Tang Ko Pitang 5:2 - Bible Ni Thothup

² Ngiyal’ ni gu be mol, ma ba od lanin’ug. Mug lik’ay ni be tugtuguy gamareg e mab. Mu pageg to’ nggub nga naun’, gur fiti lanin’ug ma dove rog. Ke garda’ lolgeg ko wa’ngachol, ma ke monur piyan lolgeg ko garayuw.

Tang Ko Pitang 5:2 Σταυροειδείς Αναφορές

Genesis 29:20

Me maruwel Jakob ni medlip e duw ni bochan Rachel, me finey nsusun e ri in e rran, ni bochan e ri ba’adag Rachel.

Psalms 119:1

Nge felan’ e pi’in yad ma par ndariy thibngirad, ni pi’in yad ma fol ko motochiyel rok SOMOL.

Psalms 81:10

I gag e SOMOL ni Got romed, ni gu chuwegmed u lan yu Egypt. Mu faled langmed’, mu gu durwi’iymed.

Proverbs 23:26

Fakag, mu uthum e lim ngog, ma ga folwok rog.

Tang Ko Pitang 1:16

Gamareg to’, ri gab picho’ay; ni ri gama felfelan’ nigeg! Pan ni galunglung e nge mang tagil’dow;

Tang Ko Pitang 2:10

Gamareg mu non ngog. Adag rog, ere moy; mu’un ngog to’.

Tang Ko Pitang 2:14

Ga bod ba dove ni be mith u thilin e war. Mu pageg nguguy fel’ngin owchem mu gu rung’ag lingum ni rib simunguy.

Tang Ko Pitang 2:8

Kug rung’ag laman e en ni gamareg. Nike yib ni be mil u daken e pi burey, ni kemus macharngin ni be th’ab e pi ted i yib ngog.

Tang Ko Pitang 3:1

Gubin e nep’ ni gu ra mol nga chob rog mu gu lik’aynag e cha’ ni gu ba’adag; ug sapnag fare mo’on, ma da gu pir’eg.

Tang Ko Pitang 4:7

Adag rog, ri gab pidorang; ni dabiyag i yog fel’ngim!

Tang Ko Pitang 4:9

Rogon e changar u owchem, i gur athibon an’ug ma male’ rog, nge fa ke churwa’ ni ka mu the’ nga bilel’ugnam e ke kal nga adig.

Tang Ko Pitang 5:11

Lolgen e bod e bin th’abi fel’ e gol; ma piyen lolugen e ba m’ingm’ing’, ni ba galunglung ni gowa ba arche’ ni gapluw.

Tang Ko Pitang 5:6

Gu bing e mab ngak gamareg, ma dakimo’ nike yan. Kargum’ ni bochan ni nggu rung’ag laman! U gu changarnag i yan mada gu pir’eg; U gu pining made fulweg lungug.

Tang Ko Pitang 6:9

Ma kabm’on u wun’ug ta’reb, ni ir e bod fini pidorang ba dove. Kari mus ni ta’reb rok e chitiningin, ni ir e th’abi t’uf rok e chitiningin. Urngin e ppin ni yad ma changar ngak ma yad ma yog e sorok ngak; pi le’engin e pilung nge ku boch e ppin e yad ma yon’ tangin nib sorok.

Tang Ko Pitang 7:9

ma langam e bod e bin th’abi fel’ e wayin. Ere mu pag e wayin nge map’ nib puluw ko en gamareg, nge map’ nga daken dap’ilugun nge nguwalen.

Tang Ko Pitang 8:7

Ran e dabiyag ni nge thang; ma dariy ba sugbur nra tharey. Machane fa’anra guy be’ rogon ni nge chuwi’iy e adag ko machaf rok, ma kemus ni fanenikan e ra yib riy ngak.

Isaiah 50:6

Kug pi’ keru’ug ni ngan toy, ma da gu taleg e pi’in nra moning nigedgag ko fa ngiyal’nem nra bup’iyed sorbeg miyad thuw nga owcheg.

Isaiah 52:14

Pire’ e girdi’ nra guyed miyad gin ngak; ya ke pig ya’an ngabang ni gowa gathi ba girdi’.

Daniel 8:18

Nap’an ni ka be non, mu gu par u rom u but’ nda kug nang ban’en. Me kol pa’ag nge sak’iy nigeg ngalang,

Zekariah 4:1

Fare engel ni i non ngog e sul ngog bayay ngeb i suwonageg ni gowa ku’ug mol.

Matthew 7:8

Ya urngin e pi’in yad ra ning e ra yag ngorad, ma en nra gay e ra pir’eg, ma mab e yira bing ngak e en nra tugtuguy.

Matthew 8:17

I rin’ e ren’ey ni fan e nge yib i m’ug nib riyul’ e tin ni yog Isaiah ni profet ni ga’ar, “I ir e fek e m’ar rodad me fek e liliy rodad nge chuweg.”

Mark 1:35

Tanirran ni kab neap’ me od Jesus nge yan nga wuru’ e binaw, me yan ngabangi n’en ndariy e girdi’ riy, me par u rom nge meybil.

Luke 22:44

U fithik’ e re thamtham nem ni tay ni gowa kan chuchuy nga but’ e ri tay ir riy ko meybil; ma athuw u downgin e bod yu mey i racha’ ni be map’ nga but’.

Luke 6:12

Re ngiyal’ i n’em e yan Jesus nga daken bburey ni nge meybil, me par u rom ni reb e neap’ ni be meybil ngak Got.

Luke 9:32

Peter nge fa gali cha’ ni yad e yad be mol, miyad od miyad guy ram’en Jesus ni be galgal nge fa gali cha’ ni yad ba sak’iy.

John 10:4

Ma nap’an ni fekrad nga wuru’ e yoror me m’on rorad, mi i lay fapi saf u keru’, ya yad manang laman.

Galatia 2:20

ere gathi ka gag e gu be par ni gub fos, yi Kristus e ir e be par nib fos u fithik’ag. Ma re pangin ni gu be par riy e chiney e kug par riy ni bochan e ke michan’ug ngak e en ni Fak Got, ni ir e gub t’uf rok ma ke pi’ e pogofan rok ni fan ngog.

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

Revelation 14:4

Yad fapi pumo’on nra ted yad ni yad bmachalbog ndar pired e ppin ma dar uned ko mabgol. Demturug e gin ni be yan fare Fak e Saf ngay ma yad be un ngak; ya kan biyuliyrad u fithik’ e tin ni kabay e girdi’ nu fayleng ma yad e tin som’on e girdi’ nni pi’rad ngak Got nge ngak fare Fak e Saf.

Revelation 3:20

Mmotoyil! Kug sak’iy nga langan e mab gu be tugtuguy; ma fa’anra rung’ag be’ lungug me bing e mab, mra gub ngalan e naun rok nggu un ngak ko abich, me un ngog ko abich.

Revelation 3:4

Machane ri gimed in u wur u lan yu Sardis e dawor mu alit niged e mad romed. Bay um uned ngog ni kamon’ed e mad nib wechwech, ya bay rogomed ni ngam rin’ed ni aram rogon.