Tang Ko Pitang 2:4 - Bible Ni Thothup

⁴ I fekeg ko senggil ni tagil e madnom rok me tining e flak ko adag nga dakennag.

Tang Ko Pitang 2:4 Σταυροειδείς Αναφορές

Ester 7:7

Me sak’iy fare pilung ni kari damumuw ngalang, nge chuw u lan fare senggil, nge yan nga wean ngalan e milay’. Ma kenang Haman nike t’ar fare pilung u wan’ ni nge gechignag ni fan e ren’ey, ma aram me par nde yan nga wean ni nge wenig ngak Queen Ester ni nge ayuweg e pogofan rok.

BABYOR NI JOB 1:10

Kam par ni ga be yoror rok nge girdi’ nu tabinaw rok nge urngin ban’en ni bay rok. Ga be fal’eg wa’athan u urngin e tin be ngongliy, ma urngin e garbaw ni ka mu pi’ ngak e ke yo’or u daken e ted i yan.

Psalms 20:5

Ma aram e bay da garus niged e felfelan’ ni fan e gel ni kam tay ma gadad madnomnag ni kam gel ni gadad be pining e sorok ngak Got. Mang e yigi fulweg SOMOL taban gubin e tin ga ma ning.

Psalms 60:4

Ka mu ginaeng e pi’in bay madgum u wan’rad, ya nge yag nra thaygad ko riya’.

Psalms 84:10

Ta’reb e rran ni yira par u Tempel rom ma kabfel’ nga bbiyu’ e rran nni par u bang; kug ba’adag ni nggu sak’iy u langan e garog ko naun rok e Got rog ko bin ni nggu par u tafen e girdi’ ni kireb.

Tang Ko Pitang 1:1

Bin th’abi fel’ e tang rok Solomon.

Tang Ko Pitang 1:4

Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem!

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Tang Ko Pitang 6:4

Adag rog, rigab pidorang ni bod fel’ngin yu Jerusalem, ma bfel’usum ni bod fare binaw nu Tirzah, ga bod e pi binaw ni felel’, ni be un e fan rog ngom.

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Revelation 3:20

Mmotoyil! Kug sak’iy nga langan e mab gu be tugtuguy; ma fa’anra rung’ag be’ lungug me bing e mab, mra gub ngalan e naun rok nggu un ngak ko abich, me un ngog ko abich.