Luke 23 - Samtao1 ခမ်းခီးအန်းလားပွဲဟွင်လီဟဲ့စုပိုခွမ်အေးလားဖကျောက်ယေရှုအပ်ကာတိခွမ်ထောင်းရောမဘုရင်ဟဲ့ကောဟွင်ဟိုင်းနန်း 2 ဟွင်နယ်တိုမွန်ပိုင်ဟဲ့ဟွင်နယ်လားတိုတီးမြောင်းအူးနယ်ပဲန်းခွမ်မေရှိယဟဲ့ခါးကျူးပိုင်အက်ဟဲ့တိဧကရာဇ်ကေကောအမ်းတိကာကေဆေ့ပတ်ဟဲ့ဟမ်းအွန်းဟဲ့အေးညိုဟွင်နယ်ဟဲ့အေးလာတိနာပလိတ်ဟဲ့စခါးလီးလားလေ့ဖကျောက်တိကေ။ 3 ဟောဟက်ပိလတ်ကောတိုင်းဖကျောက်မီနယ်ပဲန်းခွမ်ဂျူးကေနော်တိုင်းထင်လနော်ဟဲ့ဖကျောက်ကောလားမွန်အားပေးလားဂျေမာနာ။ 4 ပိလတ်ကောဖတ်အေးလားဂျူးပုရောဟိတ်ဟဲ့လားတိကေအူးနယ်ညိုဟွင်ရောကေခါမာအွန်း။ 5 ကေခပ်အေ့လားဟွင်နယ်အေးလားမွန်ဂါလိလဲဟဲ့ခွမ်ကေကောစခါလီးဟဲ့ရောဟွင်ဟဲ့တိတနန်းကောအေးဖျောင်းဟဲ့စခါလီးတပိုင်ခေး။ 6 မန်းကေလားလနော်ဟဲ့ပိလတ်ကောတိုင်းမီနယ်ပဲန်းခွမ်ဂါလိလည်နော်။ 7 နမ်ဟေရုဒ်နဂါလိလဲပဲန်းခါညန်တနန်းဂျေ့ရုဆလင်ဖျောင်းနန်းမု့ခွမ်ထောင်းဟေ့ရုဒ်ကောအပ်ဖကျောက်ကာတိကေ။ 8 ဟေရုဒ်ကောမန်းခေါင်ဖကျောက်ဟဲ့ညန်ဟဲ့ညိုအွန်းလေးညိုဖကျောက်ဟဲ့မန်းမွန်မန်းဟွင်ဟွင်နယ်ဖကျောကိရောခါမာအွန်းဟဲ့အားကာပိုင်ကွမ်းဟဲ့ဟွင်စိးညိုခေ့ 9 ဟောဟက်ဟေရုဒ်ကောတိုင်ဖကျောက်လေ့အေးဂျေ့ဟဲ့ဖကျောက်ကောလားခါမာမြောင်ကျန်းဂျေ့။ 10 ခမ်းခီးအန်းဂျူးပုရောဟိတ်ဟဲ့ဆာလာကေကိုးဟဲ့တဖကျောင်းဟဲ့စခါလီးဟွင်။ 11 မု့ဟေရုဒ်ဟဲ့ခွမ်ကျိုုင်ဟွင်တိဖကျောက်လားခါမယ်ခါမန်ဟဲ့တိဖကျောက်ကာဟွင်နွန်ဖော်ဟဲ့အပ်ကာတိမု့ပိလတ်ခွမ်ထောင်တိဆာ။ 12 ဟေရုဒ်ဟဲ့ပိလတ်မားနိင်းအာကေစခါလီးမိးအန်းမားနိုင်းမွန်းအက်အန်းဟိုင်း 13 ပိလတ်ဟဲ့ဂျုူးပုရောဟိတ်ဟဲ့ခေကေဟဲ့ခွမ်ထောင်းဟဲ့ခွမ်အေးကာကေကျု့ပို 14 ခွမ်အန်းနယ်ပေးစခါလိးဟွင်ဟဲ့ရောဟွင်ဆူးဟဲ့ပေးလာလနော်ကော့အေးတိအူးတိခမ်းနားပေးအူးကျပ်နကောဟဲ့ပေးစခါလိးအွန်းမွန်လာနော်ညိုခါဟဟာ။ 