Tang Ko Pitang 5:1 - Bible Ni Thothup

¹ Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Tang Ko Pitang 5:1 Σταυροειδείς Αναφορές

Genesis 37:25

Nap’an ni yad be abich, miyad guy bogi ni’ ni kanog e Ishmaelite ngorad ni karbad u Gilead. Ma kar suguyed daken keru’ e kamel rorad ko florida nge spices, ni yad be fek i yan nga Egypt.

Psalms 147:11

ya ma felan’ ngak e pi’in yad ma liyor ngak, ni pi’in nib pagan’rad ko t’ufeg rok ni dabimus.

Psalms 16:3

Rib fel’ pi girdi’en SOMOL ni yad ba yul’yul’! Kargum’ ni bochan ni nggu un ngorad.

Proverbs 24:13

Fakag, mu koy e honey; yab manigil. Rribod feni athibthib e honey ni kabay u tafen u daken blothem,

Proverbs 9:5

“Moy, ngam koy e ggan rog ma ga unum e wayin ni ku gu aruy.

Eklesiastes 2:5

Gu ngongliy yung i milay’ nge yung i ban’en ni gu fal’eg rogon nggu yung gubin mit e gek’iy ngay nma yib wom’ngin;

Tang Ko Pitang 1:13

Adag rog e bfel’ bon dugun ni bod e myrrh nib thig nga daken ngarngoreg.

Tang Ko Pitang 4:16

Nifengin e lel’och, mu od. Nifengin e yimuch, mu tanfengnag e milay’ rog; ma ga sugnag fithik’ e nifeng ko fel’ bon. Mu pag gamareg nge yib ko milay’ rok nge kay e tin thabi fel’ u wom’ngin.

Tang Ko Pitang 4:8

Male’ rog, moy ngad chuwgow ko pi Burey nu Lebanon; moy ngad chuwgow u Lebanon. Mu chuw u p’ebgul e Burey nu Amana, ngu p’ebgul e Burey nu Senir nge Burey nu Hermon, ko gin ma par e layon nge leopard riy.

Tang Ko Pitang 6:11

Ku gub nga p’ening u fithik’ e gek’iy ni keal ni ngguy e gek’iy ni kafni for u loway, mug guy yuwan e grape ni kafni sum nge mak’uf ko pomegranate.

Tang Ko Pitang 6:2

En ni gamareg e ke yan ko milay’ rok, ko gin ma tugul e gek’iy ni balsam riy. Be durwi’iy e gamanman rok u milay’ ma be kunuy e flores ni giyab.

Tang Ko Pitang 8:1

Gu be athpeg ni fa’an mang e gur walageg ni pumo’on, ni chitnag e i tathuth nigem. Ma aram e fa’an gu ra mada’ nigem u kanawo’, ma gu ra farey owchem ma dariy be’ nra dabuy.

Tang Ko Pitang 8:13

Adag rog, mu pageg nggu rung’ag lungum u daken e milay’; pi’in gamad e yad be son ni ngar rung’agged lungum ni ka mu non.

Isaiah 23:18

Salpiy ni nge yag ngak ko siyobay e bay ni pi’ ngak SOMOL. Dabi cha’riy ngabang, machane pi’in yad ma liyor ngak SOMOL e bay ra faned fare salpiy rok ni ngar chuw’iyed e ggan nge mad nib t’uf rorad ngay.

Isaiah 5:1

Mu telmed nggon’ e re tang ni ba’aray ngomed, ni tangin e fager rog nge bangi woldug rok ni grapes: Fager rog e immoy bangi woldug rok ni grape u daken bburey nib yong’ol e but’ riy.

Isaiah 51:3

“Bay gu dag e runguy rog nga Jerusalem, ngak gubin e pi’in yad be par u fithik’ e gafgow u rom. Ni yug aram rogon ni kan n’ag e re but’ rok nem, ma bay gu mangnag bangi milay’, ni bod fare milay’ ni gu yung u lan yu Eden. Madnom nge felfelan’ e yira tay u rom, mi ni tangnag e sorok ngog nge ogmagaer.

Isaiah 53:11

U tomuren ba yafos ni gafgow ma bay ki felfelan’ bayay; bayi nang ni gafgow ni i tay e de yan i aw nib m’ay fan. I ir e tapigpig rog nib mat’aw; ni rigub felan’ ngak, gechig rok e girdi’ ni pire’ e bayi gafgow u tanggin, me ngongliyrad ngar manged girdi’eg ni yad ba mat’aw.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Isaiah 61:11

I SOMOL ni Th’abi Tolang e bayi ayuweg e girdi’ rok ni bod feni muduwgil nma tugul e awoch nge ga’. Ma urngin e nam ni bayi pining e sorok ngak.

Isaiah 65:13

Ma ere nggog ngomed ni pi’in ma meybil ngog mma fol rog e ra yo’or garad nge n’en ni ngu’ur garbodgad ngay, machane gimed e bay um m’ad ko bilig nge balel. Bay ur felfelan’gad, machane gimed e bayi m’ay famed.

Isaiah 66:14

Nap’an ni gimed ra guy ni arrogon ma gimed ra felfelan’; ma ra sulweg gelngimed mi gimed gol bayay. Ma aram e gimed ra nang ni Gag SOMOL ni gu be ayweg e pi’in be fol rog, ma gu be dag e damumuw rog ngak e pi to’ogor rog.”

Matthew 25:40

Ma bayi fulweg fare pilung ni ga’ar, ‘Ngari gog ngomed, yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog!’

Luke 12:4

“Nggog ngomed e pi tafager rog ndab mu tamdaggad ngak e pi’in yad ra li’ e dowef ngem’, ma nga tomuren e dabkiyag ni ngar ngongliyed ban’en ngay ni kab gel e gafgow riy.

John 3:29

Re mo’on ni nge mabgol e aram e cha’ nib mil suwon ngak e re pin ni nge le’ay; ma re mo’on ni fager rok fare mo’on ni ir e nge mabgol e ba sak’iy u to’oben ni be motoyil, mra rung’ag laman fare mo’on ni nge mabgol me felfelan’. Ireray rogon e felfelan’ rog nike yan i aw ngarogon.

Acts 11:29

Pi’in gachalpen Jesus e ra turguyed ni nge bagayad me pi’ urngin e tin nrayag rok ngar ayuweged e pi’in walagrad ni girdi’en Kristus ni yad be par u Judea.

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.

Judges 14:11

Fa’ani guy piyu Filistia Samson, miyad fek guyey i pagel i yib ni ngar pired rok.

Judges 14:20

ma fare bpin ni le’engin e ni pi’ ngak fare pagel ni ayweg ko magpa’ rok.