Tang Ko Pitang 1:7 - Bible Ni Thothup

⁷ Adag rog, mog ngog, Bu uw e gin ni ngam waliy e gamanman rom ngay ngar abichgad? Uw e gin yad ra gif ngay ko yal’ ni msiw’? Mang ni ngar gu changar nigem u fithik’ e yu ran’ i gamanman rok boch e tagafal gamanman?

Tang Ko Pitang 1:7 Σταυροειδείς Αναφορές

Genesis 37:16

Me ga’ar Josef, “Gu be gay pi walageg. Wenig ngom, mog ngog e gin’en ni yad bay riy ni yad be gafaliy ba ran’ i gamanman.”

Psalms 116:1

Ba t’uf SOMOL rog ya ma rung’ag lungug; ma motoyil ko meybil rog.

Psalms 18:1

SOMOL, ri gab t’uf rog! Gur e yoror rog!

Psalms 28:1

A SOMOL, ni gur e yoror rog, gu be piningem, mmotoyil ko meyor rog! Fa’anra dab mu fulweg lungug, ma bay gu’un ngak e pi’in ngranod nga’ar ko fayleng ko yam’.

Psalms 80:1

Gur fare tagafaliy e saf nu Israel, mmotoyil ngomad; mu rung’ag e meybil romad, gur e tagagiyeg romad. Kam par nga tagl’im ngalang ko kerubim

Tang Ko Pitang 2:16

Adag rog e ba milfan ngog, ma bmilfag ngak. Ma durwi’iy e gamanman rok u fithik’ e floras ni giyab,

Tang Ko Pitang 2:3

Bod rogon bake arfath u fithik’ e gek’iy u loway, aram rogon e an gamow ni yira ta’rebnag ko pi pumo’on. Adagen an’ug ni ngu par nga taglul’en, ma wom’ngin e ba athibthib u langag.

Tang Ko Pitang 5:10

En gamareg e ba pichoay ma ba gel; yigo’ ir u fithik’ ragag e biyu’.

Tang Ko Pitang 5:16

Rib athib l’ugun ni yira kiss nag; gubin ban’en ni rarogon ma kagum’ ni bochan. Ppin nu Jerusalem, irera’ rogon e en gamareg.

Tang Ko Pitang 5:8

Mmicheged ngog, gimed e ppin nu Jerusalem, ni fa’anra mu pir’eged e en gamareg, migmed yog ngak ni kug m’ar ni gube yik’ nga chogowen.

Tang Ko Pitang 6:2

En ni gamareg e ke yan ko milay’ rok, ko gin ma tugul e gek’iy ni balsam riy. Be durwi’iy e gamanman rok u milay’ ma be kunuy e flores ni giyab.

Tang Ko Pitang 6:3

En ni adag rog e ba milfan ngog, ma ba milfag ngak; be durwi’iy e gamanman rok u fithik’ e giyab.

Tang Ko Pitang 8:13

Adag rog, mu pageg nggu rung’ag lungum u daken e milay’; pi’in gamad e yad be son ni ngar rung’agged lungum ni ka mu non.

Isaiah 13:20

Dariy be’ nrayag ni ngki par u rom. Dakriy reb e Arab i yug be yan ni ku ra n’uf e tent rok u rom, ma aram rogon e pi tagafaliy e gamanman ni dakriy bagyad nra gafaliy e gamanman rok u rom.

Isaiah 26:9

Ra nep’ ma ru gu ma fineyem u polo’ i lanin’ug; ko ngiyal ni ga ra pufthinnag e fayleng nge girdi’ riy, ma yad gubin ma bay fin ra nanged ko mang e ba mat’aw.

Isaiah 40:11

Bay i ayuweg fa ran’ i saf rok ni bod rogon be’ nma gafaliy e saf; bayi kunuy fapi fak e saf nga ta’bang, ngi i fekrad nike dibeyrad; bayi pow’iy e pi chitiningrad nib saf’og.

Isaiah 5:1

Mu telmed nggon’ e re tang ni ba’aray ngomed, ni tangin e fager rog nge bangi woldug rok ni grapes: Fager rog e immoy bangi woldug rok ni grape u daken bburey nib yong’ol e but’ riy.

Jeremiah 33:12

I SOMOL ni Gubin ma Rayag Rok e ga’ar, “U lan e re nam ney ni bod daken e ted ni gin ndar par e girdi’ riy fa gamanman, e bayi sul e pan riy nge galunglung ni aram e gin bayi fek e pi tagafaliy e gamanman e saf rorad ngay.

Mikah 5:4

Nap’an nra yib, ma bayi gagiyegnag e girdi’ u ba gelngin ni SOMOL e ra yib rok nge rargon lungun SOMOL ni Got. Ma girdi’ rok e bay ur pired ndabki buch ban’en rorad, ya girdi’ u gubin yang u fayleng e bayi puluw u wan’rad feni sorok,

Matthew 10:37

“En ni kab t’uf rok e chitamangin ara chitiningin ngog e dariy rogon ni nge mang be’ rog; en ni kab t’uf rok fak ni pumo’on ara fak ni bpin ngog e dariy rogon ni nge mang be’ rog.

John 10:11

“I gag fa’anem ni bfel’ rogon ni gu ma gafaliy e saf. En nma gafaliy e saf ni bfel’ rogon e dabisiyeg ni nge yim’ ni fan ko fapi saf.

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

1 Peter 1:8

Ba t’uf romed, ni yugu aray rogon ndamur guyed; ma mmich u wun’med, ni yugu aray rogon ndamur guyed e chiney; ma aram fan ni ba ga’ e felfelan’ ni gimed be tay, nib felfelan’ ndabiyag ni ngan weliy ko thin,

1 Peter 2:7

Re malang ney e ba ga’ fan ngomed e pi’in ke mich u wun’med; machane pi’in ndawori mich u wun’rad e ku errogon ni be yog e babyor nib thothup ni be ga’ar: “Fare malang ni dabun e pi’in yad ma toy e naun ya ra fineyed ndariyfan e yan i aw ni aram e re malang ni ir e ba th’abi ga’ fan.”

1 John 2:19

Pi girdi’ ney e dar moyed ko ba’ rodad e girdi’, aram fan ni kar paged gadad; ya fa’an mang e yad girdi’en e ba’ rodad e girdi’ ma kar pired rodad. Machane kranod ni bochan e nge m’ug nib tamilang ndariy bagayad nri girdi’en e ba’ rodad e girdi’.

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”

Ruth 2:21

Me ga’ar Ruth, “Ma ku er rogon nike ga’ar ngog e ngu’ug un ngak e pi tapigpig rok ngu’ug kunuy e grain nge mada’ ko ngiyal’ ni nga ni mu’ i yuthumnag.”