Sililo 3:11 - Siswati 1996 Bible

ungihudvule endleleni, wangisitila, wangishiya ngingenamsiti.

Sililo 3:11 Cross References

Jobe 16:7

Awu! Empeleni, Nkulunkulu, sewungigugisile. Empeleni ubhubhise umndeni wami wonkhe.

Tihlabelelo 143:4

Ngako-ke umoya wami udzangele, nenhlitiyo yami iyatfutfumela.

Tihlabelelo 50:22

“Caphelani loku nine lenedzelela Nkulunkulu, funa nginiklebhuklebhule, kubete nalongahle aniphephise.

Isaya 3:26

Emasango aseSiyoni ayawukhala alile, lidolobha selisiganga, yebo, bantfu balo batawuhlala phantsi emhlabatsini.

Jeremiya 15:3

Simakadze utsi: “Ngiyawutfumela tinhlobo letine tebabhubhisi labatakulwa nabo: inkemba yekubulala, netinja tekuhudvulela khashane, netinyoni tasemoyeni, netilwane tesiganga tekushwabudzela nekubhubhisa.

Jeremiya 19:8

Ngiyawulibhidlita lelidolobha, ngilente libe yintfo yekuhlekisa; bonkhe labendlulako bayawumangala kakhulu, bahleke lusulu ngenca yemanceba alo.

Jeremiya 32:43

Emasimi ayawuphindze atsengwe abe manyenti kulendzawo lenisho ngayo nitsi: ‘Lendzawo ilihlane, ayinabantfu natilwane, ngobe seyinikelwe etandleni temaBhabhulona.’

Jeremiya 5:6

Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.

Jeremiya 6:8

Tsatsa seluleko, wena Jerusalema, nome-ke ngitakufulatsela nawungasitsatsi, live lakho ngilente lisale lilihlane, khona kutebate umuntfu lohlala kulo.”

Sililo 1:13

“Watfumela umlilo asetulu, wawehlisela phansi ematsanjeni ami. Webekela tinyawo tami linetha, wangincandzekisa. Wangenta ngaba ngulolahliwe, ngacaleka lilanga lonkhe.

Sililo 3:10

Njengelibhele lelibhacele inyamatane, nanjengelibhubesi lelitifihlile,

Danyela 7:23

“Wase utsi: ‘Lesilo sesine ngumbuso wesine loyawuvela emhlabeni. Uyawukwehluka kuyo yonkhe leminye imibuso, futsi uyawushwabudzela wonkhe umhlaba, uwugcobagcobe phansi uwufihlite.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Matewu 23:38

Bukani-ke lelidolobha lenu selisele lodvwana, lite bantfu.

Sembulo 18:19

Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”