Matewu 9:6 - Siswati 1996 Bible

Ngitanikhombisa-ke kutsi iNdvodzana yeMuntfu inemandla ekutsetselela tono emhlabeni.” Wase utsi kulobekafe luhlangotsi: “Sukuma, tsatsa luhlaka lwakho, uhambe ubuyele ekhaya!”

Matewu 9:6 Cross References

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Matewu 4:24

Ludvumo ngaye lwandza nalo lonkhe laseSiriya, kangangekutsi kwaletfwa kuye bonkhe bantfu lababegula, baphetfwe tinhlobonhlobo tekufa, nalababekhatsatwe tinhlobonhlobo tetinhlupheko: lababenemadimoni, nalababenesitfutfwane, nalababefe tinhlangotsi; Jesu wabaphilisa bonkhe.

Matewu 8:20

Jesu wamphendvula watsi: “Timphungutja tinemigodzi, netinyoni tinetidleke, kodvwa iNdvodzana yeMuntfu ite indzawo yekulala iphumule.”

Matewu 9:2

Baletsa kuye umuntfu lobekafe luhlangotsi alaliswe eluhlakeni. Nakabona kukholwa kwabo, Jesu watsi kulobekafe luhlangotsi: “Mani sibindzi, ndvodzana yami! Tono takho titsetselelwe.”

Matewu 9:5

Ngukuphi lokulula ekutseni: ‘Tono takho titsetselelwe,’ nasekutseni: ‘Sukuma uhambe’?

Matewu 9:7

Wasukuma, wahamba, waya ekhaya lakhe.

Makho 2:10

Ngitanikhombisa-ke kutsi mine, Ndvodzana yeMuntfu, nginemandla ekutsetselela tono emhlabeni.” Wase utsi kulesigulane:

Makho 2:7

“Lomuntfu wentiwa yini lokutsi akhulume kanjena? Wetfuka Nkulunkulu. Ngubani longatsetselela tono ngaphandle kwaNkulunkulu?”

Lukha 5:21

Bafundzisi bemtsetfo nebaFarisi bacala bavungatela bakhuluma bodvwa batsi: “Ngubani lona lohlambalata Nkulunkulu? Ngubani longatsetselela tono ngaphandle kwaNkulunkulu?”

Johane 10:28

Ngitinika kuphila lokuphakadze, futsi tingeke tisabhubha naphakadze, kute nalongatihlwitsa esandleni sami.

Johane 17:2

Ngobe uyiphe emandla ngetulu kwabo bonkhe bantfu, kuze itebapha kuphila lokuphakadze bonkhe labo loyiphe bona.

Johane 5:27

Uyiphile emandla ekwehlulela, ngobe iyiNdvodzana yemuntfu.

Johane 5:8

Jesu watsi kuye: “Sukuma, utsatse licansi lakho uhambe.”

Imisebenti yebaPhostoli 5:31

Nkulunkulu wamenyusela ngasesandleni sakhe sekudla njengeMholi neMsindzisi, kuze anike bantfu baka-Israyeli litfuba lekuphendvuka, kutsetselelwe tono tabo.

Imisebenti yebaPhostoli 9:34

Phetro watsi kuye: “Ayeneyasi, Jesu Khristu uyakuphilisa. Sukuma ugcebe umbhedze wakho!” Ayeneyasi wasukuma ngekushesha.

2 kubaseKorinthe 2:10

Nome ngubani lenimtsetselelako, nami ngiyamtsetselela; ngobe mine nase ngitsetselele, ngisuke ngikwente ngempela, ngikwentele nine kube shangatsi ngusebukhoneni baKhristu.

2 kubaseKorinthe 5:20

Ngako singemancusa aKhristu; Nkulunkulu uncusa ngatsi. Sinincenga egameni laKhristu sitsi: “Buyisanani naNkulunkulu.”

Kubase-Efesu 4:32

Kodvwa phatsanani ngebumnene, nihawukelane, nitsetselelane, njengobe naNkulunkulu wanitsetselela ngaKhristu.

KubaseKholose 3:13

Nibeketelelane, nitsetselelane, nangabe umuntfu akhube lomunye; ngobe phela neNkhosi yanitsetselela, nani-ke yentani njalo.