Nugana 49 - Buki Tabu Lowaenei 1919

‘UPWA 49.

¹ Ta Iakobo natunao me‘olotodi ‘i bwauiedi, ta ‘i gwae: Wa da mia egogona, be ‘enega iage ‘i da apwesa ‘emia ‘asiata muriega ‘emia ia da simana.

² Wa da miaegogona, ta wa da nono, ‘Omi Iakobo natunao; Ta tamami Iseraela ‘ena wa da nono.

³ Rubena, ‘oi o ‘igu gimi totubua, ‘igu waiwai, ‘igu waiwai ‘ina nugana; Mia esaesa ‘ana bobo‘ai‘ailina, ta waiwai ‘ana bobo‘ai‘ailina.

⁴ Loniuna boasi ‘atua, bobo‘ai‘ailina gea‘abo ‘u da ‘ewa‘ewa; Tamaio ‘ina ‘ebe‘eno ‘ena ‘u tu‘e ta ‘enega: Ga ‘u giebi‘ina: ‘igu ‘ebe‘eno ‘ena ‘i tu‘e.

⁵ Simeona ta Lebi matasina; Didiga ‘ana ‘ebeunua ‘idi sisisaiao.

⁶ Iaruiaruagu ie, ‘idi loina gea‘abo ‘ena ‘u rugurugu; ‘Idi miaegogona, ‘igu esaesa, gea‘abo ‘ena ‘u da miamiaiaina; ‘Idi gamwasoarega tai si ununa ta ‘enega, Ta ‘idi loina pa‘arina ‘enega bulomakau ‘aena warona si ‘upwena.

⁷ ‘Idi gamwasoara ta da eliena, ‘i didiga ta ‘enega; Ta ‘idi egamwagamwagu, ‘i gielo‘uia ta ‘enega: Iakobo ‘enega ia da wearidi, Ta Iseraela ‘enega ia da lelewanedi.

⁸ Iuda, ‘oi o tasimua o si da tupui o: Nimaio ‘amu tarauwarao ‘otodi ‘edia ‘i da miami; Tamaio natunao me‘olotodi si da bwagobwago matamuia.

⁹ Iuda laioni natuna; Unua ‘enega ‘u tu‘e, natugu: ‘I miatoa, ‘i miakwakwanogu laioni ‘atua, Ta laioni mewainena ‘atua; iaita ‘i da ‘eiaba be ‘i tooro?

¹⁰ Loina ‘ana‘e toguna gea‘abo Iuda ‘i da pilisinena, Nai loina ‘ana keweliwelili ‘aena mwatuinega, Ga Silo ‘i da mai; Ta ‘ena tomotaiao si da ematamatana.

¹¹ Ose menonoiana kaiwe‐oine ‘ena ‘i da losipwa, Ta ase menonoiana kaiweoine bobo‘ai‘ailina ‘enaia; ‘Ana ‘oama i ‘utudi oineiega, Ta ‘ana tara‘apwara oineuana raranega:

¹² Matana ‘i da ebweabweari oineiega, Ta sarana ‘i da wakeke susuiega.

¹³ Sebulona ora le‘awaia ‘i da miami: Ta tauna ‘i da waga ‘adi le‘awa; Ta ‘ina raba Sidona deinaia.

¹⁴ Isakara ase waiwai, Sipi ‘adi ‘ari mwatuidia i ‘enokwaia:

¹⁵ Ta ‘ebeeiawai‘ata i ‘itena ‘aene ‘i bobo‘ana, Ta ‘asa ‘aene ‘ana ‘ita ‘i bobo‘ana; Ta ‘a‘arana ‘i tumwa‘utena be i ‘a‘ara, Ta guinua ‘ena i ‘e to‐guinua.

¹⁶ Dana ‘ina tomota ‘i da loinedi, ‘Atua me Iseraela ‘idi susu ‘e bweuna.

