Psalms 97:3 - Bible Ni Thothup

³ Nifiy e be yan nib m’on rok nge urfiy e pi to’ogor rok ni kar liyeged.

Psalms 97:3 Σταυροειδείς Αναφορές

Psalms 18:8

Yib e ath u lan p’ethngun nga but’, ma nifiy ni be daramram nge coal ni be yik e yib u l’ugun nga but’.

Psalms 18:9

Me gochthiy e tharmiy nge mab me yib riy nga but’ ni bay bang i manileng nib limor u tan rifrifen ay.

Psalms 50:3

Got rodad e be yib, machane gathi be yib ndariy lingan; ya bay ba nifiy ni be daramram nib m’on rok, ma bay bangi yoko’ ni ba liyeg.

Ezekiel 1:4

Mu gu sap ngalang, mu gguy bangi lang ni ba ga’ nike yib ko lel’och ni bay e nifeng u fithik’ nib gel. Ma be matmat e uluch u fithik’, ma lanelang u to’oben e be gal ram’en. Me galgal ram’en ban’en ni bod ram’en e bronze ko gin’en ni ba’aram ni be matmat e uluch riy.

Daniel 7:10

ni be yib ba yil’ i daramram riy. Ma pire’ ni pire’ e biyu’ e girdi’ ni yad bay u rom ni ngar pigpiggad ngak, ma ra’ay e million e karbad ra sak’iygad nga p’eowchen. Me tabab fare puf oloboch min pithig yu ke babyor.

Habakkuk 3:5

Ke l’oeg e liliy ke yib ni be m’on rok; ma ke non ngak e yam’ ni nge lek.

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

Deuteronomy 32:22

Damumuw rog e bayi daramram ngalang ni bod e nifiy nge urfiy urngin ban’en u fayleng. Ra yan i taw ko bin nu ar e fayleng me ful’ enggin e pi burey.

Deuteronomy 4:11

“Ngu’um weliyed ngorad rogon nim marod mu sak’iygad nga enggin e burey. Ma be gak’ fare burey ni be yan e daramram riy u fithik’ e ath nib dib’ag ma ba talumor nge yan i tun ngalang.

Deuteronomy 4:36

I gagiyegnag nge yib laman u tharmiy ngomed ni fan e nge fonow nagmed ngam yal’uwgad, mu daken e fayleng e gagiyeg nagmed riy ngam guyed fare nifiy rok nib thothup, me par u fithik’ nge non ngomed.

Deuteronomy 5:4

U rom u daken fare burey e non SOMOL ngomed riy u fithik’ e nifiy ni gimed bay u p’eowchen.

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

Hebrews 12:29

ya Got rodad e riyul’ nib nifiy nma urfiy ban’en.

Revelation 11:5

Fa’anra guy be’ rogon ni nge maad’ad ngorow, ma bay yib e nifiy u l’ugunrow nge li’ e to’ogor rorow; ere en nra guy rogon ni nge maad’ad ngorow e ireray rogon e yam’ nra tay.

Revelation 20:15

En nda immoy fithingan ni kan yoloy ngalan babyoren e pi’in ni kar fosgad e nin’ ngalan fare lipath i nifiy.