Sembulo 2:2 - Siswati 1996 Bible

Ngiyayati imisebenti yakho, nekuphishaneka kwakho, nekubeketela kwakho, nekutsi ungeke ubamele bantfu lababi, kangangekutsi nalabo labatibita ngekutsi baphostoli, kantsi abasibo, ubahlolile, wavele wabakhandza bacala emanga.

Sembulo 2:2 Cross References

Tihlabelelo 1:6

Ngobe Simakadze uyayinakekela indlela yalabalungile, kodvwa indlela yalababi iya ekubhujisweni.

Matewu 7:23

Kepha ngiyawubaphendvula ngitsi: ‘Angizange nginati. Sukani kimi, nine benti balokubi!’ ”

Johane 6:6

Abembuta loko amhlola nje, ngobe yena abekwati labetakwenta.

KubaseGalathiya 1:7

Empeleni akusho kutsi likhona lelinye livangeli, kodvwa nje kutsi kukhona labanihluphako labafuna kuguculela liVangeli laKhristu.

Kubase-Efesu 4:14

Ngako-ke ngeke sisaba bantfwana, sigujuteliswe ngemagagasi, sipheshulwe ngimimoya yonkhe yetimfundziso tekukhohlisa kwebantfu labanebucili bekudukisa.

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

1 kubaseThesalonika 5:21

Hlolisisani konkhe, nibambisise lokulungile,

2 kuThimothi 2:19

Kodvwa sisekelo lesimiswe nguNkulunkulu solomane simile, sineluphawu lolutsi: “INkhosi iyabati lababayo,” nekutsi: “Wonkhe umuntfu lotibita ngelibito leNkhosi akakhweshe kulokubi.”

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

1 yaJohane 4:1

Batsandzekako, ningabohambe nikholwa ngibo bonkhe bomoya, nibobahlola bomoya kutsi baNkulunkulu yini, ngobe banyenti baphrofethi bemanga labaphumele eveni.

Sembulo 2:5

Khumbula-ke lapho uwe khona. Phendvuka wente loko lowawukwenta ekucaleni. Nakungenjalo, ungaphendvuki, ngitawuta kuwe, ngisuse sibane sakho endzaweni yaso.

Sembulo 2:6

Noko, naku lokuhle ngawe: Uyayitondza imisebenti yemaNikholawu, njengobe nami ngiyitondza.

Sembulo 2:9

Ngiyakwati kuhlupheka kwakho; ngiyabati buphuya bakho, kodvwa ube unjingile. Ngiyakwati lokubi lokushiwo ngulabo labatsi bangemaJuda kantsi abasiwo, kodvwa babe balisinagoge laSathane.

Sembulo 3:1

“Bhalela ingilosi yelibandla laseSadesi utsi: “ ‘Nali livi leliphuma kuye lonemimoya yaNkulunkulu lesikhombisa, netinkhanyeti letisikhombisa utsi: Ngiyayati imisebenti yakho; unelibito lekutsi uyaphila, kantsi ufile.

Sembulo 3:15

Ngiyayati imisebenti yakho, awucandzi, awushisi. Maye, bengingatsandza kutsi umane ushise nome ucandze!

Sembulo 3:8

Ngiyayati imisebenti yakho. Lalela la, ngikuvulele umnyango, kute namunye longawuvala; ngiyati kutsi unemandla lamancane, kantsi livi lami uligcinile, nelibito lami awuzange uliphike.