Luke 10 - Samtao1 ခမ်းခီးအနိးခွမ်ကျိုင်ဖကျောက်ကျက်ဆစ်ပိုင်ဟက်ဖကျောက်လေ့ကာပဲန်းတကူဟက်ပွဲကေဟိုင်းတိမွန်ပိုင်။ 2 ဖကျောက်လားတိကေတိကူးအန့်ကွေးခါးဆွမ်းခါပဲန်းဟွင်။ခွမ်လားတွေန်တန်ကွေး၊ဟော့ဟက်ပိုလာသိကျောင်းယာကာကေပွဲခွမ်လီအေ့အေး။ 3 ဟိုင်မနိင်းဆာအူးပွဲပေးလီအနိးမွနိကနယ်။ 4 ပဲ့ဟက်ခါပေါင်းဟက်ခပ်အမ်းတိတွေဟိုင်း၊ခေ့ခွမ်တိခါကော၊အမ်းတိဆေးဝေးလာနန်။ 5 နာမ်ပေးလားလေ့တီခါအန်တင်ပါးကာကေ့အွေန်ညှက်အွေန်ငမ်။ 6 အားကေအွေန်တီညာအန်းကောပိုနမ်မိုးဟက်အားပေးကွေနမိုတပိုင်ကောပေးကောပိုဆေ့မွန်ဟက်၊ 7 အွေန်တိညာလွန်ဟက်ခွမ်ကျိုင်ကာပေးဆွမ်းပဲန်ခါမာကောပဲန်းအန်း။အားကေရောကာအန်းကေကောဆီးလားတီနားနိင်တညာဟက်ပေးအမ်းတိပိုင်ဟိုင်းလို့၊ 8 စိးကယ်ပေးဘေ့မွန်ကာတီအန့်ခွမ်မွန်အန်းကော့ပေးဆွမ်းပန်းတိနယ်ဆွမ်းပန်းစာ။ 9 လာတိကေကာကေဖတ်အေခမ်နားဟက်ထမ်လေးဖကျောက်လလီနယ်လာတိကေလနော်၊ 10 စိးကပ်ခွမ်နိင်မွန်တောလပ်ပေးတိနယ်လီးလားတော်ခါ 11 လားပေးအူးလာနော်ဟက်လညလွန်တီကျွန်အေ့ကောလားပူးပဲ့တက်နဲ့။ထမ်လေးဖကျောက်လားလီနန်ဟက်လာတီကေလာနော် 12 အူစိးလားသပေးနာမ်စိးဖျောင်းမွန်မု့သောဒုခွမ်ကေကောဟက်ဖကျောက်လာကာကေဆေ့ဟက်လားအူးလာနော် 13 အိုခွမ်မု့ခေါရာဇိန်ပေးကွေးခါးည။မွန်ဗက်ဇဲဒကေကေပေးကွေးခါးညမီးကပ်သပေးအားပေးကျန်ရောခွမ်တိမွန်ပေးမု့တုရုဟက်ဇိဒုန်ကေကောပြသပေးတိနယ်၊ခွမ်နမ်လေးနွန်ဖော်ပေါ့ဖော်ပတ်၊ဟက်ခေါ်တိတော်ခါညိုကေထောကေပိုဖြောင်။ 14 နာမ်ပိုင်လာဆေ့ဆဲန်းကောခွမ်ကုရုဟက်ဇိဒုန်ကေကောညန်အေးဂျေ့၊ 15 မု့ကာပေရနောင်ပေးနယ်လားပိုင်ဟိုင်တိမွန်ခမ်ဟက်တိုးပေးခိလာနော်ကွယ်နော့်၊ပေးတိပိုလေ့တိညာလော့ကွယ်ဟက်။ 16 ခမ်ခီးအန့်ဖကျောက်လားတိခွမ်ကျိုင်အားကေလားညျက်ခါလားပေးအန်မွမ်ခါလာညက်အူးခေးဂျေ့မာနာ၊အားကေလပ်ပေးကောမွမ်ခါလပ်အူးခေဂျေ့မာနာ၊ 17 ခွမ်ကျိုင်ကျပ်ဆစ်ပိုင်အေးဖျောင်ဟက်မန်းမူလားတိကျောင်းအေးနယ်ကျိုင်မု့မိဟက်လားတိအန်ညှက်အန်းငမ်ကေကောလာညှက်ခါလားမီအေ့၊ 18 ဖကျောက်လားခွမ်ညျက်လီလားမွမ်ဖာအူကောညိုဂျေ့၊ 19 အူးနဲကာအူးသပေးဆာအေ့လိုင်ဟက်၊ဆာခပ်ဟက်စိးကာပေးခွမ်အန်းညက်အန်ငမ်ဟက်ဆီးကာပေးတွေလီဟက်တောကာအူးစိမ်းသပေး။ 20 ပေးအမ်းတိမွမ်အားပေးကာခွမ်အန်ညက်လီအန်း။မန်းဖူတိမွန်ခမ်လွန်းလာသဲန်တ်မွန်နန်းလာတိကေလာနော်။ 21 ဝိုင်အန်းဟက်ဖကျောက်ဟိုခိဟွင်ဟက်အားဟွင်မန်းမူအန်းဟက်တိလိုအန်းဟက်မွန်ခမ်းအားမိနာအန်းဖကျောင်း၊မိနယ်တိမွန်ခမ်ဟက်အားပိုင်တွေခိုခိဟက်ကာကေညန်၊ဟက်အာကေကွေးဟိုးခိမနက်ကေကောဟက်အားမိရောအွန်းမွန်မီထောင်သ 22 ဖကျောက်တိတိုအေးမီအပ်အွန်းကွမ်းဖကျောက်မွန်ဟာမီညန်ကွယ်ဟက်ဖကျောက်ဟွင်ဖကျောက်ဟွင်ပဲန်းမွန်ကွမ်းဟွင်ညန်ကွယ်ဟက်စလေးဖကျောက်ဟက်ကွေးမွန်ညန်။ 