَسْأَلْ رَبِّنَا مَا يِحَاسِبْهُمْ.

1 تِمُوتَاوُس 2:7

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.

أعمال الرُسُل 26:24

وَ وَكِتْ بُولُسْ قَاعِدْ يِدَافِعْ لِنَفْسَهْ مِثِلْ دَا، فَسْتُسْ حَجَّى بِحِسّ عَالِي وَ قَالْ: «بُولُسْ! إِنْتَ مُشَوْطِنْ! قَرَيْت كَتِيرْ لَحَدِّي عَقْلَكْ لَفَّ!»

أعمال الرُسُل 26:1

وَ أَغْرِيبَاسْ قَالْ لِبُولُسْ: «عِنْدَكْ إِذِنْ أَشَانْ تِدَافِعْ لِنَفْسَكْ.» وَ بُولُسْ سَوَّى إِشَارَةْ بِإِيدَهْ أَشَانْ النَّاسْ يَسْمَعَوْه وَ بَدَا كَلَامَهْ. هُو قَالْ:

أعمال الرُسُل 22:1

وَ قَالْ: «يَا أَخْوَانِي، يَا أَبَّهَاتِي، أَسْمَعَوْا كَلَامِي. خَلِّي نِدَافِعْ لِنَفْسِي.»

لُوقا 21:14

أَشَانْ دَا، ثَبُّتُوا أَفْكَارْكُو أَشَانْ مَا تِهِمُّوا فِي كِكَّيْف تُرُدُّوا لَيْهُمْ.

رَوْمَا 2:8

لَاكِنْ النَّاسْ الْعَاصِيِينْ الْيَابَوْا الْحَقّ وَ يِتَابُعُوا الْفَسَالَةْ، زَعَلْ اللّٰهْ وَ غَضَبَهْ يَنْزُلُوا فَوْقهُمْ.

فِلِبِّي 1:18

وَ كَنْ لَيِّ أَنَا، دَا مَا يِسَوِّي لَيِّ شَيّءْ. كَنْ نِيِّتْهُمْ فَسْلَةْ وَلَّا نِيِّتْهُمْ عَدِيلَةْ كُلَ، بِأَيِّ طَرِيقَةْ هُمَّنْ قَاعِدِينْ يِبَلُّغُوا كَلَامْ الْمَسِيحْ وَ بَيْدَا، أَنَا فَرْحَانْ. أَيْوَى، بَتَّانْ كُلَ نَفْرَحْ

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.