Isaia 4 - Buki Tabu Lowaenei 1919

‘UPWA 4.

¹ Ta iine ‘e sebeni tai ‘e bweuna si da giiaina asiata gote, si da gwae, ‘Ama palaua taumamo ‘a da ‘e‘ai, ta ‘ama ‘oama taumamo ‘a da ‘otena: tuga ‘amu esanega si da eesema; ‘ama ‘ebesinara ‘u da ‘ewa iaulei.

² Asiata gote ‘enega Ieoba ‘ina iage lobwasila ‘ana ‘ita ‘i da bobo‘ana ta ‘i da esaesa, ta bare‘u uana ‘i da bobo‘ai‘ailina ta ‘ana ‘ita ‘i da bobo‘ana me Iseraela to denadena manudi.

³ Ta gete ‘i da apwesa, tauna si pilisinena Siona ‘ena, ta tauna ‘i tupwa Ierusalema ‘ena, si da eesena tabu, tuga ‘e bweuna ‘e bweuna si ‘etoladina maiawasina Ierusalema ‘ena:

⁴ ‘Ena ‘Inapwana Siona natunao me wainedi ‘idi bi‘i i ‘utu iaulena, ta Ierusalema rarana i ‘ewa iaulena gamwagamwanega, etara iaruiaruanega, ta ‘arata iaruiaruanega.

⁵ Ta Ieoba ‘Oea Siona ‘ina ‘ebemia maibo‘ana debadia, ta ‘ina deriegogona debadia, poana ta ‘asu ‘i da mweruruidi asiata ‘enega, ta awe sabelulu ‘ana tuiaiara boiboiega: esaesa maibo‘ana debanaia ‘auboda ‘i da eso ta ‘enega.

⁶ Ta tabenakele ‘i da miami iauiaukwa manuna asiata ‘enega iaiiaiega, ta ‘ebedena manuna ta ‘auboda manuna iagila sinabwanega ta ‘usanega.