قصة النبي يونس 3 - الترجمة اللبنانية مع القافية

توبة أهل نينوى عإيد النبي يونس (عليه السلام)

¹ وبعد كمّ يوم أمر سبحانُه الحوت يرمي يونس عالشط، وهو بقلبُه الطاعة لربُّه حطّ. ورجِع أمره ربنا (عليه السلام) وقلُّه:

² "رجاع قوم روح عنينوى الشهيرة وخبِّرُن عن إرادتي لأهل الديرة."

³ وطاع يونس ربّ العالمين وراح عالمدينة يلّي بيلزَما، تلات تيّام تيِبرِما

⁴ وبعد مشي يوم واحَد صار ينادي ويقول: "يا ناس يا قوم! باقي عدمار نينوى أربعين يوم. اسمعوني منيح كلامي صِدِق وصحيح!"

⁵ فآمن أهل المدينة برسالة ربنا وتابوا، وندروا يصوموا، والندر إلُه تيابُه، وأخَد هالقرار الكبار والصغار.

⁶ ولمّا سمع ملك نينوى الرسالة، قام عن عرشُه، وشَلَح توبُه، ولبِس تياب من خيش متل البالة، وجاب كومة رماد قعد عليا

⁷ بعدين أمر حاشيتُه ينادوا بأرجاء نينوى ويقولوا فِيا: "ممنوع الأكل والشراب، وهالحكي بيمشي عالبشر وعالدواب!"

⁸ ولازم تلبسوا انتو والدواب خيش، توبوا بصدق لالله وما تسألوا ليش! نادوا الله وادعوه وكفروا عن كلّ شرّ وظلم عملتوه!

⁹ بركي الله بيرحمنا ويمنع الأذى عنّا!"

¹⁰ ولمّا شاف رب العالمين توبِتهن وتوقَّف الشرّ من صوبُن، عفى عنُّن ومنَع أيّ بلاء ينوبُن.