15 မု့ဟေရုဒ်ကောလားသဟွင်ရောကေ့ခါမာအွန်းဟရောခါမာဟွင်ဟဲ့ပွဲဟွင်အေးမြောင်။ 16 ဟောဟက်ကေနယ်စခါလီးဟွင်ဟဲ့ပွဲဟွင်ဟိုင်းလား။ 17 ပိလတ်ကောလားပိုလားလနော်အန်းလားဖျောင်ပွဲဟဲ့ပိုပွဲခွမ်တပိုင်လိလီဟာတိဆာ။ 18 ဟောဟဲ့ခွမ်အေးဟမ်းဟွင်ဟဲ့ပွဲဟိုင်းတိဗာရမ္မဟဲ့အပ်ကာထင်လာစိမ်းလေ၊ 19 မားနိင်ဗရမ္မမွန်ပဲန်းခါမယ်ခါမန်အန်းစခါလီးတိပိုဟဲ့ဟမ်းတိပိုဟဲ့ကာကေလေတိထော်။ 20 ပိလတ်ကောလားပွဲဖကျောက်လီးကွေးဖိုးဟဲ့တိုင်ခွမ်အေးဟဲ့လီကေတိုးပေါတိုင်တိကေမြောင်။ 21 ဟောဟက်ကေနယ်လားတွေဟွင်ဟိုးတိတိုခိုးလာကာတိဆာ၊တွေဟွင်ဟိုးတိခိုးလာကာဟဲ့မန်အားဖိုင်တိကေ။ 22 ဟောဟဲ့ပိလတ်လားဟွင်နယ်ရောခါမာကေအွန်။သဟွင်လားကာဟွင်ဂျေ့ရောကေခါမာအွန်းဟ။ဟောဟက်လားထင်ညက်ညက်ဟဲ့နမ်ပတ်ဆမ်းပွဲဟွင်လီလား။ 23 ဟောဟက်ခွမ်ဟွင်ကေကောလာစိမ်းလေစိးကာဖကျောက်ဂျေ့ကွယ်ဟဲ့ 24 ဆွတ်ထိုင်ခွမ်အေးမွန်ခါလားကေဟမ်းခွမ်အေးဟဲ့ကာအားမိုင် 25 ဟွင်နယ်ခွမ်အေးမွန်ခါးလားကေဟမ်းခွမ်းအေးဟဲ့ကာအေးနိင်ကေဟဲ့ကာကေလေ့တိထောင်အွန်ဟဲ့စခါလီးဟွင်မု့ရောဇဝတ်ကွမ်းဟွင်ပရဗ္ဗပွဲလီဟွင်လီဟဲ့ဖကျောက်ယေရူတိသကေအပ်ကာတိကေတိဆာ။ 26 တဟန်ကေကောဖကျောက်ဟိုင်းဟဲ့ကုရေနေတနန်းမု့ရှိမုန်ဟွင်နယ်အေးလားပါးကူးညိုဟဲ့ဗေဟွင်ခေဟဲ့ကာဟွင်ဟောခဲဖကျောက်ဟဲ့ကာဟွင်ကမ်းခိုးလာကားခေ။ 27 ခွမ်အေးတကေကောစေဖိုးဟဲ့ယာဟောအားလေဖကျောက်ဟဲ့အီးဗေကေကောအေးဟောခဲဖကျောက်အေးတိဆာ။ 28 ဖကျောက်ဖတ်အေးတိကေခွမ်ဂျေရုဆလင်အီးဗေ့ပေးစာလပ်အွန်းပေးအမ်းတိယာပေးဟဲ့ကွမ်းပေးဟဲ့ယာဗေကွယ်ဆာ။ 29 ထောင်တအီးဗေဟောတိပိုလေဟဲ့ဟောကာခန်းညော်ပူတုဟဲ့ခွမ်ကေလာလလားဖျောင်းအေးဂျေ့။ 30 