Psalms 97:6 - Bible Ni Thothup

⁶ Tharmiy e be weliy feni mat’aw SOMOL, ma gubin e pi nam ni yad be guy feni maluplup’.

Psalms 97:6 Σταυροειδείς Αναφορές

2 Samuel 22:47

I SOMOL e be par nib fos! Nga ni pining e sorok ngak e en ni be yoror rog! Got e be’ nib gel ni be ayuweg e pogofan rog! Nga ni weliy ngak e girdi’ feni sorok!

Psalms 19:1

Lan e lang e rib gagiyel ni be gilnag buguwan Got! Be m’ug riy e n’en ke rin’!

Psalms 50:6

Tharmiy e be weliy feni bmat’aw Got, ya ir e ma pufthin.

Psalms 67:4

Manga yigi felan’ e pi nam ngar tang niged e felfelan’, ni bochan e mmat’aw rogon ni ga ma pufthinnag e girdi’, ma ga ma pow’iy urngin e nam.

Psalms 89:2

Gu manang ni t’ufeg rom e bay i par ndariy n’umngin nap’an, ma fanam yul’yul’ e dabi chuw ni bod lanelang.

Psalms 89:5

A SOMOL, piyu tharmiy e yad be tangnag e pi manigil ni ga be rin’ yad be tangnag fanam yul’yul’ i gur SOMOL.

Psalms 98:3

Ke tay u gil’ e tin ni micheg ko girdi’ nu Israel u fithik’ e yul’yul’ nge fare t’ufeg rok ngorad ni dabimus. Gubin e girdi’ u gubin yang ni ka ra guyed e gel nike tay e Got rodad.

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Isaiah 40:5

Ma aram e bayib i m’ug feni muluplup’ SOMOL, ma urngin e girdi’ nu fayleng ni bayi guy. I SOMOL e ke micheg e pi thin ney.”

Isaiah 45:6

Nggu rin’ ni fan e nge urngin e girdi’ u baraba’ e fayleng nge yan i mada’ nga baraba’ e ngar nanged ni Gag e SOMOL, ma dakuriy yugu reb e got ngabang.

Isaiah 6:3

Ma yad be non nra bagayad ma be ga’ar ngak bagayad: “Ba thothup, ba thothup, ba thothup! I SOMOL ni Gubin ma Rayag Rok e ba thothup! Rogon feni sorok e ke sugnag e fayleng.”

Isaiah 66:18

Gu manang e leam rorad nge ngongolrad. Bay gub nggu kunuy e girdi’ u gubin e nam. Nap’an ni yad ra mokun nga ta’bang ma aram e bay ra guyed e tin nge rin’ gelngig

Habakkuk 2:14

Bayi sug e fayleng ko tamilangan’ ni bay nnang felngin nge maluplup’en SOMOL ni bod feni sug e regur ko day.

Numbers 14:21

machane rogon feni riyul’ ni gu be par ni gub fos nge feni riyul’ ni kug sugnag e fayleng,

Matthew 6:9

Ba’aray rogon ni ngam meybilgad ni nge lungumed: ‘Chitamangimad ni ga bay u tharmiy: Ngan tay fan fithingam nib thothup,

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”