Psalms 98:4 - Bible Ni Thothup

⁴ Polo’ e fayleng mu tangnaged e felfelan’ ngak SOMOL; mu pininged e sorok ngak ko pi tang, mi gimed garusnag e felfelan’!

Psalms 98:4 Σταυροειδείς Αναφορές

Psalms 100:1

Fayleng ni ga’ngin, mu tangnaged SOMOL u fithik’ e felfelan’!

Psalms 66:1

Gimed e girdi’ ni gubin, mu tolul niged e sorok u fithik’ e felfelan’ ngak Got!

Psalms 66:4

Urngin e girdi’ nu fayleng ni yad be liyor ngom; yad be yon’ tangin e sorok ngom, yad be tangnag e sorok nga fithngam.”

Psalms 67:4

Manga yigi felan’ e pi nam ngar tang niged e felfelan’, ni bochan e mmat’aw rogon ni ga ma pufthinnag e girdi’, ma ga ma pow’iy urngin e nam.

Psalms 71:22

Ri bay gu pining e sorok ngom ko musik ni harp; Got rog, bay gu pining e sorok nga fanam yul’yul’. Talin e musik ni harp rog e bay gu chubeg ni fan ngom, I gur e En Thothup nu Israel.

Psalms 95:1

Mired, ngad pininged e sorok ngak SOMOL! Ngad tang niged Got u fithik’ e felfelan’, ya ir e be yororiydad!

Psalms 95:2

Ngadbad nga p’eowchen ngad pininged e magaer ngak, ma gadad tangnag u fithik’ e felfelan’ ni gadad be pining e sorok ngak!

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 42:11

Ted ni desert nge yochi binaw riy e ngar pininged e sorok ngak Got; girdi’ nu Kedar e ngar pininged e sorok ngak! Pi’in yad be par u lan e binaw nu Sela e ngar tolul niged e felfelan’ u p’ebugul e pi burey!

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Zefaniah 3:14

Gimed e girdi’ nu Israel, mu tanggad mi gimed garusnag e felfelan’! Gimed yu Jerusalem, mu felfelan’ gad u polo’ i lanin’med!

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”

Revelation 19:1

Gu rung’ag laman e girdi’ ni pire’ u tharmiy ni yad be non ni ba ga’ lamrad ni be lungurad, “Ke sorok Got ma ke magaer! Ya kanawo’en min thap ngak, nge fla’ab, nge gelngiy nib th’abi gel e bmil suwon ngak e Got rodad!

Revelation 19:6

Ma aram mu gu rung’ag laman e girdi’ ni pire’ ni pire’, ni bod feni ga’ lingan ba lul’ ni ba ga’ ni beb i map’ u taban bangi war nib tolang ngalan e yibu’, ni bod feni ga’ lingan e dirra’. Mu gu rung’ag lamrad ni be lungurad, “Ngan pining e sorok ngak Got! Yi Somol, ni ir e Got rodad ni Gubin ma Rayag Rok e ir e Pilung!