فِلِبِّي 1:11 - الكتاب المقدس بالعربي الدارجي هنا تشاد

¹¹ وَ تَبْقَوْا صَالِحِينْ وَ مَلَانِينْ بِالْخَيْر الْجَايِ مِنْ عِيسَى الْمَسِيحْ. وَ خَلَاصْ، الْمَجْد وَ الشُّكُرْ لِلّٰهْ.

فِلِبِّي 1:11 Cross References

عِبْرَانِيِّين 12:11

فِي الْوَكِتْ الْحَالِي، كُلَّ الْأَدَبْ قَاسِي لَيْنَا وَ مَا يَنْطِينَا فَرَحْ. لَاكِنْ بَعَدَيْن، النَّاسْ الضَّرَبَوْهُمْ أَشَانْ الْأَدَبْ يَلْقَوْا مِنَّهْ نَتِيجَةْ وَ هِي السَّلَامْ وَ الْعَدَالَةْ.

يُوحَنَّا 15:8

وَ مَجْد أَبُويِ يِبِينْ زِيَادَةْ وَكِتْ إِنْتُو تَبْقَوْا مِثِلْ فُرُوعْ الْيَلْدَوْا عِيَالْ كَتِيرْ. وَ بَيْدَا، تِوَصُّفُوا نُفُوسْكُو كَدَرْ إِنْتُو تَلَامِيذِي.

كُلُوسِي 1:10

وَ مِثِلْ دَا، تَعَرْفُوا كِكَّيْف تِعِيشُوا بِحَالْ الْوَاجْبَةْ لِنَاسْ الرَّبّ وَ تِسَوُّوا دَايْماً الشَّيّءْ الْهُو يَرْضَى بَيَّهْ وَ تِسَوُّوا كُلَّ عَمَلْ الْخَيْر وَ تَعَرْفُوا اللّٰهْ بِزِيَادَةْ.

فِلِبِّي 4:17

قُلْت الْكَلَامْ دَا، مَا أَشَانْ نِدَوْر مِنْكُو مُسَاعَدَةْ بَتَّانْ لَاكِنْ أَشَانْ أَيِّ شَيّءْ التَّنْطُوهْ فِي شَانْ رَبِّنَا، هُو يَقْبَلَهْ وَ يُخُطَّهْ فِي مَخَزَنْ الْحَسَنَاتْ.

كُلُوسِي 1:6

وَ بِشَارَةْ الْمَسِيحْ قَاعِدَةْ تِجِيبْ نَتِيجَةْ وَ تِلْوَزَّعْ فِي الدُّنْيَا. وَ دَا مِثِلْ هِي قَاعِدَةْ تِسَوِّيهْ فِي أُسُطْكُو مِنْ يَوْم إِنْتُو سِمِعْتُوا بِنِعْمَةْ اللّٰهْ وَ عِرِفْتُوهَا بِصَحِيحْ.

رَوْمَا 6:22

لَاكِنْ هَسَّعْ إِنْتُو حُرِّينْ مِنْ الذَّنِبْ وَ بِقِيتُوا عَبِيدْ اللّٰهْ. وَ النَّتِيجَةْ التَّلْقَوْهَا، هِي الْحَالْ الصَّالْحَةْ وَ هِي تِوَدِّي النَّاسْ لِلْحَيَاةْ الْأَبَدِيَّةْ.

إشَعْيا 61:11

أَيْوَى، مِثِلْ الْأَرْض تَمْرُقْ بِذْرِتْهَا وَ مِثِلْ الْجِنَيْنَةْ تَمْرُقْ تَيْرَابْهَا، مِثِلْ دَا، اللّٰهْ الرَّبّ كُلَ يِبَيِّنْ عَدَالْتَهْ وَ كُلَّ الْأُمَمْ يَشْكُرُوهْ.

