Sembulo 16:3 - Siswati 1996 Bible

Ingilosi yesibili yatfululela sitja sayo elwandle. Emanti agucuka, aba njengengati yemuntfu lofile. Kwafa konkhe lokwakuphila elwandle.

Sembulo 16:3 Cross References

Genesisi 7:22

Konkhe lokwakusemhlabeni lokwakuphefumula umoya wekuphila emakhaleni, kwafa.

Tihlabelelo 105:29

Wagucula emanti abo aba yingati, wabhubhisa tinhlanti tabo.

Tihlabelelo 78:44

Imifula yabo wayigucula yaba yingati, ngako behluleka kunatsa kuyo lemifula.

Hezekeli 16:38

Ngiyawukugweba ngesijeziso sebafati labagwadlako nalabacitsa ingati; ngiyakwehlisela etikwakho imphindziselo yengati ngekwelulaka lwami nangekwentfukutselo yesikhwele sami.

Imisebenti yebaPhostoli 2:41

Labo labalemukela livi lakhe babhajatiswa; babengacishe babe ti-3 000 tebantfu letengetelwa kubo ngalelo langa.

Sembulo 10:2

Yayiphetse incwajana levulekile esandleni sayo. Ngelunyawo lwayo lwangesekudla yema etikwelwandle, ngelwangesancele yema etikwemhlabatsi.

Sembulo 11:6

Laba banemandla ekuvala litulu kutsi lingani ngesikhatsi sekuphrofetha kwabo. Banemandla etikwemanti kutsi bawagucule abe yingati. Banemandla futsi ekushaya umhlaba ngako konkhe kuhlupheka nome kukangaki, kuye njengekutsandza kwabo.

Sembulo 13:1

Ngabona silo siphuma elwandle, sasinetimphondvo letilishumi, netinhloko letisikhombisa, kuleyo nakuleyo nhloko kwakuneligama lelihlambalatako.