¹⁷ Dana moata ‘eda ‘enaia, Moata masarana ‘eda ‘enaia, Tauna ose ‘aeeduedudi i ‘enidi, Ga ‘ana togeru ‘i be‘u sanaguigui.

¹⁸ Ieoba ie, ‘imu ‘etoseana manuna ia iamwaiamwa ni‘atui.

¹⁹ Gada, boda to oae si da miaiaina: Ta tauna ‘aeeduedudi ‘i da ‘e miaiaina.

²⁰ Asera ‘enega ‘ina masura ‘i da momonana, Ta ‘e‘ai esaesa ‘i da tagware.

²¹ Napatali gota mewainena li‘ali‘amina: Ona bobo‘adi i ‘inanedi.

²² Iosepa kaiwe narina mauana, Kaiwe narina mauana wewerupwa deinaia; Narinao ‘arigurewa si saila taona.

²³ To tupa si giedeedonina sinabwana, Ta ‘aene si da badina, ta si da ununa:

²⁴ Ta ‘ana tupu ‘i miamia pa‘arina, Ta nimana maturuadi si ewaiwai, Iakobo ‘ina Toewaiwai Tebweuna nimanega, (Gote ‘enega to‘ita‘i‘isi‐sipi, Iseraela ‘ina gurewa,)

²⁵ Tamaio ‘ina Eaubada ‘enega, Tauna ‘i da lemeio, Ta Toewaiwai sana ‘enega, Tauna ‘i da onaobobomeio, Onaoboboma garewa ‘etanaia ‘ediega, Onaoboboma ni‘uia tauna ‘ubunaia i ‘eno‘enokwaia ‘ediega, Susu matana, ta gamwa ‘ebetubua ‘adi onaoboboma ‘ediega.

²⁶ Tamaio ‘ana onaoboboma Si ewaiwai wawasae tubuguao ‘adi onaoboboma ‘edia Ga ‘oea miaataia ‘adi ‘ebelosa‘u ‘ai‘aila ‘enaia: Iosepa debanaia si da miami, Ta tauna tasinao ‘ediega ‘i miadumaduma debana ‘enaia.

²⁷ Beniamina kedewa‐mitawa tauna to oae: Gonagona iage ‘i ununa ‘i da ‘e‘ani, Ta asunuanuaia iage i ‘ewena ‘i da ‘eguiaie.

²⁸ Iauiaudi getedi Iseraela ‘ina susu ‘e twelu: ta gete tauna tamadi ‘i ona ‘edia ta ‘i onaobobomedi; ‘e bweuna ‘e bweuna ‘ina onaoboboma nadigega ‘i onaobobomedi.

²⁹ Ta ‘i emataruedi, ta ‘i ona ‘edia, ‘Abo‘agu ‘i abe ia miaegogona ‘igu tomota ma‘edi: tamaguao ‘edia wa da sa‘ugu gaula nina ‘enaia tauna Eperona goma Eta ‘ina tanoa ‘ena ‘i miami;

³⁰ Gaula nina ‘enaia tanoa Makipela ‘ena ‘i miami, tauna Mamire matanaia, ‘asa Kanania ‘enaia, tauna Aberaamo ‘i lagwena tanoa ma‘ieana Eperona goma Eta ‘enega ‘ari‘ari ‘ana esena manuna:

³¹ ‘ena Aberaamo si sa‘una mwanena Sara ma‘ieana; ‘ena Isaako ta mwanena Rebeka si sa‘udi; ta ‘ena Lea ia sa‘una:

³² tanoa ta gaula ‘ena ‘i miami, tauna si lagwena me Eta natunao ‘ediega.

³³ Ta ni‘atu Iakobo natunao ‘i ematarua saronidi, ga ‘aena ‘i kokoma tu‘eiedi ‘ebe‘eno ‘enaia, ta iaruiaruana ‘i tagwarena, ta ‘ina tomota ‘edia ‘i mia egogona.