فِلِبِّي 1:12 - الكتاب المقدس بالعربي الدارجي هنا تشاد

¹² يَا أَخْوَانِي، نِدَوْر إِنْتُو تَعَرْفُوا كَدَرْ التَّعَبْ اللِّحِقَانِي هِنِي سَاعَدْ بِشَارَةْ الْمَسِيحْ وَ هِي أَلْوَسَّعَتْ زِيَادَةْ.

فِلِبِّي 1:12 Cross References

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.

رَوْمَا 8:28

وَ نَعَرْفُوا كَدَرْ فِي كُلَّ شَيّءْ، اللّٰهْ يِسَوِّي الْخَيْر لِلنَّاسْ الْيِحِبُّوهْ وَ هُمَّنْ النَّاسْ الْاللّٰهْ نَادَاهُمْ فِي دَرْبَهْ لِيِطَبُّقُوا خِطِّتَهْ.

رَوْمَا 8:37

وَ لَاكِنْ كُلَّ الصُّعُوبَاتْ دَوْل، أَنِحْنَ نِنَّصُرُوا فَوْقهُمْ نَصُرْ كَبِيرْ بِالْمَسِيحْ الْيِحِبِّنَا.

أعمال الرُسُل 8:4

وَ الْمُؤمِنِينْ الشَّتَّوْا فِي أَيِّ بَكَانْ قَاعِدِينْ يِبَلُّغُوا الْبِشَارَةْ لِكُلَّ النَّاسْ.

زَبُور 76:10

حَتَّى زَعَلْ الْإِنْسَانْ يِوَصِّفْ مَجْدَكْ وَ الْمَا يِخَلُّوا زَعَلْهُمْ يَقْعُدُوا حَزْنَانِينْ.

أسْتِير 9:1

فِي يَوْم 13 هَنَا شَهْرِي 12 الْأُسْمَهْ أَدَارْ، فِي الْيَوْم دَا بَسْ، وَاجِبْ يِطَبُّقُوا قَرَارْ الْمَلِكْ وَ قَانُونَهْ وَ عُدْوَانْ الْيَهُودْ يَحْسُبُوا يِنَّصُرُوا فَوْقهُمْ. وَ لَاكِنْ الشَّيّءْ دَا بِقِي بِالْعَكْس، الْيَهُودْ أَنَّصَرَوْا فِي النَّاسْ الْكِرْهَوْهُمْ.

خُروج 18:11

وَ هَسَّعْ أَنَا عِرِفْت كَدَرْ اللّٰهْ أَكْبَرْ مِنْ كُلَّ الْإِلٰـهَاتْ أَشَانْ هُو وَصَّفْ قُدُرْتَهْ لِلنَّاسْ الظَّلَمَوْا بَنِي إِسْرَائِيلْ.»

لُوقا 21:13

وَ بَيْدَا تَلْقَوْا فُرْصَةْ لِتَشْهَدَوْا لَيِّ.

فِلِبِّي 1:5

أَنَا فَرْحَانْ مِنْكُو أَشَانْ إِنْتُو شَارَكْتُوا مَعَايِ فِي بَلِّغِينْ بِشَارَةْ الْمَسِيحْ مِنْ أَوَّلْ وَكِتْ أَنَا جِيتْ لَيْكُو لَحَدِّي الْيَوْم.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

فِلِبِّي 2:22

لَاكِنْ أَكِيدْ إِنْتُو تَعَرْفُوا كِكَّيْف تِمُوتَاوُسْ وَصَّفْ ثَبَاتَهْ. مِنْ وَكِتْ طَوِيلْ، هُو قَاعِدْ يَخْدِمْ مَعَايِ فِي بَلِّغِينْ بِشَارَةْ الْمَسِيحْ مِثِلْ وِلَيْد الْيَخْدِمْ مَعَ أَبُوهْ.

فِلِبِّي 4:3

وَ إِنْتَ، يَا رَفِيقِي الْأَمِينْ، نَطْلُبْ مِنَّكْ إِنْتَ تِسَاعِدْ الْعَوِينْ دَيْل. سَاعِدْهِنْ بِسَبَبْ هِنَّ خَدَمَنْ مَعَايِ فِي شَانْ بِشَارَةْ الْمَسِيحْ. هِنَّ جَاهَدَنْ سَوَا مَعَ أَخُونَا كِلَيْمَانْ وَ الْآخَرِينْ الْيَخْدُمُوا مَعَايِ. النَّاسْ دَوْل، أَسَامَيْهُمْ مَكْتُوبِينْ فِي كِتَابْ الْحَيَاةْ.

فِلِبِّي 4:15

يَا أَخْوَانِي نَاسْ فِلِبِّي، إِنْتُو تَعَرْفُوا كَدَرْ أَوَّلْ مَرَّةْ جِيتْ بَلَّغْت بِشَارَةْ الْمَسِيحْ لَيْكُو وَ فُتّْ قِدَّامْ مِنْ بَلَدْ مَقِدُونِيَةْ، إِنْتُو وِحَيْدكُو شَارَكْتُوا مَعَايِ. مَا فِي جَمَاعَةْ مُؤمِنِينْ آخَرَةْ الْأَوَّلْ أَنْطَيْتهُمْ كَلَامْ اللّٰهْ وَ بَعَدَيْن هُمَّنْ أَنْطَوْنِي مُسَاعَدَةْ.

1 تِمُوتَاوُس 2:8

وَ فِي كُلِّ بَكَانْ نِدَوْر كَدَرْ الرُّجَالْ الْيَعَبُدُوا اللّٰهْ يَبْقَوْا صَالِحِينْ وَ يَرْفَعَوْا إِيدَيْهُمْ قِدَّامْ اللّٰهْ بَلَا زَعَلْ وَ لَا هُرَاجْ.

2 تِمُوتَاوُس 4:17

لَاكِنْ رَبِّنَا وَقَفْ مَعَايِ وَ أَنْطَانِي قُدْرَةْ وَ بَيْهَا بَلَّغْت الْبِشَارَةْ كُلَّهَا كَيْ وَ نَاسْ مِنْ كُلَّ الْأُمَمْ سِمْعَوْهَا. وَ فِي الْيَوْم دَا، أَنَا مِثِلْ نَادُمْ الدُّودْ يِدَوْر يَاكُلَهْ لَاكِنْ الرَّبّ نَجَّانِي مِنْ الْمَوْت.