Psalms 3 - Bible Ni Thothup

Meybil ko Ayuw ni Kadbul

¹ SOMOL, rib yo’or e to’ogor rog, nike pag urngrad ni yad be togopluw ngog.

² Yad be yogneg ni yad be ga’ar, “Dabi ayuweg Got e cha’nem.”

³ Machane gur SOMOL, e rungrung rog ko riya’ ni gubin ngiyal’; ga ma gel nigeg ma ga ma fulweg e athamgil nga lanin’ug.

⁴ Gu yornag e ayuw ngak SOMOL, me fulweg taban e meybil rog ko fare burey rok nib thothup.

⁵ Gu pageg nga but’ ni nggu mol, ma SOMOL e be yoror rog ni n’umngin e nep’.

⁶ Da gu rus ko yu biyu’ i to’ogor ni yad ba liyegeg u ga’ngin yang.

⁷ SOMOL, ni Got rog moy ngam ayuwegneg! Mu gechignag urngin e pi to’ogor rog, ngam pagrad nike m’ay gelingrad ni dabkiyag ni ngar maad’adgad ngog.

⁸ Gel ni yima tay e ma yib rok SOMOL— mang e yigi fal’eg wa’athan e girdi’ rok.