Tang Ko Pitang 8:11 - Bible Ni Thothup

¹¹ I Solomon e bay bang i grape ni fi’in u bang i n’en ni yima yog ni Baal Hamon. Bay girdi’en e woldug ni yad ma rent nag rok; nra bagyad mma pi’ puluwon ni bbiyu’ yang e silber.

Tang Ko Pitang 8:11 Σταυροειδείς Αναφορές

Genesis 20:16

Miki ga’ar ngak Sarah, “Nggu pi’ 1000 yang e silber ngak walagem ni mich riy ko urngin e girdi’ ni gimed be yan ni gur e bfel’ e rom; me nang gubin e girdi’ ni dariy ban’en nib kireb ni kamrin’.”

Eklesiastes 2:4

Kug mu’nag boch e maruwel nib gagang’. Ku gu toy boch e naun ngog ma ku gu yung boch e milay’ ni grape.

Tang Ko Pitang 1:6

Dab mu lik’ath ngog ni bochan rama’eg, ya yal’ e ke butbut’ nigeg. Pi pumo’on ni walageg e ra damumuwgad ngog ra tedgag ko maruwel u milay’. Ni dakriy e ngiyal’ ni nggu aywegneg.

Tang Ko Pitang 2:3

Bod rogon bake arfath u fithik’ e gek’iy u loway, aram rogon e an gamow ni yira ta’rebnag ko pi pumo’on. Adagen an’ug ni ngu par nga taglul’en, ma wom’ngin e ba athibthib u langag.

Tang Ko Pitang 7:12

Bay da odgow nri kakadbul ngad yalyew e grape ngad guyew ko ke chugur ni nge tugul, fa kepuf e floras riy nge pomegranate ko ke k’uf fa. Mu rom e bay gu pi’ ngom riy e adag nge t’ufeg rog.

Tang Ko Pitang 8:12

I Solomon e rib m’ag u wan’ e biyu’ rok e salpiy, ma girdi’en e milay’ e l’agruw mira’ay e birorad e f’oth; Bay bang e milay’ ni grape nri gag e fi’ig!

Isaiah 7:23

“Ra taw ko ngiyal’nem ma yungi woldug ni grapes ni bfel’ nra bang ma bbiyu’ kaen e woldug ni grape ni bay riy, mra bang ma bbiyu’ yang e silber nni pi’ ngay, e bayi sug e pan riy ni bay rachangalen.

Mark 12:1

Me ere non Jesus ngorad u fithik’ e fanathin ni ga’ar: “Immoy be’ nib mo’on ni yung bmilay’ i grape, nge mu’ me yororiy, me ker e low ni luwan e n’en ni nge uduy wom’ngin e grape riy, me tay tafen e damit riy nib tolang. Me pi’ fa gi woldug ngak e pi’in kar ninged ngak ni ngu’ur ayuweged ma yad be fek boch i wom’ngin ma yad be pi’ boch ngak ni puluwon, ma aram me yan ko milekag.