Roma 6:3 - Bible Ni Thothup

³ Bmuduwgil ni gimed manang e re bugithin ni ba’aray: nap’an nni tawfe nagdad ni aram e kadta’ab girdi’gad Kristus Jesus, ma ni tawfe nagdad ni kad uned ko yam’ ni tay.

Roma 6:3 Σταυροειδείς Αναφορές

Matthew 28:19

Ere mmarod ngak girdi’en e pi nam u gubin yang ngam pingeged yad ngar manged pi gachalpeg, mi gimed tawfe nagrad nga fithingan e Chitamangiy nge Fak nge fare Kan Nthothup,

Acts 19:5

Ma fa’an rrung’aged e re bugithin ney, min tawfe nagrad nga fithingan Somol Jesus.

Acts 2:38

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

Acts 8:16

Ya aram e dawori yib fare Kan Nthothup nga daken bagayad; ya kemus ni kan tawfe nagrad nga fithingan fare Somol ni Jesus.

Roma 6:16

Bmuduwgil ni gimed manang e re bugithin ni ba’aray: fa’an gimed ra pi’med nga pa’ be’ ri bod rogon e sib, ni aram e ngu’um folgad rok fa’anem, ma aram e kam manged sib rok fare masta ni ir e gimed be fol rok — ni demturug ko denen e kam manged sib rok, ni wenegan nma yib e yam’, ara kam manged sib rok e fol, ni wenegan nma yib e kan mat’aw ngak Got.

Roma 6:8

Fa’anra kad uned ngak Kristus ko yam’ ma mmich u wun’dad ni ka gadad ra un ngak ko fos ko yam’.

Roma 7:1

Pi walageg, bmuduwgil ni gimed manang fan e n’en ni nggog, ya gimed gubin ni gimed manang fan e motochiyel. Motochiyel e ma gagiyegnag be’ u n’umngin nap’an ni ka be par fa’anem nib fos.

1 Korinth 10:2

Re gi manileng nem nge re gi day nem e yad gubin ntawfe nagrad ngay, ni aram e kar manged girdi’en Moses.

1 Korinth 12:13

Ere aram rogodad ni gadad gubin, ni piyu Israel nge pi’in gathi yad piyu Israel, nge pi sib nge pi’in yad e mmil farad ngorad ni kan tawfe nagdad kadmanged ta’ab dowef u daken ta’ab Kan ni Thothup, ma gadad gubin ni ta’ab Kan ni Thothup e kan pi’ ngodad.

1 Korinth 15:29

Ere uw rogon e pi’in kan tawfe nagrad ni fan ngak e pi’in karm’ad? Mang e yad be finey ni ngar yag niged ko ren’em? Fa’anra ba riyul’ ni bod rogon ni yad be yog ni pi’in karm’ad e dab ni fasegrad ko yam’, me ere mangfan ni kan tawfe nagrad ni fan ngak e pi’in karm’ad?

1 Korinth 3:16

Bmuduwgil ni gimed manang ni gimed e naun rok Got, ni be par fare Kan Nthothup rok Got u fithik’ i dowmed!

1 Korinth 5:6

De mat’aw ni ngam ufanthin gad! Ya gimed manang fare bugithin ni yima yog nma lunguy, “Ri bochu’uw e is me thownag ba flowa ni polo’.”

1 Korinth 6:19

Mogned, da mu nanged ni dowmed e Tempel ko fare Kan Nthothup, ni ir e be par u fithik’ i dowmed, ni fare Kan Nthothup ni Got e ke pi’ ngomed? Ere gathi gimed e mmil famed ngomed, ya Got e mmil famed ngak;

1 Korinth 6:9

Ri gimed manang ni pi’in nib kireb e dabiyag ni ngar manged girdi’en e gin nsuwon Got. Dab mu ban niged gimed: ya girdi’ nma ngongliy e ngongol ko darngal, ara yad ma tayfan ma yad ma meybil ko liyos nma meybil boch e girdi’ ngay, ara yad ma par e pi’in gathi mabgol rorad, ara yad e pumo’on nma darngalnag e pumo’on,

1 Korinth 9:13

Ri gimed manang ni pi’in yad ma maruwel u Tempel e yad ma fek garad u Tempel, ma pi’in yad ma pi e pi maligach u daken e altar e yad ma fek e birorad e f’oth ko fapi maligach.

1 Korinth 9:24

Ri gimed manang ni yira tay reb e sagreng ko mil ma urngin fapi girdi’ nra milgad e ri ta’ab bagayad e rayag puluwon ngak. Ere mmilgad ni aram rogon nge yag puluwon ngomed.

2 Korinth 13:5

Mu changargad ngomed ko gimed be par ni gimed be ngongol u fithik’ e michan’ romed ngak Kristus fa danga’. Bmuduwgil ni gimed manang ni bay Kristus u fithik’med fa? Fa’anra danga’ me ere kam mulgad.

Galatia 3:27

Ya kan tawfe nagmed ko ta’ab girdi’ ni kam ted Kristus, ma aram fan nike yag ngomed fel’ngin Kristus.

James 4:4

Gimed e pi’in nda myul’yul’gad ngak Got! Da mu nanged ni fa’anra mfagergad ko fayleng ma aram e kam manged to’ogor rok Got? Cha’ nra finey ni nge mang fager rok e fayleng e aram e ke tay ir ni ir e to’ogor rok Got.

1 Peter 3:21

Re ran nem e be yip’ fan e tawfe, ma tawfe e be yip’ fan ni kam thapgad ngak Got e chiney, ma gathi bochan e alit u dowmed ni kan maluknag, machane bochan e tin kamogned ngak Got u fithik’ e tafinay ni bfel’. Tawfe e be yip’ fan ni kam thapgad ngak Got u daken e fos ko yam’ ni tay Jesus Kristus,