ဖျောင်းစညင်အန်းခွမ်ကေနယ်လားကော်အန်းနယ်ဖျောင်းသအေးဆာကေလားလနော်ဟဲ့ကော်ကေကောလပ်အေးအွန်းဆာ။ 31 မွန်ကောင်ခိုရောခါးညက်အွန်မော့တအူးကောခါမယ်ခါမာစေတပဲန်းလာနော်တိနယ်မွန်ကောင်ခိုးစာအော့အေးရောခါညက်အွန်းကောတိတိုအေးလားဖျောင်းအန်းညက်ကွယ်ဟဲ့။ 32 အားအွိုင်ရာဇဝတ်ကာအိုင်းပိုင်ပေါ်ကွမ်းအေးဟောဖကျောက်ကေကောစိးဂျေ့ဟေ့ဖကျောက်ခေ့။ 33 တိတိုကင်းဖျောင်းတိကော်လားကာဖကျောက်အွေန်တိကောင်းခိုးဟဲ့တွေလက်ဟဲ့ကေထင်။တိဖကျောက်ဟဲ့ဖတ်ခါးအန်းဟဲ့ဖတ်ခါးအဲန်းရာဇဝတ်ကာအားပိုင်ပေါ်ကွမ်းဖတ်ခဖကျောက်ခါးတိငဟဲ့ခါးတိဟဲကေကေအွေန်တိတိုကောင်ခိုးဟဲ့တော့လက်ကျိုင်းကေ။ 34 ဟောဟက်ဖကျောက်လားဖကျောက်ယေရူကေနယ်ရောခါမာကေနယ်ညန်ဟဲ့ကာအားဖိုင်တိကေဟဲ့တင်ပါးတိကေ။တဟန်ကေကောတွေဖော်ဖကျောက်ဟဲ့လေဟဲ့မယ်ပိုလား။ 35 ခွမ်အေးကေကောကိုးဟဲ့နခွမ်ထောင်းကေကောလားဖကျောက်ယေရူဟဲ့ဟွင်နယ်သပိုင်ကျွယ်ပိုင်အွန်း။စိးကပ်ဟွင်နယ်ပဲန်းခွမ်မေရှိယတိနယ်ဟွင်ကောကျွယ်အားရိုတိမြောင်ဂျေ့မာနာ။ 36 တဟမ်းကေကောလားဖကျောက်ဟဲ့စခါလီးထင်ဟဲ့တွေလက်ဟဲ့ 37 မီနယ်ပဲန်းခွမ်ထောင်းဂျူးတိနယိကျွယ်အားရိုတိမြောင်မွန်ဆာ။ 38 တိတိုကင်းဖကျောက်ကောဟွင်နယ်ပဲန်းခွမ်ဂျုးဟဲ့သဲန်းအွန်းတိနိင်ခိုးဟဲ့အော်ဆွန်းနန်းတိဆာ။ 39 တိတိုကောင်ခိုးအားကေအော်အွန်းရာဇဝတ်ကွမ်းဟွင်ကောလားမီနယ်ပဲန်းခွမ်မေရှိယတိနယ်ကျွယ်တိုးမိမြောင်ဟဲ့ကျွယ်အေးခေဆာစခါလီးထင်ဟဲ့လားထင်လနော်။ 40 ဟောဟဲ့အားအွိုင်ရာဇဝတ်ကွမ်ဟွင်လားထင်မွန်းဟွင်အေးပိုစေကောမီနယ်လားဖကျောက်တိ။ 41 အေးနယ်ရောခါညန်းအွန်းအေးလာပိုစေတိနယ်ကင်းတားဂျေ့မာနာ။ဟောဟဲ့ဟွင်နယ်ရောကေခါမာအွန်းဟာ။ 42 ခမ်းခီးအန်းဟွင်နယ်လားစိးကယ်မီကွေးအားရို့မြောင်ဟဲ့ပဲန်းခွမ်ထောင်တိနယ်မီအန်တိပြုအူး။ 43 