Efesianys 2:3 - An Bibel Kernewek 20234 (Kernewek Kemmyn)

³ hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Efesianys 2:3 Cross References

Jenesis 5:3

Adam a vewas deg bloedh ha hwegh-ugens, ha dineythi mab yn y hevelep, war-lergh y imaj ev, ha gelwel y hanow Seth.

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Job 14:4

Piw a yll dri neppyth glan dhiworth neppyth mostys? Denvyth.

Job 25:4

Fatell yll den bos gwiryon a-rag Duw? Fatell yll den dineythys a venyn bos glan?

Salmow 51:5

Otta, yn kammweyth y feuv vy dineythys, hag yn pegh y'm omdhuk ow mamm.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Mark 4:19

ha fienasow an bys ma, ha dynyans rychys, ha hwans a daklow erell ow tos a-ji, a dag an ger, ha ny dheg frut.

Yowann 1:13

an re na veu genys a woes, nag a vynnas kig, nag a vynnas gour, mes a Dhuw.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Oberow 14:16

Y'n henedhow tremenys ev a asas an kenedhlow oll dhe vos yn aga fordhow aga honan;

Romanyon 1:24

Yndella Duw a's gasas yn drokhwansow aga holonn, dhe blosedhes, dhe dhisenora aga horf yntredha,

Romanyon 11:30

Rag dell ewgh hwi kyns diwostydh dhe Dhuw mes lemmyn re gevsowgh tregeredh der aga diwostytter,

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 2:14

An kenedhlow na's teves an lagha, pan wrons dre natur an pyth yw erghys gans an lagha, lagha yns i dhedha aga honan, kyn na's teves an lagha.

Romanyon 5:10

Rag mars en unnverhes gans Duw, ha ni hwath eskerens, dre vernans y Vab, kemmys moy, wosa ni dhe vos unnverhes y fydhyn selwys gans y vewnans.

Romanyon 5:9

Ytho a-ban on justifiys gans y woes, dhe voy y fydhyn selwys dredho a gonnar Duw.

Romanyon 6:12

Ytho na reynyes pegh yn agas korf marwel bys may fydhowgh gostydh dh'y dhrokhwansow.

Romanyon 7:18

Rag y hwonn na drig ynnov travyth da, henn yw y'm kig. Yma parys genev an mynnas, mes kowlwul an da – ny allav.

Romanyon 9:22

Mes pandra mar kwrug Duw, gans bodh a dhiskwedhes y gonnar ha dyllo y alloes, perthi gans perthyans meur an lestri a gonnar gwrys gwiw rag distrui,

1 Korinthianys 4:7

Rag piw a wel dha vos arbennik? Ha pandra a'th eus na dhegemmersys? Ha mara'n degemmersys, prag y fostydh, kepar ha pan na dhegemmersys?

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Galatianys 3:22

mes an Skryptor re dhegeas pup-tra yn-dann begh may fo an ambos dre fydh yn Yesu Krist res dhe'n re a grys.

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

Efesianys 4:22

may hworrewgh mes ahanowgh an den koth, agas bewedh kyns, yw shyndys dre fals hwansow,

Kolossianys 1:21

Ha hwi, ytho, re beu alyons kyns, hag eskerens y'n brys, dre dhrog wriansow;

1 Thessalonianys 4:13

Ny vynnyn hwi dhe vos heb godhvos, a vreder, a-dro dhe'n re a gosk, ma na vewgh grevys kepar ha'n re erell heb govenek.

1 Thessalonianys 5:6

Ytho, na goskyn kepar ha'n re erell, mes gwren goelyas ha bedhen divedhow.

1 Timothi 6:9

An re a vynn bos rych a goedh yn temptasyon ha maglenn ha lies tebel-ewl gokki ha drog a wra dhe dus beudhi yn terroes ha diswrians.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

1 Peder 1:14

Kepar ha fleghes wostydh, na wrewgh war-lergh hwansow an termyn a'gas fowt a skians,

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

1 Yowann 2:16

Rag pup-tra eus y'n bys, lust an kig ha lust an lagasow ha goeth bewnans, nyns esons a'n Tas mes a'n bys.

1 Yowann 2:8

Arta, gorhemmynnow nowydh a skrifav dhywgh, an pyth yw gwir ynno ev hag ynnowgh hwi: rag tremenys yw an tewlder ha'n gwir wolow lemmyn a splann.