Luke 17 - Samtao1 ခမ်းခီးအ ်ာ,ကျောင်းယေရူလားတိခွမ်ကျိုင်ဟွင်ပိုရောခန့်ညှက်အွန်းဟော့တ/ဟော့ဟက်ရောခွမ်ညှက်တပိုင်ဟက်ဆာ့ခါလီးတပိုင်တိနယ်ကွေးမွန်းခါမာ။ 2 ကယ်လားရောပိုင်တိနယ်တွေမူးခါတိဟဲ့ဆွတ်တိငေါ်ဟက်လော့်ဆာမူတမွေးဟဲ့ဟော့လီတိပါးအိုးကယ်ဟဲ့ကဲ့တိဆာ။ 3 ဟော့ဟက်တိုးအေးကောရောခါးညှက်တိဆာ/အက်အန်းအေးရောခန်းညှက်အွန်းကောဆွမ်းကာတိကေညှက်ညှက်/ကျမ်ခိမြောင်တိနယ်ကာအာဖိုင်တိကေခေ့။ 4 ဟွင်တစီညင်းကျက်ပေါ်ရောခါးညှက်တမီအွန်းအေးလားသမီလာနော့်တိနယ်မီကောပိုကာအာဖိုင်ဟွင်ခေ့။ 5 ဟော့ဟက်ခွမ်ကျိုင်ဟွင်တိုးအေးဟက်ဖိုးအေးကာအေးညှက်ခေ့လားလနော့်တိဆာ။ 6 ဖကျောင်းလားအဲ့မိန်းတူးလာကမ်းလာနော်စေ့ပါးခါသေးဟဲ့လျှက်ဟာလီဟဲ့ကာဟာကန့်တိအိုးနန်းလာလနော့်ကောကေကောဖန်ခါးလားမီတိဆာ။ 7 ခွမ်ကျိုင်မီထိုင်းကူးဟက်လော်ခါးအေးဖျောင်းဟက်ပေးကောလားလပ်ဟွင်ဟဲ့လေ့တိညာဆာဟဲ့ဆွမ်းစာပေးလားလလာနော်နော့်။ 8 ကဲလေးပေးလားလနော့်အူးလားဆွမ်းဟက်သေးကာသအူးဟက်နမ်အူးဆွမ်းဟော့ကောအွေန့်ခေါ့အု/ဟော့ဟက်မီဆွမ်းပန်းဆာကျန်မီလားလနော်တိ။ 9 ခွမ်ကျိုင်ဟွင်ကောရောတာဝန်ဟွင်ဟော့ဟက်ပိုပဲန်းမွန်းပဲန်းဆင်းထင်သိ/အမ်းပိုပဲန်းမွန်းပဲန်းဆင်းထင်။ 10 လာနော့်တိနယ်အေးပိုရောခါမာဟက်ရောဟော့တိနယ်အေးနယ်ပဲန်းခွမ်ကျိုင်ဟက်အေးကျန်ရောခါမာအေးကောရောဟက်ဂျေ့။ 11 ခမ်းခီးအန့်ဖကျောင်းဟိုင်းတိမွန်ဂျေရုဆလင်ဟိုင်းခါးနန်းညှိရှမာရိဟက်အွေန့်ခေါမွန်ကေဂါလိလည်ဖန်ဟိုင်းဖျောင်းနန်း။ 12 ဟိုင်းဖျောင်းတိမွန်ခါတိအန်းပဲန်းဖယာဆစ်ပိုင်ကောလပ်ဖကျောင်း။ 13 လာစေးလီသဟက်ကော့ဖကျောင်းဝက်ဆာနာသအေးခေ့လားထင်လာနော့် 14 ဖကျောင်းညှိကေမု့ပုရောဟိတ်တိုးပေးကောဟိုင်းပြထင်ဆာ/ကေကောဟိုင်းဖျောင်းဟက်ဖယာကောလိုင်းဟိုင်းအေ့။ 15 နိုင်ကေနန်းတပိုင်ဖယာဟွင်လိုင်းဟက်ဟွင်ညန်ဟက်ဟွင်ကောတင်းပါးတိတမ်နားဖကျောင်းစေးလေလေ့ဟက်ဖတ်အေးတိခမ်းနားဖကျောင်း။ 16 ခမ်းခီးအန်းဟွင်တမ်းနားဖကျောင်းငေါ်ဟက်တင်းပါးတိဆာဟက်ဟွင်နယ်ပဲန်းခွမ်မွန်ရှမာတပိုင်တိဆာ။ 17 ဟော့ဟက်ဖကျောင်းလားအားကေပဲန်းဖယာကျန်ဆစ်ပိုင်ကေတိ/တိုးကောင်းပိုင်အွေန့်တလို့။ 18 အားဟွင်အေးမြောင်တပိုင်အန်းတိနယ်ကွေးဟွင်ကွယ်နော့်တိုင်းတိကေလာနော့်။ 