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

2 تَسَلونِيكِي 1:12

وَ مِثِلْ دَا، أُسُمْ الرَّبّ عِيسَى يَبْقَى مَجِيدْ مَرَّةْ وَاحِدْ فِي أُسُطْكُو وَ إِنْتُو كُلَ تِشَارُكُوا فِي مَجْدَهْ بِسَبَبْ الرَّحْمَةْ اللِّقِيتُوهَا مِنْ اللّٰهْ وَ رَبِّنَا عِيسَى الْمَسِيحْ.

أفَسُس 5:9

أَشَانْ نُورْ اللّٰهْ يِجِيبْ نَتِيجَةْ فِي قُلُوبْ النَّاسْ وَ النَّتِيجَةْ دِي، هِي الْخَيْر وَ الْعَدَالَةْ وَ الْحَقّ.

أفَسُس 1:14

وَ الرُّوحْ الْقُدُّوسْ يِأَكِّدْ لَيْنَا كَدَرْ نَلْقَوْا قِسِمْنَا مِنْ الْوَرَثَةْ الْوَاعَدْ بَيْهَا شَعَبَهْ. وَ هُو يِأَكِّدْ لَيْنَا كَدَرْ نَلْقَوْا الْوَرَثَةْ دِي وَكِتْ نَجَاتْنَا بِقَتْ كَامِلَةْ. وَ أَشَانْ دَا، خَلِّي نِمَجُّدُوا عَظَمَةْ اللّٰهْ.

1 كُرُنْتُس 10:31

وَ خَلَاصْ، فِي كُلِّ شَيّءْ التَّاكُلُوهْ وَ تَشَرْبَوْه وَ تِسَوُّوهْ، مَجُّدُوا اللّٰهْ. مَجُّدُوهْ فِي كُلِّ شَيّءْ.

مَتَّى 5:16

وَ مِثِلْ دَا، خَلُّوا نُورْكُو يِضَوِّي قِدَّامْ النَّاسْ. وَ خَلُّوهُمْ يِشِيفُوا خِدْمِتْكُو السَّمْحَةْ وَ يَشْكُرُوا أَبُوكُو اللّٰهْ الْقَاعِدْ فِي السَّمَاوَاتْ.

1 بُطْرُس 4:14

كَنْ النَّاسْ يِعَيُّرُوكُو أَشَانْ إِنْتُو نَاسْ الْمَسِيحْ، خَلَاصْ عِنْدُكُو بَرَكَةْ أَشَانْ رُوحْ اللّٰهْ الْمَجِيدْ قَاعِدْ فَوْقكُو.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

1 بُطْرُس 2:5

وَ إِنْتُو كُلَ مِثِلْ حُجَارْ الْحَيِّينْ الْاللّٰهْ قَاعِدْ يَبْنِي بَيْكُو بَيْت هَنَا رُوحَهْ. وَ إِنْتُو رُجَالْ دِينْ خَاصِّيْن وَ قَاعِدِينْ تِقَدُّمُوا لِلّٰهْ ضَحَايَا بِإِذِنْ الرُّوحْ الْقُدُّوسْ الْاللّٰهْ يَرْضَى بَيْهُمْ بِوَاسِطَةْ عِيسَى الْمَسِيحْ.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

أفَسُس 1:12

وَ اللّٰهْ عَزَلَانَا أَنِحْنَ الْبِقِينَا الْأَوَّلَانِيِّينْ الْخَطَّيْنَا عَشَمْنَا فِي الْمَسِيحْ لِنَشْكُرُوهْ وَ نِمَجُّدُوهْ.

2 كُرُنْتُس 9:10

وَ اللّٰهْ الْيَنْطِي التَّيْرَابْ لِلْحَرَّاتِي وَ مَعَاشْ لِلنَّاسْ، هُو يِكَتِّرْ لَيْكُو تَيْرَابْكُو أَشَانْ تَلْقَوْا كَتِيرْ وَ تَنْطُوا زِيَادَةْ وَ يِزِيدْكُو بَرَكَةْ.

