Biblia Todo Logo
Διαδικτυακή Βίβλος

- Διαφημίσεις -




Zekariah 1:4 - Bible Ni Thothup

4 Dab mboded e pi chitamangimed kakrom. Kab kakrom me pi’ e pi profet e thin rog ngorad, ni yibe yog ngorad ni dab kur pired u fithik’ e kireb, nge denen. Machane dar motoyilgad ngog ara rfolgad rog.

Δείτε το κεφάλαιο αντίγραφο




Zekariah 1:4
55 Σταυροειδείς Αναφορές  

Dab ra boded e pi chitamangirad kakrom, ni bogi girdi’ ni yad ba tatogopluw ma darir folgad, ni de muyluy e pagan’ rorad ngak Got, ma darir pired ni yad ba yul’yul’ ngak.


Mog ngorad ni bod feni rriyul’ ni Gag SOMOL ni Gag fare Got ni be par nib fos, e aram feni rriyul’ ni dabug ni ngug guy reb e tadenen ni nge yim’. Ya gu ba’adag ni nggug guy nike cheal ke pi’ keru’ ko denen nge par nib fos. Israel, mu taleg e kireb ni ga be rin’. Mang ni ga ba’adag ni ngamum’?


Kug par ni yuggu be l’oeg e pi profet ni tapigpig rog ngomed, ngu u roged ngomed ni ngam paged ngongolmed ni kireb ngam rin’ed e n’en nib mat’aw. Yad be ginangmed ni dab kum tedfan mi gimed pigpig nga yug boch e got, ya nge yag ni ngkum pired u daken fare nam ni kug pi’ ngomed nge pi chitamangimed. Machane damur motoyilgad ngog ara mu tiyan’med ko tin kugog.


machane chiney e be lungug ngomed, ‘Mu sulod ngog, ma aram mug sul ngomed.


Ya gimed manang e n’en ni kan pi’ nga puluwmed ni fan e ngan pithigmed u pangimed nib m’ayfan ni af ngomed rok pi chitamangimed ni kakrom. Gathi ban’en nrayag ni nge kireb, ni bod rogon e silber ara gol;


Som’on e lan yu Damaskus ngu lan yu Jerusalem, ngu lan e nug nu Judea ni polo’ ngu fithik’ e pi’in gathi yad piyu Israel, e gu machibnag riy nthingar ra kalgad ngan’rad ngar pi’ed keru’rad ko denen ni yad be rin’ ngar pigichealgad ngak Got, ngar ngongliyed e pin’en ni ir e ra m’ug riy ni kar pi’ed keru’rad ko denen ni yad be rin’.


Ere mu kolgad ngan’med mi gimed pi’ keru’med ko denen mi gimed cheal ngak Got, nge yag ni chuweg e denen romed. Fa’anra mu rin’ed ni aray rogon,


Girdi’ e yad be machib ngog ni be lungurad, “Dab mmachib nagmad. Dab mmachib nag murung’agen urngin e pin’ir. Ya Got e dabi tamra’ nagdad.


Ngam guyed rogon e tin nib yal’uw nge tin nib mat’aw ngi i yan ni bod ba lul’ nder m’ay e ran riy.


Gimed e girdi’ nu Israel, mu sulod ngak SOMOL ni Got romed. Denen romed e be dol’ nagmed.


“Gu siyegned ni nggu motoyilgad ko n’en ni mog ngomad u daken fithingan SOMOL.


Thingar mu folgad ko thin rok e pi tapigpig rog, ni pi profet ni gu be pi’rad yad be yib ngomed. Ya ri dawor mu folgad ko tin ka rogned.


Ere mog ngak piyu Judah nge pi’in yad be par u Jerusalem ni gu be leamnag e togopluw ngorad, ma gu be fal’eg rogog ni nggu gechig nagrad. Mog ngorad ni ngar tal gad ndab ku ra pired u fithik’ e denen, miyad thiliyeg pangirad nge pin’en ni yad be rin’.


I yog ngog ni nggu wan gga’ar ngak Israel, “Israel, ni dariy e yul’yul rom, mu sul ngog. Ya gag e gub marnguy ma dab gu par ni gub damumuw; dabi par e damumuw rog ngom ndariy n’umngin nap’an.


Got e ke ga’ar, “Gimed e girdi’ nu Israel, ka mu denengad ma ka mu togopluwgad ngog. Mired e chiney ngam sulod ngog!


