Tang Ko Pitang 3:7 - Bible Ni Thothup

⁷ Ke yib Solomon, ni yibe fek u daken tagil’ nib pilung; nel’ i ragag e salthaw ni kan yarmiy ni matnag rok, ni tin th’abi falu’ e salthaw u lan yu Israel.

Tang Ko Pitang 3:7 Σταυροειδείς Αναφορές

1 Kings 14:27

Me ngongliy Rehoboam yungi shield ni bronze nge tay nga luwan e tinem, me tay chiylen ngak e pi ga’ ko salthaw ni yad e ngar guyed ni dabi buch ban’en ko fapi garog ko fare naun rok e pilung.

1 Kings 9:22

Me Solomon e de tay piyu Israel ni ngar manged sib; ya yad e ra manged salthaw rok, nge pi tolang ko salthaw, nge tagafaliy e yu raba’ i salthaw, nge pi’in ma yannag e pi chariot, nge girdi’en e yan u os.

2 Kings 6:17

Me meybil Elisa ni ga’ar, “SOMOL, mu bing owchen e tapigpig rog nge guy.” Me pingeg SOMOL e changar rok fare tapigpig me guy fare burey nib sug ko os nge chariot nnifiy nib liyeg e gin’en ni bay Elisa riy.

Nehemiah 4:13

Ere yuyang ko fare yoror ni ka ba sobut’ nga but, ni kabay yuyang riy nib chabal, e gu tay e girdi’ ngay ni reb e tabnaw nge reb, ni bay e saydon rorad, nge sarey nge gat’ing.

Tang Ko Pitang 1:16

Gamareg to’, ri gab picho’ay; ni ri gama felfelan’ nigeg! Pan ni galunglung e nge mang tagil’dow;

Tang Ko Pitang 3:6

Be mang e biney ni be yib u daken e ted ni desert ni bod ba rumog ni ath, nib boni incense nge myrrh ni bfel’ bon, ni fare incense nni chuw’iy ko pi tachuway’?

Tang Ko Pitang 3:8

Yad gubin ni yad ba salap ko saydon; ni riyad ba cheag ko mael. Ra bagyad ma bay e saydon rok, ni ka ra fal’eged rograd ko cham nma yib nnep’.

Tang Ko Pitang 3:9

I Solomon ni Pilung e yibe fek u daken tagil’ nib pilung nni ngongliy ko tin th’abi fel e ren.

Hebrews 1:14

Ma pi engel e yad e mang? Yad e pi kan ni yad ma pigpig ngak Got nma l’oegrad ngar ayuweged e pi’in ni ngar thapgad ngak Got.

1 Samuel 14:52

N’umngin nap’an e yafos rok Saul e i par ni be mael ngak e pi Filistine nib elmerin. Yugu ra pir’eg be’ nib mo’on nib gel ma ba falu’ me fek nge mang reb e salthaw rok.

1 Samuel 28:2

Me ga’ar David, “Kefel’ ni arogon. I gag e tapigpig rom, me gur e bay mu guy e tin bay gu rin’.” Me ga’ar Akish, “Kefel’! Bay gu tem ni gur e ngu’um par ni pos rog ndariy n’umngin nap’an.”

1 Samuel 8:16

Ma bayi fek e pi tapigpig romed, nge tin th’abi fel’ e garbaw nge dongki romed nge tayrad ngu’ur maruwelgad rok.