Revelation 8:11 - Bible Ni Thothup

¹¹ (Fithingan e re t’uf nem e Mooy.) Me pig reb e guruy ko dalip guruy e ran nge mooy, ma pire’ e girdi’ nra m’ad ni bochan e ra unumed e re ran nem, ya ke piliyeg ke mooy.

Revelation 8:11 Σταυροειδείς Αναφορές

Exodus 15:23

Ma fa’anra tawgad nga Marah, ma dabiyag ni ngar unumed e ran riy, ya rib mo’oy, aram fan nni tunguy fithingan e gin’em ni Marah.

Proverbs 5:4

machane bay i tomur, me pagem ndariy ban’en rom kemus ni mo’oy nge amith.

Jeremiah 23:15

“I Gag, fare SOMOL ni Gubin ma Rayag Rok e ba’aray e tin gu be yog ni murung’agen e pi profet nu Jerusalem ni be lungug: Bay gu pi’ e woldug nib mo’oy ngar ked, nge ran ni bay e yub riy ngar unumed, ya kar gagiyeg niged e girdi’ u lan e nam ni ga’ngin ka ra pired ndakuriy fag u wun’rad.”

Jeremiah 9:15

Ere mu telmed ko tin bay gu rin’ I Gag fare SOMOL ni Gubin ma Rayag Rok, ni gag fare Got nu Israel. Bay gu pi’ ngak e tirog e girdi’ e woldug nib mo’oy ngar ked, nge ran ni bay e yub riy ngar unumed.

Lamentations 3:19

Lanin’ug ko amith rog, nge gag ni dakriy e tabnaw rog, e ba yub nib mo’oy.

Lamentations 3:5

I ning e mab ngog nggu par u kalbus u fithik’ e gafgow nge amith.

Amos 5:7

Gafgow gimed, gimed e pi’in ni gimed be dalibnag e tin nib mat’aw gimed be sasalpiy matwon e girdi!

Amos 6:12

Gur ma titimo’og e os u daken e war? Gur bay be’ nma gi’ e garbaw rok e day? Machane kam pingeged e tin nib yal’uw ke ngal’ ni yub, ma kam pingeged e tin nib mat’aw ko kireb.

Zekariah 13:8

ma girdi’ ni bay yim’ ko re nam ney e l’agruw yay nib yo’or ko tin ra magey.

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Deuteronomy 29:18

Ngam fal’eged i leamnag nge par ndariy be’ nib mo’on, ara be’ ni bpin, ara ba tabnaw, fa reb e ganong ni be sak’iy u roy e daba’ ni nge pigicheal nge pi’ keru’ ngak SOMOL ni Got rodad, ngi i tayfan e pi got rok yug boch e nam. Ya ra bod ba lik’ngin ni thay e nof riy nge ilal nib mo’oy mab yub.

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

Revelation 12:4

Me girngiy ba guruy u dalip e guruy ko t’uf u lanelang nga p’ebuk’ nge yin’ nga daken e fayleng. Me sak’iy ngam’on rok fare pin, ni bochan e nga yigi gargel fare pin me longuy fak.

Revelation 8:7

Me thoy e bin som’on e engel e rappa rok. Me yib e ayis nike el nge nifiy u lang nga daken e fayleng nike ma’athuk e racha’ ngay. Me yik’ ta’ab guruy ko dalip guruy ko fayleng, ma ku ta’ab guruy ko dalip guruy ko gek’iy nu fayleng e yik’ nge m’ay, ma urngin gaf i yuwan e pan nib galunglung e yik’ nge m’ay.

Revelation 9:15

Min pag fa aningeg i engel, ni kan fal’eg rogorad ni fan ko re awa nem, nge re rran nem, ko re pul i n’em, nge duw ni ngar li’ed ngem’ ta’ab guruy u dalip guruy ko girdi’ ni gubin.

Revelation 9:18

Ma ba guruy ko fa dalip guruy ko girdi’ e ra m’ad ko dalip i gafgow ni ba’aray ni yib: ni nifiy, nge ath, nge sulfur ni be yib u lan l’ugun fapi os nga but’.

Ruth 1:20

Me fulweg ni ga’ar, “Dab mu pininged ngachaleg ni Naomi, mu pininged Marah ngog,” ni bochan e Got ni Gubin ma Rayag Rok e ke tay e yafos rog nike mo’oy.