Joshuwa 7:12 - Siswati 1996 Bible

Nguko nje baka-Israyeli bangeke bakhone kumelana netitsa tabo; bayafulatsela babaleke, ngobe vele bona sebacalekisiwe. Angisayikuphindza ngibe nani, ngaphandle kwekutsi nibulale konkhe lokusemkhatsini wenu lokunikelwe ekubhujisweni.

Joshuwa 7:12 Cross References

Tihlabelelo 44:10

Usicoshise ngetitsa tetfu, nalabamelene natsi bayatitapela nje lapha kitsi.

Tihlabelelo 60:10

Awu, Nkulunkulu, wena usilahlile. Awu, Nkulunkulu, awusahambi nemabutfo etfu emphi.

Taga 28:1

Bantfu lababi babaleka ngisho nome kute umuntfu lobacoshako; kodvwa lolungile unesibindzi lesinjengeselibhubesi.

Isaya 59:2

Kodvwa tiphambuko tenu tinehlukanisile naNkulunkulu wenu; tono tenu tibusitsile buso bakhe kini, kuze angetikuniva.

Jeremiya 23:33

“Nangabe labantfu nome umphrofethi nome umphristi akubuta atsi: ‘Sitsini siphrofetho saSimakadze?’ ubobaphendvula utsi: ‘Siphi siphrofetho? Ngitanilahla, kusho Simakadze.’

Jeremiya 6:8

Tsatsa seluleko, wena Jerusalema, nome-ke ngitakufulatsela nawungasitsatsi, live lakho ngilente lisale lilihlane, khona kutebate umuntfu lohlala kulo.”

Hoseya 9:12

Nome ngabe bakhulisa bantfwana babo, ngiyawubemuka bona kungasali muntfu. Maye kubo, mhlazane ngibafulatsela.

Habakhuki 1:13

Emehlo akho ahlanteke kakhulu kutsi angabuka bubi; ungeke ukubeketelele kuhlushwa kwalabacindzetelwe. Manje-ke ubabeketelelani laba labambulutako? Ubindzeleni ngesikhatsi lababi bamita labo labalunge kwengca bona?

Numeri 14:39

Watsi kube Mosi awabikele onkhe ema-Israyeli loko, akhala kakhulukati.

Numeri 14:42

Ningacali nenyuke, ngobe Simakadze akekho emkhatsini wenu. Titsa tenu titawunehlula,

Numeri 14:43

ngobe ema-Amaleki nemaKhenani atawuhlangana nani lapho. Njengobe nisukile kuSimakadze, naye angeke abe nani, ngako nitakuwa ngelusiko lwenkemba.”

Numeri 14:45

Ema-Amaleki nemaKhenani labehlala kulelo live letintsaba ehla atewubahlasela, abehlula abacosha, adzimate ababeka eHoma.

Dutheronomi 7:26

Ningacali niletse loko lokusinengiso etindlini tenu, funa nani nehlukaniswe nibekwe eceleni, khona nitewubhujiswa njengako. Kufanele nitenyanye letithico, ngobe setivele tehlukaniselwe kubhujiswa.”

Joshuwa 6:18

Kodvwa nine khweshani kuletintfo letinikelwe kutsi titewubhujiswa, kuze ningetikutidvonsela kubhujiswa ngenca yekutitsatsela letinye tato. Nanenta loko, nitawube nidvonsela inkambu yema-Israyeli ekubhujisweni, niyiletsele kufa.

Tikhulu 16:20

Delila wase uyamemeta, watsi: “Samsoni, nankha emaFilisti asasetikwakho!” Wavuka ebutfongweni bakhe, acabanga atsi: “Ngitawuphumelela njengasemihleni, ngiphunyuke.” Noko bekangati kutsi Simakadze bese amshiyile.

Tikhulu 2:14

Intfukutselo yaSimakadze yabavutsela baka-Israyeli, wabanikela etandleni tebaphangi, tabaphanga. Wabanikela etandleni tetitsa tabo letatibatungeletile, bangabe basakwati ngisho nekutivikela kuto.

Tikhulu 2:4

Kwatsi kube ingilosi yaSimakadze ikhulume konkhe loku esiveni sema-Israyeli, sive sonkhe sakhala kakhulu,

1 Samuweli 14:38

Ngako-ke Sawula watsi: “Wotani lapha, nine nonkhe lenitindvuna temabutfo, sitewutfolisisa kahle kutsi sono sini lesentiwe lamuhla.