Sililo 2:4 - Siswati 1996 Bible Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni. |
“Hambani niyekungibutela kuSimakadze, nibutele mine kanye nensali yaka-Israyeli neyakaJuda ngaloku lokubhalwe kulencwadzi leseyitfolakele. Yinkhulu kabi intfukutselo yaSimakadze layitfululele etikwetfu ngenca yekutsi bobabe abazange baligcine livi laSimakadze; abazange bakwente konkhe loku lokubhalwe kulencwadzi.”
Njengobe bangishiyile mine, batfuncisa imphepho kulabanye bonkulunkulu, bangitfukutselisa ngato tonkhe letithico labatibumbe ngetandla tabo, intfukutselo yami itawutfululelwa kulendzawo, futsi ingeke icisheke.’
Imicibisholo yaSomandla ingekhatsi, ingihlabile, umoya wami sewunatse shevu wayo. Tesabiso taNkulunkulu ticondzane nami ngco.
Lababi bahosha inkemba, bantsale imicibisholo ebutjokini, bafuna kucedza labamphofu nalabeswele babulale labo labahamba ngebucotfo.
Ngako watfululela etikwabo intfukutselo yakhe levutsako, nebudlwangudlwangu bemphi. Yabasibekela ngemalangabi, noko abazange bacondze; yabadla, kodvwa abakufakanga enhlitiyweni.
Noko, bamhlubuka, badzabukisa Moya wakhe Longcwele. Ngako-ke wagucuka waba sitsa sabo, yena cobo lwakhe walwa nabo.
Ngagcobagcoba tive ngentfukutselo yami; ngelulaka lwami ngatenta tadzakwa, ngatfululela ingati yato emhlabatsini.”
Lithende lami libhidlitiwe; tonkhe tindophi talo tidzabukile. Emadvodzana ami esukile kimi, akasekho; kute namunye losasele nyalo, kute longangimisela lelithende lami, nome-ke angimisele lelidlangala lami.
awu, wenandlu yakaDavide, naku lokushiwo nguSimakadze, utsi: “ ‘Sebentisani umtsetfocotfo njalo nje ekuseni; nimephule esandleni semcindzeteli lowo lodlelelwe; ngaphandle kwaloko intfukutselo yami itawuvuka ivutse njengemlilo ngenca yebubi lenibentile, yebo, ivutse kubete nalongayicima.
Mine matfupha ngiyakulwa nani ngesandla leselulekile, nangengalo lenemandla, nangentfukutselo, nangesikhahlo, nangelulaka lolukhulu.
Bonkhe bangani bakho sebakukhohliwe, abasanaki lutfo lwakho. Ngikushaye njengesitsa, ngakujezisa njengalonelulaka, ngobe licala lakho lilikhulu kakhulu, netono takho titinyenti.
Mhlawumbe bayawutincengela embikwaSimakadze, ngulowo nalowo aphendvuke endleleni yakhe lembi, ngobe lulaka nentfukutselo lasayibekile Simakadze kumelana nalabantfu yinkhulu kakhulu.”
Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”
“Naku lokushiwo nguSimakadze longuSomandla, Nkulunkulu wema-Israyeli, utsi: ‘Njengobe intfukutselo yami nelulaka lwami sekutfululelwe kulabo labebahlala eJerusalema, kanjalo lulaka lwami lutawutfululelwa etikwenu, naniya eGibhithe. Niyawuba yintfo yekucalekisa neyekwesabisa, nibe yintfo yekwetfuka nelihlazo; ningeke niphindze niyibone lendzawo.’
“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.
“Watfumela umlilo asetulu, wawehlisela phansi ematsanjeni ami. Webekela tinyawo tami linetha, wangincandzekisa. Wangenta ngaba ngulolahliwe, ngacaleka lilanga lonkhe.
Simakadze unjengesitsa; umgwinyile Israyeli. Ugwinye tonkhe tigodlo takhe, wabhubhisa tinqaba takhe. Wandzise kulila nekukhala kabuhlungu kuyo iNdvodzakati yakaJuda.
Ngempela, sandla sakhe usiguculele ngakimi, simelana nami njalo nje, onkhe emalanga.
Yeka legolide leseyilahlekelwe bucwebecwebe bayo, igolide lebeyicolisakele seyigucuke yafiphala. Ematje laligugu endlu lengcwele asasakateleke emaphetselweni ato tonkhe titaladi.
Simakadze ulufeze ngalokuphelele lulaka lwakhe, uyitfululile intfukutselo yakhe levutsako. ESiyoni uphembe umlilo lowadla tisekelo tayo.
“ ‘Ngako-ke naku lokushiwo yiNkhosi Simakadze, itsi: Ngiyawudedela sivunguvungu lesinemandla ngenca yelulaka lwami, ngentfukutselo lenkhulu ngitfulule sangcotfo, nemvula lenkhulu iyakwehla ngentfukutselo yami lenkhulu yembhubhiso.
Ngiyawunibuyisa kuleto tive, nginibutse emaveni ngemave, konkhe lapho niyawube nisakatelwe khona, nginibuyise ngesandla lesinemandla nangemkhono locinile, nangekutfululwa kwelulaka.
Njengesiliva incibilikiswa yimbutfuma yemlilo, kanjalo nani ngiyakunincibilikisela ekhatsi kulo, niyawube seniyati-ke kutsi mine Simakadze ngitfululele lulaka lwami etikwenu.’ ”
“Wena-ke, ndvodzana yemuntfu, ngalelilanga lengiyawutsatsa ngalo inqaba yabo, kujabula kwabo neludvumo lwabo, injabulo yemehlo abo, nesifiso senhlitiyo yabo, kanye nemadvodzana nemadvodzakati abo,
Ngako ngatfululela lulaka lwami etikwabo, ngobe bese bacitse ingati kulelo live, nangobe bese balingcolise ngaletithico tabo.
“Intfukutselo yami-ke iyakube seyiyaphela, nelulaka lwami kubo lubohle, ngikhipheleke sibhongo. Ngiyawutsi nase ngilukhiphele kubo lulaka lwami, bayawukwati kutsi mine Simakadze sengikhulumile ngenshisekelo yami.
Lowo lokhashane kakhulu uyawubulawa sifo lesibulalanako, lowo losedvutane abulawe ngenkemba, kutsi lowo lophunyulile wasala, abulawe yindlala. Ngiyakulufeza kanjalo-ke lulaka lwami etikwabo.
Nome bakhalisa licilongo, batilungiselele ngako konkhe, kute namunye loyakuya emphini, ngobe lulaka lwami lusetikwalesicumbi sonkhe.”
Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.
Simakadze nguNkulunkulu lonesikhwele nalophindziselako. Simakadze uyabuyisela, futsi ugcwele intfukutselo. Simakadze uyatiphindziselela etitseni takhe, ehlisele njalo lulaka lwakhe kulabo labemelene naye.
Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.
Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.
Samuweli wakhuluma kuye, watsi: “Kepha ungifunelani mine, njengobe Simakadze sewukufulatsele, waba sitsa sakho?