Matewu 24:43 - Siswati 1996 Bible

Nibokwati kutsi kube umniyo wendlu abesati sikhatsi sekufika kwelisela, abengeke alale, entele kuvimbela lelisela lingayigcekezi lendlu yakhe.

Matewu 24:43 Cross References

Jobe 24:16

Nase kumnyama emadvodza agcekeza angene etindlini, kodvwa emini ativalela endlini, akevani nekukhanya.

Taga 7:19

ngobe phela indvodza yami ayikho ekhaya, itsetse luhambo loludze yaya khashane.

Matewu 14:25

Kwatsi ekuseni kuseluvivi Jesu weta kubo ahamba etikwemanti.

Matewu 20:11

Batsi nabamemukela, bacala bakhonona kulomnikati wesivini,

Matewu 24:42

Ngako-ke caphelani, ngobe anilati lilanga iNkhosi yenu leyawubuya ngalo.

Matewu 24:44

“Ngako-ke nani hlalani nilindzele, ngobe iNdvodzana yeMuntfu iyawufika ngesikhatsi leningakasibheki.”

Matewu 25:10

Tatsi tisehambile tiyewutsenga, wefika umyeni; leti letatilungele tangena kanye naye edzilini lemshado, umnyango wavalwa.

Matewu 25:13

“Ngako-ke lindzani, ngobe lilanga nemzuzu ningakwati.”

Makho 13:35

Ngako-ke lindzani, ngobe animati umnikati wendlu kutsi uyawubuya nini. Angahle abuye ebusuku nome ekhatsi nebusuku, angabuya ekukhaleni kwekucala kwelichudze, nome ekuseni.

Makho 6:48

Wababona kutsi basigwedla kamatima sikebhe, ngobe umoya bewuphambene nabo. Kwatsi ekuseni kungakasi, emkhatsini weli-awa lesitsatfu nelesitfupha, Jesu weta kubo ahamba etikwemanti. Wacondza embili, washaya kungatsi uyendlula.

Lukha 12:38

Maye, tibusisiwe nakatikhandza tilindzele, nome ngabe ufike ekhatsi nebusuku nome kusengakasi!

Lukha 12:39

Kodvwa yatini loku, kutsi kube lomniyo wendlu bekati sikhatsi sekufika kwelisela, abeyawulindza indlu yakhe kuze ingetikugcekezwa.

Lukha 21:36

Lindzani nithandaze onkhe emalanga, khona nitawuba nemandla ekuphunyula kuletintfo letitakwenteka nitekwati kuma embikweNdvodzana yeMuntfu.”

Sembulo 16:15

“Lalelani! Ngiyawufika njengelisela! Ubusisiwe lolindzile, agcine tingubo takhe kutsi angahambi ngcunu, kudzimate kubonakale lihlazo lakhe.”

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.