Tang Ko Pitang 5:4 - Bible Ni Thothup

⁴ Gamareg e ke tay pa’ ko mab, ma kugu t’on ko felfelan’ nike chugur ngog.

Tang Ko Pitang 5:4 Σταυροειδείς Αναφορές

Genesis 43:30

Me pagrad Josef nge yan nib gur, ya ke runguy walagen. Ma ke chugur ni nge yor, ma aram me yan nga senggil rok ngi i yor u rom.

Genesis 7:11

Nap’an ni gaman 600 e duw yangren Noah, ko chirofen ni ragag nge medlip fen e pul ko bin l’agruw e pul, ma urngin e alublub ni yib ko ran nu tanebut’ u fithik’ e fayleng e mab nib tomgin, me aw e n’uw ni ba ga’,

1 Kings 3:26

Bin ba’aram e bpin nri ir e chitiningin fare tir e rib t’uf rok e re tir nem, me ga’ar ngak fare pilung, “Wenig ngom, dab kun li’ e re tir ney! Mpi’ ngak!” Me ga’ar fa bin ba’aram e bpin, “Dab mpi’ ngak bagamow; mu th’ab nge ruw ley.”

Psalms 110:3

Rofen ni ga ra cham ngak e pi to’ogor rom e ra ognag e tirom e girdi’ ngom ni ngar uned ngom. Rogon e wa’angachal ni bay nri kakadbul, e aram rogon e pi’in pagel ni girdi’ rom ni bay rabad ngom nga daken fapi burey nib thothup.

Tang Ko Pitang 1:4

Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem!

Jeremiah 31:20

“Israel, i gur fakag nri gab t’uf rog, nri gur e th’abi t’uf rog. Gubin ngiyal’ ni gu ra yog fithingam mu gu leam nigem nri gab t’uf rog. Lanin’ug e be un ngom; ri bay gu runguyem.

Acts 16:14

Ma bagayad e pi cha’nem ni i motoyil ko thin ni gamad be yog e Lydia ni yib u Thyatira, nma folchuway’ ko mad nib purple ram’en. I ir be’ ni bpin nma meybil mma liyor ngak Got, me tamilangnag Somol laniyan’ ni nge uthum tel ko n’en ni be weliy Paul.

2 Korinth 8:16

Ri ba ga’ e magaer ni gu pininged ngak Got ni ayuweg Titus nge pasigan’ ni bod gamad nge ayuwegmed!

Filippi 2:13

ya Got e gubin ngiyal’ ni be maruwel u fithik’ i lanin’med ni be pingeg lanin’med ni nge m’agan’med ngay ni ngam folgad ko tin be finey.