23 ခမ်ခီးအန့်ဖကျောက်ဖတ်အေးခါးတိခွမ်ကျိုင်ဟွင်အားပေးညိုအန်းပေးကောကွေးမွန်သ၊ 24 အူးလားသပေးခါးညိုသိနယ်ခွမ်အရိယဟက်ခွမ်တောင်းကေကောပေးပိုညိုဟက်ကေကောညိုဟာ။အားပေးပန်းခပ်အေအန်းအူးကောတိလားဟိုင်မန်းဟာ၊ 25 တစိညင်ဖကျောက်လားတိပါးခွမ်အေ့ဆလာတပိုင်မု့ဆရာ၊နိစ္စထာဝရအားရိုစိးလားလနော်တိနယ်အေးပိုရောခါမာကိုးဟက်တိုင်းဟွင်။ 26 ဖကျောက်လားတိနိင်ပတ်သဲန်အွန်းစိးရောအားအန့်မီညက်စိးရောဟက်တိုင်ဟွင်လာနော်၊ 27 ဟွင်ကောအားပဲန်ဖကျောက်တိုးဟက်ဖိုးဟက်ဆန့်ဖိုးဟက်ခါးအွိုင်ဂျေ့ရောဖိုးညက်သဲန်အွနိးဟက်အားကေအွေးခေါညာပေးကောကေအိုင်းပိုဟက်တောသဲန်ဝန်း၊ 28 ဖာကျောက်လားခါညိုဂျေ့မာနာရောလာနော်တိနယ်မီနယ်လားပိုအရို့ထောင်းလားဟိုင်း။ 29 ဟော့ဟက်ဆာလားတိုးအေးညက်ဟက်ပြတိဖကျောက်လားနော်တိနယ်ခွမ်နိင်ရိုးအေ့မွန်ကေ၊ 30 ခွမ်တပိုင်ဟိုင်းတိမွန်ဂျေ့ရုဆလင်ဟက်ဟိုင်းတိပေးယေရိခေါနာမ်ဟွင်ဟိုင်းလနော်ခေ့တိခါးခွမ်လိုင်။ခွမ်လိုင်အန်းရောဟွင်လားဂျေ့ဟက်ဆန်ခါလီဟွင်ဟက်တွေဖော်ဟက်အားလား၊ 31 မု့ဂျုးပရောဟိတ်တပိုင်ဟိုင်းတိခါအန်းအားဟွင်ခေ့အူအွန့်ဟွင်ညိုဟက်ဟိုင်းတိခါးကတိ၊ 32 လာနော်ကွယ်ဟက်ခွမ်လေဝိတပိုင်ကောဟိုင်းဖျောင်းနန်းဟက်ညိုဟွင်ဟကိတွေဟိုင်းပါးတိုးခါတိ။ 33 ကွေတပိုင်လီခါးခွမ်ရှာမာရိအားလမယ်တပိုင်အေး၊ဖျောင်းနန်းညိုဟွင်ဟက်ဝယ်ဆာနာဟွင်၊ 34 ဟိုင်းတိကေဟွင်ဟကိတွေလာမန်ထူခင်ကင်းဟက်တွေအားငးဟက်ဆားကာဆင်ဟကိတွေဖော်ဟက်ပေါ့ဟွင်။ဟော့ဟက်တွေဟွင်ဟိုးတိလန်ဟက်တွေဟင်ဟိုင်းလူးတိပါခါသေ။ 35 သိုးသဆီညင်ကေအေ့၊ဟွင်ဟားဟွင်ဟိုင်လူးအန်ကာနာရီဟက်ကာဒဂါလာဟိုင်ဟက်၊ 36 ခမ်းခီးအန်းဖကျောက်ထိုင်းအားကေအိုင်းပိုင်အားပိုစာခါလီးဟွင်အန်းညာဟွင်အွေန့်သလို့။ 37 ခါညိုတိနယ်အားပေးလို့ကွေဟဲ့။မာရိတိနယ်လေ့အွန်ဟက်ကဲ့တိလားကျန်ဟွင်ခိုင်ဟာ။ 38 ခမ်ခီးအန်းဖကျောက်အော်တမ်းမွန်ခွမ်းကျိုင်းဟွင်ဟက်ဟိုင်းဖျောင်တိရိုးခါးတိ၊တိရုံးအန်းကွေမု့မာသအီးဗေတပိုင်ကော့ဖကျောက်ဟက်တော့ခါမ်ကျိုင်ကေအေ့၊ 39 တဟွင်ကွေးအန်းမု့မာရိတပိုင်ခေး။ဟက်မာရိကောအေးတိခမ်နားဖကျောက်ဟက်လာညက်ခါးလားဟွင်။ 40 တိမာသတိနယ်ကွေးကန်းဆူဆာပိုလပ်ခေး။ခမ်ခီးအန်းမာသကောအေတိတပ်နားဖကျောက်လားကာတိအန်အူးမာနဲဟွင်နယ်ကန်းညာတောကာအူးရောကွယ်ဟဲ့။ 41 ဟော့ဟက်ဖကျောက်လားမာသမီနယ်ခါမယ်ခါမာမီကောပိုရောဆူဆာ 42 ခါးညိုးတိနယ်အားပေးလလို့ကေတဂျေ့ကွယ်ဟဲ့။မာရိတိနယ်လေအွေန်ဟက်ကဲတိလားကျန်ဟွင်ခိုင်ဟာ။ |
This translation of the Samtao Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.