Tang Ko Pitang 1:8 - Bible Ni Thothup

⁸ Th’abi pidorang u fithik’ e ppin, mog damnang ko uw? Mman ngam lek fa ran’ i gamanman; ngam pir’eg e gin nge abich e kaming rom riy u charen fapi tent ko pi tagafal gamanman.

Tang Ko Pitang 1:8 Σταυροειδείς Αναφορές

Psalms 16:3

Rib fel’ pi girdi’en SOMOL ni yad ba yul’yul’! Kargum’ ni bochan ni nggu un ngorad.

Psalms 45:11

Fare pilung e ra yim’ ni bochan fanam pidorang; i ir e masta rom, ere thingar um fol rok.

Psalms 45:13

Fare rugod ni fak e en pilung e bay u lan tafen e pilung — rib pidorang! Mad rok nib n’uw e ni ngongliy ko tret nib gol.

Proverbs 8:34

En nra rung’ag e tin gu be yog e ra felfelan’, ni en nra par u langan e mab rog ni gubin e rran, ni be son u langan e mab ko naun rog.

Tang Ko Pitang 1:15

Adag rog, ri gab pidorang; be gal ra’en e adag u lan marwam!

Tang Ko Pitang 2:10

Gamareg mu non ngog. Adag rog, ere moy; mu’un ngog to’.

Tang Ko Pitang 4:1

Adag rog, ri gab pidorang! Be galgal e adag u marwam u fon fagi mad u owchem. Ma piyan lolugem e be churu’ ni bod ba ran’ i kaming ni be og i yib nga pe’ning ko fapi burey nu Gilead.

Tang Ko Pitang 4:10

Adag rom e ba felan’ug ngay, i gur athibon an’ug ma male’ rog. T’ufeg rom e kabfel’ ko wayin; ma florida rom e kabfel’ bon ko urngin mit e fangur.

Tang Ko Pitang 4:7

Adag rog, ri gab pidorang; ni dabiyag i yog fel’ngim!

Tang Ko Pitang 5:9

Re pin th’abi pidorang u fithik’ e ppin, mog en gamarem, yu gub thil u fithik’ gubin e girdi’? Ri mang e rib fel’ rok e re mo’on nir ni thingar gu michmichgad ngom?

Tang Ko Pitang 6:1

Gur e an th’abi pidorang u fithik’ e ppin, bu uw e gin ke yan gamarem ngay? Mog ngomad e ra pa’ i kanawo’ nike sor gamarem ngay, ya nge yag ni nggu ayuweged gur i gay.

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

John 21:15

Nap’an ni kar mu’gad ko abich, me ga’ar Jesus ngak Simon Peter, “Simon, ni fak John gur, kab gel fenag t’uf rom ngarogon ni gub t’uf rok e pi cha’ney?” Me fulweg ni ga’ar, “Er rogon, Somol, ga manang ni gab t’uf rog.” Me ga’ar Jesus ngak, “Mu gafaliy e tin ni kab bitir e saf rog.”

1 Korinth 11:1

Ere um folwokgad rog, ni bod rogon ni gu be folwok rok Kristus.

Efesus 5:27

ni fan e nge yag ni pi’ e re galesiya nem ngak nrib gamog, ma bmachalbog ma dariy thibngin, ma dariy bochi yang i alit riy ara bang nike mu’dul, ara bang riy nde fel’.

Hebrews 13:7

Um tafinay niged fa pi’inem ni yad e urogned e thin romed, ma yad e rogned e thin rok Got ngomed. Mu tafinay niged rogon ni ur pired nge rogon e yam’ nra ted, mi gimed fol u rogon ni ur pired nib michan’rad ngak Got.

Hebrews 6:12

Dabumad ni ngam malmalgad, machane ngam pired ni gimed bod e pi’in nib mich Kristus u wun’rad ma ba gum’an’rad, ma aram fan nike yag ngorad e tin ni yog Got nra pi’.

James 2:21

I di’in e ga’ rodad i Abraham me mat’aw ngak Got? I mat’aw ngak Got u daken e ngongol rok ko fa ngiyal’nem ni pi’ Isak ni fak ni ba maligach u daken e altar.

James 2:25

Taareb rogon ko fare pin i Rahab nma chuway’ ngak. I mat’aw ngak Got ni bochan e ngongol rok ni fa’ani fek fapi cha’ nu Israel nga naun rok, ni fapi cha’ nrabad ni mol’og me ayuwegrad ngar chuwgad ngar sulod u yugub pa’ e kanawo’.

James 5:10

Pi walageg ni girdi’en Kristus, mu tafinay niged fapi profet ni yad owchen Somol ni ur weliyed e thin rok. Mu filed rorad rogon e gumaen’ nge kadan’ ni ur ted u tan e gafgow ni un tay ngorad.

1 Peter 3:6

I Sarah e aram rogon; i fol rok Abraham mi i pining Sarah Abraham ni ga’ar “Masta rog.” Gimed e chiney e kam manged bogi ppin ni pifak ni fa’anra um rin’ed e tin ni bfel’ ma damur tamdaggad nga ban’en.