Efesianys 1:18 - An Bibel Kernewek 20234 (Kernewek Kemmyn)

¹⁸ golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Efesianys 1:18 Cross References

Job 42:5

My re glewsa ahanas dre glewans an skovarn, mes lemmyn ow dewlagas re'th welas;

Salmow 119:18

Igor ow dewlagas may hwelliv marthusyon dha lagha.

Ysay 11:2

Spyrys an Arloedh a bowes warnodho, spyrys furneth ha konvedhes, spyrys kusul ha nerth, spyrys skians hag own an Arloedh.

Ysay 29:10

An Arloedh re dhinewis warnowgh spyrys a hun down: Ev re dhegeas agas dhewlagas, hwi brofoesi; ha kudha agas pennow, hwi welesydhyon.

Ysay 29:18

Y'n jydh na an vodharogyon a glew geryow lyver, ha dhiworth duder ha tewlder dewlagas an dhellyon a wel.

Ysay 32:3

Ena ny vydh deges dewlagas an re a wel, ha diwskovarn an re a glew a woslow.

Ysay 42:7

rag igeri an dhewlagas dhall, dhe dhoen yn-mes an brisnoryon a'n vagh, dhiworth an prison an re a esedh yn tewlder.

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Matthew 13:15

rag brys an bobel ma a veu gwrys talsogh ha poes yw klewans aga diwskovarn ha'ga lagasow re dhegesons, ma na wellons gans aga lagasow, na klewes gans aga skovornow na konvedhes gans aga holonn ha treylya, hag ytho my a wra aga sawya.”

Mark 10:17

Ha pan esa ev ow mos yn-kerdh war an fordh, nebonan a boenyas dhodho ha koedha war benn-dewlin a-ragdho, ha govynn orto, ‘A Vester mas, pandr'a wrav may hylliv erita bewnans heb diwedh?’

Luk 24:45

Ena ev a igeris aga brys dhe gonvedhes an skryptors.

Oberow 16:14

Hag yth esa unn venyn henwys Lydia, marchont yn purpur, a'n sita Thyatira neb o gordhyores Duw, ow koslowes; ha'n Arloedh a igoras hy golonn dhe attendya an taklow kewsys gans Powl.

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Romanyon 11:29

Rag antreylyadow yw rohow ha galow Duw.

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Galatianys 5:5

Rag ni, der an Spyrys, a wayt gans mall an govenek a ewnder, dre fydh.

Efesianys 1:11

ni ynwedh a veu dewisys, ragdhestnys war-lergh y borpos ev neb a gowlwra pup-tra orth bodh y vrys,

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Efesianys 4:1

My ytho, prisner y'n Arloedh, a'gas pys a gerdhes gwiw dhe'n galow may fewgh hwi gelwys,

Efesianys 4:4

Yma unn korf hag unn Spyrys, kepar dell vewgh gelwys yn unn govenek a'gas galow;

Efesianys 5:8

rag kyns yth ewgh hwi tewlder, mes lemmyn golow y'n Arloedh. Kepar ha fleghes golow gwrewgh hwi kerdhes

Filippianys 3:14

my a striv troha'n peul-diwedh rag gober an galow yn-bann a Dhuw yn Krist Yesu.

Kolossianys 1:12

ow krassa dhe'n Tas re'gas gwrug gwiw dhe gavoes rann yn eretons an syns y'n golow.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 1:5

drefenn an govenek yw gwithys ragowgh y'n nevow, a glewsowgh kyns yn ger an gwir, an aweyl,

Kolossianys 2:2

may fons kennerthys yn aga holonn, ow pos junys war-barth yn kerensa hag y'n rychys oll a'n surheans leun a gonvedhes, rag aswonnvos a'n mysteri a Dhuw, a Grist;

Kolossianys 3:15

Ha gwres kres Krist rewlya yn agas kolonn, an kres mayth owgh hwi gelwys dhodho yn unn korf; ha godhvydhewgh gras.

1 Thessalonianys 2:12

orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.

1 Thessalonianys 5:8

Mes, ha ni mebyon an jydh, bedhen divedhow, ow kwiska lurik fydh ha kerensa, hag avel basnett, govenek selwyans.

2 Thessalonianys 1:11

Rakhenna ynwedh ni a bys ragowgh pup-prys, may hwrello agan Duw agas gul gwiw dhe'n galow, hag yn nerth kollenwel pub hwans a dhader hag ober fydh,

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

1 Timothi 6:12

Striv strivyans da an fydh; gwra synsi an bewnans heb diwedh may feus gelwys dhodho ha may hwrussys professyans da anodho a-dherag lies test.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Titus 3:7

may teffyn ha bos heryon war-lergh govenek bewnans heb worfenn, justifiys gans y ras.

Ebrowyon 10:32

Mes perthewgh kov a'n dydhyow kyns wosa hwi dhe vos enowys, hwi a wodhevi strif kales a boenow,

Ebrowyon 6:4

Rag ny yllir daskorr arta dhe edrek an re re beu unnweyth enowys, re dastyas an ro nevek ha re dheuth ha bos kevrennoryon a'n Spyrys Sans,

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

1 Peder 3:9

heb attyli drog rag drog na despit rag despit, mes yn le henna bennath, rag dhe henna y fewgh hwi gelwys, may hwrellewgh erita bennath.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.