Tang Ko Pitang 5:15 - Bible Ni Thothup

¹⁵ L’agruw raba’ i ay ni duga’ ni marble u daken rifrifen ay ni gol. Feni picho’ay e bod e burey nu Lebanon nge gek’iy riy ni cedar nib mal’eg.

Tang Ko Pitang 5:15 Σταυροειδείς Αναφορές

1 Kings 4:33

Me weliy murung’agen e gek’iy nge garger, ni mus ko fapi gek’iy ni cedar nu Lebanon me mada’ ko gek’iy ni hyssop nma tugul u daken e yoror; me weliy murung’agen e gamanman, arche’, gamanman nma gararaw u maday ma ku ma par u arow, nge nig.

Psalms 80:10

Ke taglul’nag e pi burey, ma pa’pa’ngin e ke taglulnag e pi cedar ni gagang’ kan.

Psalms 92:12

Pi’in nib mat’aw e bay ra dommalgad ni bod e gek’iy ni palm; yad ra ilal ni bod e cedar nu Lebanon.

Psalms 92:13

Yad bod e gek’iy nni yung ngalan e naun rok SOMOL, ni be dommal u lan e Tempel rok e Got rodad,

Exodus 26:19

mi gimed ngongliy aningeg i ragag e ayal riy ni nge yan u tanggin fa yungi chayem; l’agruw yang e ayal nga tanggin bang e chayem ni nge kol fa gal yang i n’em ni gapeth ko chayem.

Tang Ko Pitang 2:14

Ga bod ba dove ni be mith u thilin e war. Mu pageg nguguy fel’ngin owchem mu gu rung’ag lingum ni rib simunguy.

Tang Ko Pitang 4:11

Lamen e honey dap’ilugnam to’, ma blothem e milik nge honey rog. Mad rom e bay urngin e fel’ bon nu Lebanon riy.

Tang Ko Pitang 7:4

Blel’ugnem e bod ba wulyang ni ivory. Ma lan owchem e bod yung i lipath u lan e binaw nu Heshbon, nib chuchugur ko garog ko fare binaw nib gilbugwan. Ma p’ethungum e rib fel’usun ni bod e wulyang nu Lebanon nib suwon ni matnag nu Damascus.

Lamentations 4:7

Pi tayugang’ romad e yad ba machalbog ko ayis ma yad ba wech ko milik; downgirad e ba famsow nib t’obt’ob nib gal ra’en.

Ezekiel 17:23

u daken e re burey nth’abi tolang nu Israel. Ra sum papa’ngin me k’uf ngeb wom’ngin me par nib ke gek’iy ni cedar ni bfel’ ya’an. Gubin mit e arche’ nra toy tafen nga ran’ miyad pir’eg e taglul’ u fithik’ i pa’ngin.

Ezekiel 31:8

Dariy e gek’iy ni cedar u milay rok Got nra ta’reb rogon ngay. Dariy e gek’iy ni fir aramrogon papa’ngin, Ma dariy e gek’iy ni sycamore ni aramrogon pa’ngin. Dariy e gek’iy u milay’ rok Got ni aram fani fel’ ya’an.

Hosea 14:7

Ma aram e bay ur pired bayay ni gag e gu be yoror rorad. Bay ra yunged e woldug ni grain mi i yib wom’engirad ni pire’ ni bod bangi milay’ ni grape. Ma bay i yan murung’agrad ni bod e wayin nu Lebanon.

Zekariah 9:17

Uw feni fel’ nge feni fel’usun e re but’ nem ni bayi par! Pi’in ni bfel’ yangren e yad ra gel mar ilalgad ko grain nge grape ni yad be kay.

Matthew 17:2

Ma nap’an ni yad be changar ngak me thil ya’an: me galgal owchen ni bod feni galgal mit e yal’, me wechwech e mad rok ni bod ram’en e yal’.

Matthew 28:3

Ma be galgal ni bod ram’en e uluch ma mad rok e rib wechwech ni bod e ayis nma mul u lang nga but’.

Acts 2:28

Kam dag ngog e kanawo’ ni yan ko yafos, ma bay mfelfelan’nigeg ni bochan e ga bay rog.

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

Judges 13:6

Me yan fare pin nge weliy ngak figirngin ni ga’ar, “Reb e girdi’ rok Got e keb i non ngog, ma ba tamdag ya’an ni bod rogon e engel rok Got. Da gu fith ngak e gin ke yib riy, ma de yog ngog fithingan.