Sembulo 3:18 - Siswati 1996 Bible

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.

Sembulo 3:18 Cross References

Tihlabelelo 107:11

ngobe baphambana nemavi aNkulunkulu, bakwedzelela kuyalwa kwaLosetikwako Konkhe.

Tihlabelelo 16:7

Ngiyamdvumisa Simakadze lowangeluleka, nanembeza wami uyangiyala ebusuku.

Tihlabelelo 32:8

Simakadze utsi: “Mine ngiyawukufundzisa ngikukhombise indlela lofanele kuhamba ngayo, ngikweluleke, liso lami lingesuki kuwe.

Tihlabelelo 73:24

uyawungihola ungicondzise ngeteluleko takho, ekugcineni uyawungikhatimulisa ebukhosini.

Taga 1:25

nangete nasitsatsa seluleko sami, nala nekutsi nginekhute,

Taga 1:30

Abazange basitsatse seluleko sami, nekubacondzisa kwami bakwedzelela.

Taga 19:20

Lalela umyalo, wemukele kufundziswa, kuze utfole kuhlakanipha.

Taga 23:23

Tsenga liciniso ungatsengisi ngalo. Zuza kuhlakanipha, nemiyalo, nekucondza konkhe; ungakhohlwa ngiko.

Umshumayeli 8:2

Ngitsi hlonipha umyalo wenkhosi ngenca yesifungo lowasenta kuNkulunkulu.

Isaya 47:3

Bungcunu bakho buyawubekeka ebaleni, lihlazo lakho lembuleke. Ngiyawuphindzisela, futsi kute loyawusala.”

Isaya 55:1

“Wotani, nonkhe nine lenomile, wotani emantini; nani nine lenite imali, sondzelani, nitsenge nidle! Wotani, nitsenge liwayini nelubisi ngaphandle kwemali nangaphandle kwetindleko.

Jeremiya 13:26

“Ngitawugwabula tidvwaba takho tibuye ebusweni, khona kutewubonakala bungcunu bakho:

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Mikha 1:11

Nine takhamiti taseShafiri, tidzingiseni nihlazekile, ningcunu. Takhamiti taseSanani tesaba kuphuma edolobheni lato. Nawuva takhamiti taseBethi Eseli tilila, uyawuvele ubone kutsi kute siphephelo lapho.

Nahume 3:5

Simakadze longuSomandla utsi: “Mine ngiphambene nawe, ngitawuphakamisa tidvwaba takho tibheke etulu. Tonkhe tive temhlaba ngitatikhombisa bungcunu bakho, nemibuso yemhlaba ngiyikhombise lihlazo lakho.

Malakhi 3:3

Uyawuhlala njengemcengi nanjengemhlanti wesiliva; uyawuhlanta emaLevi awacenge njengegolide nesiliva. Simakadze uyawuba nemadvodza layawuletsa iminikelo ngekulunga,

Matewu 13:44

“Umbuso welizulu ufanana nemcebo lofihlwe ensimini. Kwenteka indvodza yawutfola, yabuye yawugcibedzela. Yajabula kangangekuba yahamba yayawutsengisa ngako konkhe leyayinako yancandzeka, yayawutsenga leyo nsimi.”

Matewu 25:9

Kepha letatihlakaniphile taphendvula tatsi: ‘Cha, ngeke asenele tsine nani. Lokuncono hambani niye kulabawatsengisako, niyetitsengela kubo!’

Lukha 12:21

“Kunjalo-ke kulowo lotibekela umcebo, kantsi akacebi kuNkulunkulu.”

2 kubaseKorinthe 5:3

kuze kutsi nasikulo singetiwutfolakala site indzawo yekuhlala.

2 kubaseKorinthe 8:9

Ngobe niyawati umusa weNkhosi yetfu Jesu Khristu, kutsi nome abecebile, kodvwa ngenca yenu waba luphuya, kuze kutsi ngebuphuya bakhe anente nicebe.

1 kuThimothi 6:18

Ubatjele kutsi bente lokuhle, bacebe emisebentini lemihle, babelane, bephane.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

Sembulo 16:15

“Lalelani! Ngiyawufika njengelisela! Ubusisiwe lolindzile, agcine tingubo takhe kutsi angahambi ngcunu, kudzimate kubonakale lihlazo lakhe.”

Sembulo 19:8

Uphiwe kutsi embatsiswe ingubo yelineni lecolisakele, nalekhanyako, nalemsulwa.” Lelineni lecolisakele itento nemisebenti lelungile yalabangcwele.

Sembulo 2:9

Ngiyakwati kuhlupheka kwakho; ngiyabati buphuya bakho, kodvwa ube unjingile. Ngiyakwati lokubi lokushiwo ngulabo labatsi bangemaJuda kantsi abasiwo, kodvwa babe balisinagoge laSathane.

Sembulo 3:17

Wena utsi: “Nginjingile, nginako konkhe, angidzingi lutfo.” Kodvwa awati kutsi ungumuntfu wenhlupheko, newekuhawukelwa, uphuyile, uyimphumphutse, ungcunu.

Sembulo 4:4

Sihlalo sebukhosi sasitungeletwe nguletinye tihlalo tebukhosi letatingema-24, lekwakuhleti kuto emalunga langema-24. Lamalunga abembetse tingubo letimhlophe, afake nemichele yegolide etinhloko tawo.

Sembulo 7:13

Lelinye lemalunga lakhuluma kimi latsi: “Bobani laba labembetse tingubo letimhlophe, empeleni baphumaphi?”