Um ginangrad u fithik’ e gumaen’ u reb e duw ngu reb. Thin rom e i yog e pi profet rom, machane ba man tel e girdi’ rom, aram ma ga pagrad nge gel boch e nam ngorad.


“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;


Machane pi chitamangimad ni kakrom e ra ufanthin gad miyad gelan’, ngar siyegned ni ngar folgad ko tin kamog ngorad ni ngar rin’ed.


Ka nap’an e pi ga’ romad nge mada’ ko chiney, ma gamad, ni girdi’ rom, e kug denengad nib tinowey. Bochan e pi denen romad ma aram e ke mul e pilung nge prist romad ngalan pa’ e pi pilung nu boch e nam, ma yibe li’mad ko saydon, ma yibe moro’ro’ romad, ma yibe fekmad ni kalbus nga wuru’ e nam romad. Kari m’ay famad, ni ku er rogmad e daba’.


“Mmarod ngam fith’ed laniyan’ SOMOL ni fan ngog nge fapi girdi’ ni kayad bay u Israel ngu Judah. Ngam nanged mrang’agen e tin be yog e re ke babyor ney. Ke damumuw SOMOL ngodad ni bochan e da i fol e pi chitamngidad ko thin rok SOMOL ma darir rin’ed e tin ni be yog e re babyor ney nthingar nrin’.”


Dab mu boded e pi chitamngimed nge pi walagmed ni piyu Israel nda ur yul’yul’gad ngak SOMOL ni Got rorad. Ya ka mu guyed nike gechig nagrad nrib gel.


Be ga’ar SOMOL, “Girdi’ nu Israel, fa’anra gimed ba’adag ni ngam sulod, ma ere mu sulod ngog. Ma fa’anra mu yul’yul’gad ngog nga mu chuweged e pi liyos ni gub fananikay,


Fa’an mang e yad manang lanin’ug, me ere rayag rorad ni ngar weliyed e thin rog ngak e girdi’ rog ngar paged pangirad ni kireb nge pi kireb ni yad be rin’.


Ere mu gu ta’chiylen ngak pifakrad ni dab ra uned nga ngonglen e pi gallabthir rorad ara rfalwokgad ko pi kanawo’ rorad ni kireb ara ur ted fan e pi liyos rorad.


Fa’anra rung’ag be’ ma yugu dariy fan u wan’, me yib e to’ogor i li’ fa’anem ngem’, ma yam’ nike tay e ir e kireb rok.


Irera’ e n’en ni yog SOMOL u daken e pi profet ni kakrom ko fa ngiyal’ ni kabfel’ rogon yu Jerusalem ni kabsug ko girdi’ ni gathi go’ yochi binaw u charen e ba sug nag e girdi’ ya ku erogon wuru’ e binaw ko ley ni yumuch e nam nge ba’ ni ngal u dapp’e ted.


Me yan e pi tamol’og ya keyog fare pilung nge pi tolang ko salthaw rok ni ngranod u daken yu Judah ngu Israel ni ga’ngin ngar pininged e girdi’ ni be lungurad: “Girdi’ nu Israel da m’ad ko ngiyal’ ni kol yu Assyria e re nam ney. Ere chiney e ngam sulod ngak SOMOL, ni fare Got rok Abraham, Isak, nge Jakob, ma aram e ra sul SOMOL ngomed.


“Mu sulod ngog, gimed e girdi’ ni dam yul’yul’gad; yab mil famed ngog. Bay gu mel’eg ta’ab gimed u ra reb fa yochi binaw nge lalag’ruw i gimed u ba kan e girdi’, nggu fulwegmed ko burey nu Zion.


“Ere, bochan e damur telmed ngak, ma aram e be ga’ar SOMOL ni Gubin ma Rayag Rok,


“Ere chiney, e ngamog ngak yu Israel ni Gag fare SOMOL ni Th’abi Tolang e gu be ga’ar: Mu kalgad ngan’med mu sulod mi gimed pag e pi liyos romed ni sunsonogor.


Da ug rung’aged e tin i yog e pi tapigpig rom ni fapi profet, ni yad e ur welthingad ngak e pi pilung romad u fithingam, nge ngak e pi’in ni ur gagiyeg niged gamad, nge ngak pi chitamangimad ni kakrom, nge girdi’en e nam romad ni urngin.


Ακολουθησε μας:

Διαφημίσεις


Διαφημίσεις