Tfululela lulaka lwakho etikwetive letingakwati wena, nasetikwemibuso lengakhuleki kuwe.
Sembulo 16:1 - Siswati 1996 Bible Ngase ngiva livi lelikhulu liphuma ethempelini litjela tingilosi letisikhombisa litsi: “Hambani niyewutfululela emhlabeni letitja letisikhombisa letinelulaka lwaNkulunkulu.” |
Tfululela lulaka lwakho etikwetive letingakwati wena, nasetikwemibuso lengakhuleki kuwe.
Tfululela lulaka lwakho etikwetive letingakwemukeli wena, etikwetive letingalibiti Libito lakho. Ngobe Jakobe timudle tamshwabudzela, timudle taze tamshwabudzela, tabhubhisa live lakhe lekutalwa.
Simakadze wakhuluma kulendvodza leyayigcoke telineni, watsi: “Ngena lapha emkhatsini wemasondvo ngaphansi kwemakherubhi. Gcwalisa tandla takho ngemalahle lavutsako lasemkhatsini wemakherubhi, bese uwasakata etikwalelidolobha.” Ngatsi ngisabukile, yangena.
Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”
Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.
Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.
Lenye ingilosi yaphuma ethempelini, imemeta lona bekahleti etikwelifu ngelivi lelikhulu itsi: “Tfumela lelo sikela lakho, kuvunwe, ngobe sikhatsi sekuvuna sesifikile, tonkhe tilimo sekufanele tivunwe.”
Kwase kuphuma lenye ingilosi elatini, lengilosi inemandla etikwemlilo, nayo yamemeta ngelivi lelikhulu imemeta lona bekaphetse lisikela lelikhaliphako yatsi: “Tfumela lelo sikela lakho, kujutjwe emagelebisi esivinini semhlaba, ngobe lamagelebisi asavutsiwe.”
Ngase ngibona ezulwini lesinye sibonakaliso lesikhulu lesimangalisako. Tingilosi letisikhombisa taletsa tinhlupho letisikhombisa. Leti tinhlupho tekugcina, ngobe ngato lulaka lwaNkulunkulu luyapheleliswa.
Ingilosi yesikhombisa yatfululela sitja sayo emoyeni, kwevakala livi lelikhulu liphuma ethempelini esihlalweni sebukhosi litsi: “Sekwentekile!”
Simakadze wakutfuma watsi: ‘Hamba ubabhubhise bonkhe labantfu lababi labangema-Amaleki, ubahlasele uze ubatsanyele baphele batsi nya.’
Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”