يُوحَنَّا 15:16

إِنْتُو مَا عَزَلْتُونِي. أَنَا بَسْ عَزَلْتُكُو وَ رَسَّلْتُكُو أَشَانْ تَبْقَوْا مِثِلْ شَدَرَةْ تَلْدَوْا فَوَاكِهْ، وَ فَوَاكِهْكُو يَقْعُدُوا إِلَى الْأَبَدْ. وَ أَيِّ شَيّءْ التَّسْأَلَوْه مِنْ أَبُويِ بِأُسْمِي، هُو يَنْطِيكُو.

يُوحَنَّا 15:2

أَيِّ فِرِعْ الْمَا قَاعِدْ يَلْدَ، هُو يَمُرْقَهْ مِنِّي. وَ أَيِّ فِرِعْ الْقَاعِدْ يَلْدَ، هُو يِبَرْبِرَهْ أَشَانْ يَبْقَى نَضِيفْ وَ يَلْدَ زِيَادَةْ.

إشَعْيا 61:3

هُو رَسَّلَانِي لِنَاسْ صَهْيُون الْقَاعِدِينْ فِي الْحِزِنْ أَشَانْ نَنْطِيهُمْ كَدْمُولْ جَمِيلْ بَدَلْ الرُّمَادْ الْفِي رَاسْهُمْ وَ دِهِنْ السُّرُورْ بَدَلْ الْحِزِنْ وَ لُبَاسْ الشُّكُرْ بَدَلْ الرُّوحْ الضَّعِيفَةْ. وَ يِسَمُّوهُمْ شَدَرْ الْعَدَالَةْ الْاللّٰهْ مَقَنَهْ لِيِوَصِّفْ مَجْدَهْ.

إشَعْيا 60:21

أَيْوَى، شَعَبْكِ كُلُّهُمْ يَبْقَوْا صَالِحِينْ وَ يَوْرُثُوا الْأَرْض إِلَى الْأَبَدْ. هُمَّنْ بِذِرْتِي الْأَنَا مَقَّنْتَهَا وَ خِدْمَةْ إِيدَيْنِي الْيِوَصُّفُوا مَجْدِي.

زَبُور 1:3

هُو مِثِلْ شَدَرَةْ الْقَايْمَةْ فِي خَشُمْ الْبَحَرْ وَ تَلْدَ فِي وَكِتْهَا وَ وَرْشَالْهَا دَايْماً أَخْضَرْ. وَ هُو يَنْجَحْ فِي كُلَّ شَيّءْ الْيِسَوِّيهْ.

إشَعْيا 5:2

هُو حَرَتْ الْأَرْض وَ مَرَقْ حُجَارْهَا وَ شَالْ أَحْسَنْ مَقَنْ وَ مَقَّنَهْ. وَ بَنَى بَيْت طَوِيلْ لِلْمُرَاقَبَةْ فِي لُبّ الْجِنَيْنَةْ وَ فِي الْحَجَرْ، سَوَّى عَصَّارَةْ. عِنْدَهْ عَشَمْ يَلْقَى عِنَبْ عَدِيلْ وَ لَاكِنْ جِنَيْنِتَهْ أَنْتَجَتْ إِلَّا عِنَبْ تَلْفَانْ.

رَوْمَا 15:28

وَ وَكِتْ الْخِدْمَةْ دِي تِكَمِّلْ وَ أَنَا أَنْطَيْتهُمْ كُلَّ شَيّءْ اللَّمَّوْه لَيْهُمْ، نِشِيلْ دَرِبْ هَنَا إِسْبَانِيَا وَ نَخْشَاكُو فِي رَوْمَا.

تِيطُس 3:14

وَ خَلِّي كُلَّ أَخْوَانَّا يَعَرْفُوا كِكَّيْف يِنْكَرْبُوا فِي عَمَلْ الْخَيْر أَشَانْ يِسَاعُدُوا النَّاسْ الْحَوْجَانِينْ بِالصَّحِيحْ. وَ مِثِلْ دَا أَخْوَانَّا مَا يَبْقَوْا نَاسْ الْحَيَاتْهُمْ مَا عِنْدَهَا فَايْدَةْ.