ဟောဟက်ဖကျောက်လားအူးလာခါညိုတိမီ။မီနယ်စိးအန်းမွန်အူးပိုအွေန်ပရဒိတိဆာ။ 44 ဟောဟက်လားအေးနာလီပိုဆမ်းကန်တိလိုခပ်အေ့ဟဲ့မွန်ဖာကောလာဗေ့အေ့။ 45 ငိုမ်စညင်းစက်အေးဟဲ့လိုင်းဟိူင်းဟဲ့တိနိင်ထမ်လုံးပိုင်ကာမယ်ခါမာလပ်အွန်းအန်းပဲန်းဟိုင်းလာအိုင်း။ 46 ဖကျောက်ကောလာစိမ်းလေဟဲ့ခါးပူအူးအပ်ကာတိတီးဖကျောက်ဟဲ့လားလနော်ဟဲ့ဂျေ့ဟိုင်း။ 47 ခါမယ်ခါမာပဲန်းအေးရောဖတ်ကေကောတင်းပါးဟဲ့နယ်ပဲန်းခွမ်ညက်လေးပိုင်ဟဲ့။ 48 တိနိင်အန်းစိးကာပေးညိုဟဲ့ခွမ်အေးကျူးပိုဟဲ့ခွမ်အေးကေကောညိုအားလေ့ဖကျောက်ဟဲ့စေ့ဟိုးဟဲ့အေးတိညာကေမြောင်။ 49 ဟောဟက်ပဲန်းအက်ပဲန်းအန်းဖကျောက်အေးတိမွန်ဂါလိလဲအီးဗေအန်းအွေန်းတိပါးဆာငိုမ်ဟဲ့ကောန။ 50 တိတနန်းမွန်ယုပြည်အရိမသဲတနန်းကွေးယောသတပိုင်။ဟွင်နယ်ပဲန်းခွမ်ညက်ဟဲ့ပဲန်းအားဖွဲ့ဂျုးကေတိဆာ။ 51 ဟွင်နယ်လားဟမ်းဖကျောက်ခီလာနော်အားအော်ပိုင်ဟဲ့အားဖွဲကေကောတစင်ကျိုင်းဟဲ့မြန်ပိုတိဆာ။ဟောဟက်တိလိုအန်းအားလေဖကျောက်စိးကာလားတိဆာ။ 52 ဟွင်နယ်စိးကူတက်နော်ဖကျောက်ဟဲ့ဟိုင်းမန်းအားပိုင်ပိလပ်ဟဲ့ပိလပ်ကောကာအားမိုင်ထင်။ 53 ဟောဟက်ဟွင်နယ်တွေနော်ဖကျောက်လီလားပါးကောင်ခိုးဟဲ့တွေဖော်ညက်ဟဲ့ပေါ့ထင်။ခမ်းခီးအန်းတိပါးစာမူထောင်းညောင်းကွေးမွန်အွန်းနန်းဟွင်ကောတွေဖကျောက်ဟဲ့အေးအွန်းနန်းညက်ညက်။ 54 တစိညင်အန်းလားပိုသေးအွန်းဟဲ့လားဖျောင်းစညင်စိးအေး။ 55 မွန်ဂါလိလဲဟဲ့မွန်ဖကျောက်ကေဟောအေးအီးဗေ့အန်းကေညိုဖကျောက်ကာဟွင်အွေန်းနန်းဟဲ့တိနိင်စမူဟွင်ကောကေကော်ညိုအေ့။ 56 ခမ်းခီးအမ်းကေနယ်အေးတိညာဟဲ့အေးသေးလာမန်ဟွင်ဟဲ့အေးသေးတေဟွမ်း၊ဟော့ဟဲ့ကေနယ်ဖျောင်းစညင်းစင်းကေကောလူး။ |
This translation of the Samtao Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.