Tang Ko Pitang 4:9 - Bible Ni Thothup

⁹ Rogon e changar u owchem, i gur athibon an’ug ma male’ rog, nge fa ke churwa’ ni ka mu the’ nga bilel’ugnam e ke kal nga adig.

Tang Ko Pitang 4:9 Σταυροειδείς Αναφορές

Genesis 20:12

Riyul’ nre pin nir e walageg. Ya ta’reb e chitamangimow mab thil e chitiningimow, mug le’engiy.

Genesis 41:42

Me luf Farao e luwew u bugul i pa’ ni bay e pow rok riy nge tay nga bugul i pa’ Josef; me yin’ e mad nib tolang puluwon nga daken Josef, me the’ ba kiy i chen ni gol nga belel’ugun Josef.

Psalms 45:9

Pi’in rugod ni fak e pilung e yad bay u fithik’ e ppin ni yad ma par u lan e yoror rom, ma nga ba’ ni mat’aw ko chiya’ rom e ba sak’iy fare bpin ni le’engim riy, nib nunuw ko tin th’abi fel’ e gol.

Proverbs 1:9

Ya machib rorow ngom e ra fal’eg pangim ni bod ba kiy i te’eliyaw ni bfel’ ara ba kiy i churuwo’ nra fal’eg ya’am ngam gamog.

Proverbs 6:25

Dabi unan’um ko pidorang rorad; dab mmul ni bochan e dawol u owcharad ngom.

Tang Ko Pitang 1:10

Piyan lolgem e rib fel’usun u daken linglingim ma ke puf nga daken bilel’ugnam ni bod e churwo’.

Tang Ko Pitang 1:15

Adag rog, ri gab pidorang; be gal ra’en e adag u lan marwam!

Tang Ko Pitang 3:11

Ppin nu Zion, mired ngam guyed Solomon ni Pilung. Ke tay fare te’elyaw ko pilung ni chitiningin e tay nga daken lolgen fa rofen nmadnom ko mabgol rok, ni rofen ni felfelan’ nge puw ufan.

Tang Ko Pitang 4:10

Adag rom e ba felan’ug ngay, i gur athibon an’ug ma male’ rog. T’ufeg rom e kabfel’ ko wayin; ma florida rom e kabfel’ bon ko urngin mit e fangur.

Tang Ko Pitang 4:12

Athibon an’ug, ma male’ rog, e ba milay’ nib ling, ba milay’ ni ka ni rungrunguy, ba alublub ni go’ gag ngay;

Tang Ko Pitang 6:12

Gu da’da’ make thum an’ug ngom ni bod be’ u daken e chariot nike th’ab mirin nga mit e mael.

Tang Ko Pitang 6:5

Mu chefeg e changar rom rog nga orel; ya be fek e fan rog. Piyan lolgem e be churu’ ni bod ba ran’ i kaming ni be ’og i yib nga p’ening ko burey nu Gilead.

Tang Ko Pitang 7:10

Bmilfag ko en ni gamareg, ma beyim’ ni bochag.

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

Isaiah 62:5

Bod rogon be’ nib pagel ni fek ba rugod ni dawori nang e pumo’on nge le’engiy, Cha’ ni chamiyem e ra figirngiyem. Bod ba pumo’on nma felfelan’ nga le’engin, e aram rogon e Got rom nra felan’ ngom.

Ezekiel 16:11

Mu gu nunuw nagem ko bachal nge churwa’.

Ezekiel 16:8

“Ma nap’an ni gub gu wan bayay u to’obem, mug guy nike taw nga nap’an ni ngam adag be’. Mug upunguy dowam ni bay u tamilang ko thal ni wuru’ e mad rog mug micheg ngom ni nggu t’ufegnem. Magdow m’ag e mabgol rodow, ni aram e nge milfam ngog.” Irera’ e n’en ni be yog SOMOL ni Th’abi Tolang.

Daniel 5:7

Me tolul ni nge fek be’ e pi tamerong i yib, nge pi llowan’ nge pi’in yad ma bon ko t’uf. Ma fa’an rabad me ga’ar fa en ni pilung ngorad, “En nrayag rok ni nge be’eg e pi yol ney me yog fan ngog e yira yin’ madan e pilung nib re’en purple nga daken, min the’ ba yil’ i chen nib gol nga belel’ugun ni aram e kan tay fan, me par ni ir e migid ko en nib migid ngog.”

Zefaniah 3:17

Fare SOMOL ni Got romed e be par romed; ni gelngin e be gel nagmed. Bayi felfelan’ SOMOL ngomed, ma fithik’ e t’ufeg rok e bayi pi’ reb e yafos nib be’ech ngomed. Bayi tang ma be felfelan’ ngomed,

Matthew 12:50

Ya en nra rin’ e tin nib m’agan’ e Chitamag nu tharmiy ngay e ir e walageg ni pumo’on, ma walageg ni ppin, ma chitinag.”

John 3:29

Re mo’on ni nge mabgol e aram e cha’ nib mil suwon ngak e re pin ni nge le’ay; ma re mo’on ni fager rok fare mo’on ni ir e nge mabgol e ba sak’iy u to’oben ni be motoyil, mra rung’ag laman fare mo’on ni nge mabgol me felfelan’. Ireray rogon e felfelan’ rog nike yan i aw ngarogon.

1 Korinth 9:5

Gur dariy mat’wug nrayag ni gu rin’ e tin be rin’ e tin kabay e apostel, nge fapi pumo’on ni walagen Somol, nge Peter, ni aram e nggu fek be’ ni le’engig ni girdi’en Kristus ngi i un ngog i yan ko milekag?

2 Korinth 11:2

Gu be taliyeg nagmed ni bod gelngin ni be leam nagmed Got; ya gimed bod be’ ni bpin nib machalbog ni kugog ngak ta’abe’ nib mo’on ni bay ra mabgolgow, ni aram Kristus.

Revelation 21:2

Mu gguy fare Binaw nib Thothup, ni aram fa bin nib be’ech e Jerusalem ni be yib u tharmiy nga but’ nike yib rok Got, nike fal’eg rogon ni bod be’ ni bpin ni nge mabgol nike yin’ e mad rok ni bfel’ ni nge yan ngar mada’gow e pumo’on rok.