فِلِبِّي 1:13 - الكتاب المقدس بالعربي الدارجي هنا تشاد

¹³ أَشَانْ بِقِي وَاضِحْ لِكُلَّ عَسْكَرْ هَنَا قَصِرْ الْوَالِي وَ لِكُلَّ النَّاسْ الْآخَرِينْ كَدَرْ أَنَا مَسْجُونْ فِي شَانْ أَنَا عَبْد الْمَسِيحْ.

فِلِبِّي 1:13 Cross References

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.

أفَسُس 3:1

أَنَا بُولُسْ قَاعِدْ فِي السِّجِنْ أَشَانْ نِتَابِعْ الْمَسِيحْ عِيسَى وَ نِبَلِّغْ بِشَارْتَهْ لَيْكُو إِنْتُو الْمَا يَهُودْ. وَ أَشَانْ دَا، أَنَا نَسْأَلْ لَيْكُو اللّٰهْ.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

أفَسُس 6:20

وَ فِي شَانْ الْبِشَارَةْ، أَنَا بِقِيتْ سَفِيرْ وَ بِسَبَبْهَا كَرَبَوْنِي فِي السِّجِنْ. خَلِّي اللّٰهْ يَنْطِينِي قُدْرَةْ أَشَانْ نِبَلِّغْهَا بَلَا خَوْف وَ نِكَلِّمْ مِثِلْ وَاجِبْ.

أعمال الرُسُل 26:29

وَ بُولُسْ قَالْ: «كَنْ عَجَلَةْ وَلَّا كَنْ بَعَدْ وَكِتْ طَوِيلْ كُلَ، أَنَا نَسْأَلْ اللّٰهْ أَشَانْ إِنْتَ وَ كُلَّ النَّاسْ الْقَاعِدِينْ يَسْمَعَوْا كَلَامِي الْيَوْم، تَبْقَوْا مَسِيحِيِّينْ مِثْلِي لَاكِنْ بَلَا الْجَنَازِيرْ الْفَوْقِي دَوْل!»

فِلِبِّي 4:22

كُلَّ الصَّالِحِينْ الْقَاعِدِينْ هِنِي يِسَلُّمُوكُو وَ خَاصَّةً النَّاسْ الْمِنْ بَيْت السُّلْطَانْ.

أعمال الرُسُل 28:30

وَ فِي مُدَّةْ سَنْتَيْن، بُولُسْ سَاكِنْ فِي الْبَيْت الْأَجَّرَهْ. وَ قَاعِدْ يِفَضِّلْ كُلَّ الضِّيفَانْ الْجَايِينْ لَيَّهْ.

أعمال الرُسُل 28:20

وَ أَشَانْ دَا، دَوَّرْت نِحَجِّي مَعَاكُو. وَ أَنَا مَرْبُوطْ بِالْجِنْزِيرْ دَا فِي شَانْ النَّادُمْ الْبَنِي إِسْرَائِيلْ قَاعِدِينْ يَرْجَوْه بِعَشَمْ.»

أعمال الرُسُل 28:17

وَ بَعَدْ تَلَاتَةْ يَوْم، بُولُسْ نَادَى كُبَارَاتْ الْيَهُودْ السَّاكْنِينْ فِي رَوْمَا أَشَانْ يَجُوا لَيَّهْ. وَ هُمَّنْ جَوْا لَيَّهْ وَ هُو حَجَّى لَيْهُمْ وَ قَالْ: «يَا الْأَخْوَانْ، أَنَا مَا سَوَّيْت شَيّءْ ضِدّ شَعَبْنَا وَ مَا سَوَّيْت شَيّءْ ضِدّ عَادَاتْ جُدُودْنَا لَاكِنْ كَرَبَوْنِي فِي مَدِينَةْ الْقُدُسْ وَ سَلَّمَوْنِي لِلرَّوْمَانِيِّينْ.

أعمال الرُسُل 26:31

وَ وَكِتْ مَرَقَوْا مِنْ الْبَكَانْ، حَجَّوْا أَمْبَيْنَاتْهُمْ وَ قَالَوْا: «النَّادُمْ دَا مَا سَوَّى جَرِيمَةْ الْوَاجِبْ لَيَّهْ الْمَوْت وَ لَا سِجِنْ.»

أفَسُس 4:1

أَشَانْ كُلَّ الْكَلَامْ دَا، أَنَا الْمَسْجُونْ هِنِي فِي شَانْ رَبِّنَا، نِوَصِّيكُو. عِيشُوا بِالْحَالْ الْمُوَافْقَةْ لِلنَّاسْ الْاللّٰهْ نَادَاهُمْ.

فِلِبِّي 1:30

وَ خَلَاصْ، إِنْتُو قَاعِدِينْ تِشَارُكُوا فِي نَفْس الْحَرِبْ الْأَنَا قَاعِدْ نِحَارِبْ فَوْقَهْ. وَ الْحَرِبْ دَا، إِنْتُو شِفْتُوهْ أَوَّلْ وَكِتْ أَنَا لِسَّاعْ قَاعِدْ مَعَاكُو. وَ هَسَّعْ كُلَ، سِمِعْتُوا كَدَرْ أَنَا قَاعِدْ نِحَارِبْ مِثِلْ دَا بَتَّانْ.