Zekariah 3:9 - Bible Ni Thothup

⁹ Nggu tay ba malang nga p’eowchen Joshua ni re malang nem e medlip tabthungen. Bay gu ker e yol nga daken, ma bay gu chuweg e denen ko re nam ney u lan ta’reb e rran.

Zekariah 3:9 Σταυροειδείς Αναφορές

1 Kings 1:20

Pilung rog, chiney e ke par urngin e girdi’ nu Israel yad be guyem ni ngamog ngorad e en ni nge yan nga luwam nge mang pilung.

2 Kronicles 16:9

I SOMOL e ma fal’eg i yaliy e re fayleng ney ni ga’ngin, ni nge pi’ gelngin e pi’in yad ba yul’yul’ ngak u gumircha’rad. Gab balyang ko tin ka mu rin’, ere bay um par u fithik’ e mael e chiney i yan e ngaram.”

Psalms 103:12

Rogon feni mal’af e ngek ko ngal, e aram feni mal’af nra chuweg e denen rodad rodad.

Psalms 118:22

Fare malang ni dabuy e pi’in yad ma toy e naun ya ra fineyed ndariy fan, e yan i aw ni aram e re malang ni ir e ba th’abi ga’fan.

Exodus 28:11

Mu fek be’ nib salap i ngongliy e churwo’ nge ker fithingan e fapi pumo’on ni fak Jakob nga daken fa gal malang, min ayliy e gal malang nem nga tagil’ nib gol.

Exodus 28:21

Mra reb e pi ragag nge l’agruw i malang ney ma ngan ker fithingan reb fapi pumo’on ni fak Jakob nga daken, ya nge gagyalnag fa ragag nge l’agruw i ganong nu Israel.

Exodus 28:36

“Mu ngongliy bochi madeliya ko gol ni go’ gol min ker e yu bug i thin ni ba’aray nga daken, ‘Kan ognag ngak SOMOL.’

Isaiah 28:16

Ba’aray e n’en ni be yog SOMOL ni Th’abi Tolang ni be ga’ar, “Nggu tay ba def ngalan yu Zion, ni ba def ni bay i par nib muduwgil ma ba gel. Bay gu tay ba malang nga fithik’ nib el ni ka ni yoloy e yu bugithin ni ba’aray ngay: ‘Michan’ nib muduwgil e ku ba gumaen’.’

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

Jeremiah 50:20

Re ngiyal i nem, ma dakriy ba denen ni yira pir’eg u lan yu Israel ma dakriy e kireb u lan yu Judah, ni fan e bay gu n’agfan e kireb ko girdi’ ni gu ayweg e pogofan rorad. I Gag SOMOL e kugog e pi thin ney.”

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

Zekariah 3:4

Fare engel e yog ko pi’in girdi’en e tharmiy ni ga’ar, “Mu chuweged e mad nib alit nike yin’ e re mo’on ney.” Ma aram miki ga’ar ngak Joshua, “Ku gu chuweg e denen rom ma bay gu pi’ e mad ngom nib be’ech.”

Zekariah 4:10

(a) Bayi kireban’rad ya rib sag’al e maruwel ni be yan. Machane bay ra guyed Zerubbabel ni ka be toy fare Tempel ni dertal, me felan’rad.” (b) Fare engel e ga’ar ngog, “Fa medlip i magal e aram fa medlip i lan owchen SOMOL ni be changar u daken e fayleng.”

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

Acts 4:11

I Jesus fa’anem ni fa’ani be weliy e babyor nib thothup murung’agen ni be ga’ar, ‘Fare malang ndariyfan u wun’med e pi’in gimed be toy e naun e yan i aw ni aram e re malang ni ir e ba th’abi ga’ fan.’

Roma 9:33

ni ir e be weliy e babyor nib thothup murung’agen ni be ga’ar: “Mu guyed, kug tay ngalan yu Zion ba malang ni bay i tun ay e girdi’ ngay, ba war ni ngar dol’gad ngay. Machane en nra michan’ ngak e dabi m’ingan’.”

2 Korinth 1:22

me ir e ke tay e pow rok ngodad ni aram e ke mil fadad ngak, me ir e ke pi’ fare Kan Nthothup nga fithik’ i lanin’dad ni aram e mich riy ni gubin ban’en nike tay ni fan ngodad e ra pi’ ngodad.

2 Korinth 3:3

Rib tamilang ni Kristus e ir e ke yoloy e re babyor ney ke pi’ ngomad ni nggu feked i yan. Gathi ni yoloy ko tinta, machane Kan Nthothup rok Got ni be par nib fos e yoloy, ma da ni yoloy nga daken e malang ni tafel, ya ni yoloy nga laniyan’ e girdi’.

2 Timothy 2:19

Machane fare def nib gel nike fal’eg Got rogon ke tay e dabiyag ni ngan rurug; ma ba’aray e thin ni kan yoloy nga daken ni ga’ar: “I Somol e manang e pi’in yad girdi’en”; ma ki ga’ar, “En nra ga’ar e ir reb e girdi’ rok Somol e thangri pi’ keru’ ko ngongol nib kireb ni be rin’ nge dabki rin’.”

Hebrews 7:27

I ir e gathi bod yugu boch e prist nib th’abi tolang; ya dariyfan ni nge pi’ e maligach ni gubin e rran, ni bod rogon urngin e prist ni bin som’on e maligach ni yad ma pi’ e fan ko denen rorad, ma bin migid e fan ko denen rok e girdi’. Ri ta’reb e maligach ni pi’ Jesus, ni aram e kemus e maligach, ni fa’ani pi’ ir ni maligach u daken e kuruth.

1 John 2:2

Yu daken Kristus e ir e be n’ag Got fan e denen rodad riy, ni gathi kemus ni denen rodad, ya ku errogon e denen rok urngin e girdi’.

Revelation 5:6

Ma aram mu gguy ba Fak e Saf nike sak’iy nga lukngun fa gin’en ntagil’ Got nike cholngobiy fa aningeg i n’em ni yad ba fos nge fa pi’in pi’ilal. Re Fak e Saf nem e gowa ka’an li’ kem’. Ma medlip e gagey ni bay u lolugen ma medlip lan mit, ni ireram fa medlip i kan rok Got nnol’oegrad nga gubin yang u fayleng.