Revelation 17:9 - Bible Ni Thothup

⁹ “Ren’ey e ngan gonopiy ngan nang fan. Fa medlip i lolugen e ireray fa medlip i burey, ni fapi burey nike par fare pin nga daken; ni ku yad medlip i pilung:

Revelation 17:9 Σταυροειδείς Αναφορές

Daniel 12:4

Me ga’ar ngog, “Daniel, chiney e ngam uchumiy fare ke babyor ma ga pag e hang ngay nge par nge yan i mada’ nga tomuren e fayleng. Ma bo’or e girdi’ ni bay ur milgad iyan nge sul, ma bay i ga’ e llowan’ i yan.”

Hosea 14:9

Pi’in yad ba gonop e mang e yugur nanged fan e pin’ey ni ka ni yoloy miyad tay nga lanin’rad. Pi kanawo’ rok SOMOL e bmat’aw, ma pi’in nib mat’aw e yad ma yan riy, ma pi’in tadenen e ma tun ayrad ngar dol’gad, ya darir folgad riy.

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

Matthew 24:15

“Bay mu guyed e N’en ni Th’abi Dabuy nike sak’iy u lan fa gin’en nib thothup, ni ir e fa’ani weliy Daniel ni profet murung’agen.” (En nra poy e re bugithin ney e ngari tiyan’ ngay nge nang fan!)

Revelation 13:1

Ma aram mu gguy ba gamanman nike yib u fithik’ e day ngalang, ni ragag e gagey rok ma medlip lolugen, nra reb e gagey rok ma bay ba kiy i te’eliyaw riy, ma ra reb e pi lolugen nem ma kan yoloy ba ngachal nib kireb ngay nib togopluw ngak Got.

Revelation 13:18

Ren’ey e ngan gonopiy. Ya en ni ba llowan’ e rayag ni nge pir’eg fan fare namba rok fare gamanman, ya re namba nem e ke yan nga luwan fithingan be’ nib mo’on. Namba rok e nel’ mir’ay nge nel’ i ragag nge nel’.

Revelation 17:18

“Fare pin ni kam guy e ireram fare binaw nib gilbuguwan ni ir e be gagiyegnag e pi pilung nu fayleng.”

Revelation 17:3

Me ying fare Kan Nthothup ngog, me fekeg fare engel nga daken bangi ted. Mu gguy be’ ni bpin u rom nike par nga daken ba gamanman nib row ni bay e ngachal nib kireb nib togopluw ngak Got ni kan yoloy nga daken downgin ni gubin yang; ma re gamanman nem e medlip lolugen ni bay ma ragag e gagey rok.

Revelation 17:7

Me fitheg fare engel ni ga’ar, “Mang ni kam gin? Bay gog ngom e n’en nib mith ni ir e be yip’ fan e re pin nem nge re gamanman nem nike af e re pin nem nga daken, ni fare gamanman ni medlip lolugen ma ragag e gagey rok.