Efesianys 6:1 - An Bibel Kernewek 20234 (Kernewek Kemmyn)

¹ Fleghes, bedhewgh gostydh dh'agas kerens y'n Arloedh rag bos hemma gwiw.

Efesianys 6:1 Cross References

Lavarow Koth 23:22

Goslow orth dha das a'th tineythis, ha na dhispres dha vamm pan vo hi koth.

Lavarow Koth 6:20

Ow mab, gwith gorhemmynn dha das, ha na forsak dyskans dha vamm.

Lavarow Koth 1:8

Klew, ow mab, dyskans dha das, ha na skon dyskas dha vamm

Dewteronomi 21:18

Mara'n jeffo gour mab gorth ha diwostydh, neb na woslow lev y das na lev y vamm, ha pan y'n kessydhyons ny woslow orta,

Levitikus 19:3

Pubonan ahanowgh a wra revrons dh'y das ha'y vamm ha synsi ow sabotys. An Arloedh agas Duw ov vy.

1 Timothi 5:4

Mes mars eus fleghes po fleghes-wynn dhe neb gwedhwes, dyskens i kyns oll gul aga dever kryjyk dh'aga theylu i hag attyli dh'aga thas ha'ga mamm, rag plegadow a-dherag Duw yw hemma.

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Lavarow Koth 30:17

An lagas hag a dhispres tas hag a skorn bos gostydh dhe vamm a vydh pigys yn-mes gans marghvrini an nans ha dybrys gans an eryon.

Romanyon 7:12

Rag an lagha yw sans, ha'n gorhemmynn yw ha sans ha teg ha da.

Luk 2:51

Hag ev eth yn-nans gansa ha dos dhe Nazareth, hag ev o gostydh dhedha. Ha'y vamm a witha oll an lavarow ma yn hy holonn.

Job 33:27

Ev a gan a-rag dus ha leverel, “My re beghas ha kammdreylya an pyth a veu ewn, mes ny dhegemmeris an pyth a dhendilis.

1 Peder 2:13

Bedhewgh gostydh a-barth an Arloedh dhe bub awtorita fondys gans mab-den, po dhe vyghtern avel penn-router

Hosea 14:9

Piw yw skentel? Re gonvettho an taklow ma. Piw yw doeth? Re's godhvo. Fordhow an Arloedh yw ewn, an re wiryon a gerdh ynna, mes drogoberoryon a drebuch ynna.

Lavarow Koth 30:11

Yma re hag a volleth aga thas ha na vennik aga mamm.

Jenesis 28:7

Ha Yakob a wrug vri a'y das ha'y vamm ha mos dhe Padan-aram.

Salmow 19:8

Arghadowyow an Arloedh yw ewn, ow lowenhe an golonn; gorhemmynn an Arloedh yw pur, ow ri golow dhe'n dhewlagas.

Ester 2:20

Na hwath ny venegsa Ester naneyl hy herens na'y fobel dell arghsa Mordekay dhedhi: rag Ester a wre war-lergh gorhemmynn Mordekay par dell wre hi pan o megys ganso.

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

Romanyon 16:2

rag ma's degemmerrewgh y'n Arloedh, dell dhelledh dhe'n syns, ha sevel rygdhi yn pypynag a's teffo edhomm anodho, rag hi re beu gwithyades dhe lies ha dhymmo vy ynwedh.

Salmow 119:75

My a woer, A Arloedh, dha vreusow dhe vos gwiryon, hag yn lenduri ty dhe'm trobla.

Jenesis 37:13

Hag Ysrael a leveris dhe Yosep, ‘A nyns usi dha vreder ow peuri yn Shekem? Deus, my a wra dha dhannvon dhedha.’ Hag yn-medh ev dhodho. ‘Ottavy.’

Yeremia 35:14

Geryow Yonadab mab Rekab a worhemmynnis dh'y vebyon, na effens gwin, re beu kowlwrys; ha ny evons byth bys y'n jydh ma, rag i re beu gostydh dhe worhemmynn aga thas. Mes my ow honan re gewsis orthowgh heb lett, ha ny woslewsowgh orthiv.

Nehemia 9:13

Ty a dheuth yn-nans war venydh Sinay ha kewsel gansa dhiworth nev ha ri dhedha rewlys ewn ha gwir laghys, ordenansow ha gorhemmynnow da,

1 Samuel 17:20

Davydh a sevis myttin a-varr, ha gasa an deves gans gwithyas, ha kemmeres an sosten, ha mos kepar dell wrussa Yesse erghi dhodho. Ev a dheuth dhe'n kamp yn kettermyn dell esa an lu ow mos yn-rag dhe'n vatel, ow karma rag an vatel.

Salmow 119:128

Rakhenna my a gerdh yn ewn herwydh oll dha arghadowyow; my a gas pub hyns gowek.

Ruth 3:5

Ruth a worthybis dhedhi, ‘Pup-tra a leversys dhymm y wul, henna a wrav.’

Yeremia 35:8

Yndellma ni re woslowas orth lev Yonadab mab Rekab agan tas yn pup-tra a worhemmynnis dhyn, ma na evyn gwin vyth yn agan dydhyow, ni, na'gan gwragedh, na'gan mebyon, na'gan myrghes,

Yeremia 35:18

Mes dhe ji an Rekabysi Yeremia a leveris: Yndellma y lever Arloedh an luyow, Duw Ysrael: Drefenn hwi dhe vos gostydh dhe worhemmynn Yonadab agas tas, ha gwitha oll y worhemmynnow, ha gul pup-tra a worhemmynnis dhywgh,

Jenesis 48:12

Ha Yosep a's kemmeras dhiworth y dhewlin hag omblegya, gans y fas dhe'n leur.

Jenesis 50:12

Ytho y vebyon a wrug ragdho par dell wrussa erghi dhedha.