Tang Ko Pitang 4:12 - Bible Ni Thothup

¹² Athibon an’ug, ma male’ rog, e ba milay’ nib ling, ba milay’ ni ka ni rungrunguy, ba alublub ni go’ gag ngay;

Tang Ko Pitang 4:12 Σταυροειδείς Αναφορές

Genesis 29:3

Nap’an nra yib urngin e yu ran’ i saf nem ngaram, me yib e pi’in yad ma gafaliy e saf ra chuweged e re gaf i malang nem u langan e re luwed nem ngar pi’ed e ran ngorad. Miyad fulweg e re gaf i malang nem nga tagil’.”

Tang Ko Pitang 4:9

Rogon e changar u owchem, i gur athibon an’ug ma male’ rog, nge fa ke churwa’ ni ka mu the’ nga bilel’ugnam e ke kal nga adig.

Tang Ko Pitang 6:11

Ku gub nga p’ening u fithik’ e gek’iy ni keal ni ngguy e gek’iy ni kafni for u loway, mug guy yuwan e grape ni kafni sum nge mak’uf ko pomegranate.

Tang Ko Pitang 6:2

En ni gamareg e ke yan ko milay’ rok, ko gin ma tugul e gek’iy ni balsam riy. Be durwi’iy e gamanman rok u milay’ ma be kunuy e flores ni giyab.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Jeremiah 31:12

Bay rabad ngar tang niged e felfelan’ u daken e burey ni Zion, miyad felfelan’ ko pi tow’ath rog ngorad, ni grain nge wayin nge gapgep ni olive, nge saf nge garbaw. Bay ra pired ni yad bod bangi milay’ ni bfel’ rogon ni yibe tarannag, ma aram e bayi yag ngorad gubin e tin ba t’uf rorad.

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

1 Korinth 6:13

Ma be’ e bayi ga’ar, “Ggan e fan ko gil’iggan, ma gil’iggan e fan ko ggan.” Er rogon; machane Got e bayi chuwegrow. Dowef rok be’ e de leamnag Got ni ngan fanay ko ngongol ko darngal, machane ngan tayfan Somol ngay; mi Somol e fan ko dowef me ir e ma ayuweg.

1 Korinth 7:34

ere ruw yang ni yibe tangernag ngay. Be’ ni bpin nib muchugbil ara be’ ni bpin ndawori nang e pumo’on e be tiyan’ ko maruwel rok Somol, ya ba’adag ni nge pi’ ir nge laniyan’ ngak Somol; machane be’ ni bpin nike mabgol e be tiyan’ ko tin nu fayleng ban’en, ya ba’adag ni ngi i yan ngan’ figirngin.

2 Korinth 1:22

me ir e ke tay e pow rok ngodad ni aram e ke mil fadad ngak, me ir e ke pi’ fare Kan Nthothup nga fithik’ i lanin’dad ni aram e mich riy ni gubin ban’en nike tay ni fan ngodad e ra pi’ ngodad.

Efesus 1:13

Ere ku er rogomed: fa’an mu rung’aged fare thin nib riyul’ nni pi’ nge yib, ni aram fare Thin Ni Bfel’ ni ir e thapegmed ngak Got, me mich Kristus u wun’med, me tay Got e pow rok ngomed ni aram e kam manged girdi’en ni fan e pi’ fare Kan Nthothup rok ngomed ni yog nra pi’.

Efesus 4:30

Ma dab mu kireb niged laniyan’ fare Kan Nthothup rok Got; ya Kan Nthothup e ireram e pow rok Got nike tay ngomed nike suweymed, ni aram e mich riy ni bay reb e Rran ni bayi taw ngay me ri pithigmed Got rok e denen.

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Revelation 7:3

Me ga’ar fare engel, “Dab mu tagannag e binaw, nge day, ara gek’iy nge yan i mada’ ko ngiyal’ ni bay gu mu’gad i tay e pow nga peri’ e pi tapigpig rok e Got rodad.”