19 မု့ရှာမာရိကိုးဟက်ဟိုင်းဆာအားမီယွန်းအန်းကာမီအွေန့်ညှက်ဟက်ဂျေ့။ 20 ခွမ်ဖာရိရှဲအားတိုင်းတိဖကျောင်းအားလေမီနယ်လားပြတိအေးနာမ်အွေန့်အားလေဖကျောင်းတိနယ်လားကာပေးညှိစီးရောဟာ။ 21 အော်တနဲ့/နတသဲဆာကျန်လား/စီးရောဖိုးပေးကောဖကျောင်းအွေန့်သပေးဟက်ကဲ့ 22 တိုးပေါဖကျောင်းလားတိခွမ်ကျိုင်ပေးနယ်အူးအွေန့်သလို့ဟက်တစီညင်းကောပေးပိုညှိဟက်လားဖျောင်းအေးတိဆာ။ 23 ခွမ်လားသပေးနသနဲ့ဆာ/နသနဲ့ဆာလားလနော့်တိနယ်အမ်းတိရောဟော့ကေ။ 24 နာမ်ဖကျောင်းအေးမွန်လတ်ဆားလဟဲ့တိမွန်ဖာဟက်တိနိုင်လို့အန်းကေကောကေးတဟက်နာမ်ဖကျောင်းလားလီကောမွန်းလာနော့်ဟက်။ 25 နမ်ညောင်းဖျောင်းအားအိုင်းပိုင်ကေကောပိုစေ့ဟက်အားကေအွေန့်တိလု့မာနိုင်းကောလပ်ကေတိဆာ။ 26 မွန်အွေန့်တိတိနောဧလေးဟာပဲန်းအေးဟက်တိတီးဖကျောင်းကောလားပဲန်းလာနော့်ခေ့။ 27 အိုးလားထောင်းဂျေ့ဟက်နောဧကောလေ့တိလော်ဟက်ခွမ်အားအော်ပိုင်ကောဆွမ်းဟက်ညှိဟက်ကေးရောလာနော့်ဟက်ဆွတ်ထိုင်ကေကောပိုဂျေ့အေ့။ 28 လာနော့်ဟက်တိဂျေ့နမ်အွေန့်တတတီးလောတကောခွမ်သောဒုံကေကောဆွမ်းဟက်ညှိဟက်ဖားခါးဖိုင်းဟက်လာဝိုင်ဟက်စေ့ဟက်ရောပုံမှန်အွေန့်ဟဲ့။ 29 နမ်လောတလီလားအန်းတိမွန်ဖာကောလားပွိုင့်လေးလီထောင်ဟက်မွန်ကေကောကျူးအိုးဂျေ့အေ့။ 30 ရောတိတိုးဖကျောင်းလာနော့်ကောလားပဲန်းအေးလာနော့်ခေ့။ 31 တိနိုင်အန်းကောတိတိုညာတလိုးဟက်အွေန့်တိပါးလေးလားတွေခါမာလီတိညာ/အားကေအွေန့်တိကူးကောအမ်းတိတွေခါမာအေးတိညာ။ 32 ဗေ့လောတပဲန်းစီးရောခိမြောင်။ 33 လားကြွယ်အားရို့တိမွန်ဟက်အန်းကေတိနယ်ဆေ့မွေတအားကေကာအားရို့မွန်တိနယ်ကေကောပို့အွေန့်ညှက်မြောင်။ 34 အူးလားသပေးဆွမ်းအဲန်းအိတအိမွန်းပိုတပိုင်ဟက်အီနန်းအိုင်းပိုင်တပိုင်ကောလားကောဟွင်ဟိုင်းဟက်တပိုင်ကောပိုအွေန့်နန်း။ 35 အီးဗေ့အိုင်ပိုင်တူးငေါ်တပိုင်လားကောဟိုင်းတပိုင်ကောပိုအွေန့်နန်းကွယ်။ 36 တိပါးကူးကောခွမ်ကွေးအိုင်းဟက်တပိုင်ကောကော့ဟိုင်းဟက်တပိုင်ကောပိုအွေန့်နန်းကွယ်။ 37 ခွမ်ကျိုင်တိုင်းဖကျောင်းလားလနော့်လားပဲန်းသလို့ဖကျောင်းလားဝါခါမယ်ခါဂျေလို့ကောဆီးကောလားအွေန့်နန်း။ |
This translation of the Samtao Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.