Psalms 97:10 - Bible Ni Thothup

¹⁰ I SOMOL e bt’uf rok e pi’in nib fananikay e kireb; mma ayuweg e yafos rok e girdi’ rok; ma chuwegrad u lan pa’ e pi’in kireb.

Psalms 97:10 Σταυροειδείς Αναφορές

Psalms 101:3

ma dariy bi’id nrayag ni gu kadan’ug ko n’en nib kireb. Gu ba fananikay e ngongol rok e pi’in kar pi’ed keru’rad ngak Got; dab gu’un ngorad ko n’en ni yad be rin’.

Psalms 119:104

Pi motochiyel rom e yagnag e gonop ngog, ma aram mu gu fanenikay urngin e ngongol nib kireb.

Psalms 119:163

Gub fananikay ma dabug urngin e sasalap, machane motochiyel rom e ba t’uf rog.

Psalms 121:7

I SOMOL e ra yororiyem rok urngin e riya’; me tem ndabi buch ban’en rom.

Psalms 125:3

Pi’in kireb e dabiyag ni nge mang yad e ur gagiyeg naged e binaw rok e pi’in nib mat’aw ni gubin ngiyal’; ya mang e rin’ed, ma pi’in mat’aw e dabisiy ni yad ra rin’ e ngongol nib kireb.

Psalms 145:20

Ma yoror rok urngin e pi’in nib t’uf rorad, machane ra thang e pogofan rok urngin e pi’in nib kireb.

Psalms 31:23

Mu t’ufegned SOMOL, gimed gubin pi girdi’en ni gimed ba yul’yul’. SOMOL e ma yoror rok e pi’in ba yul’yul’, machane ma gechignag e pi’in tolangan’ nrogon ni nge aw ngorad.

Psalms 34:14

Mpi’ed keru’med ko kireb ngam rin’ed e tin ni bfel’; mu nameged e gapas u polo’ i gum’ircha’med.

Psalms 36:4

Ma t’ar liyben e tin kireb nnap’an nra thig nga chob; dariy ban’en ni bfel’ nma rin’, ma dariy reb e kireb ni dar l’eg pa’ ngay.

Psalms 91:14

Be ga’ar Got, “Bay gu ayuweg e pi’in gub t’uf rorad, mu gu yoror rok e pi’in yad manangeg.

Proverbs 2:8

Ir e ma yoror rok e pi’in yad ma ayweg boch e girdi’, ma matanagiy e pi’in yad ma folwok rok.

Proverbs 3:7

Dab mu leamnag ni gur e ga ba gonop; ya ngu’um par ni bay madgun SOMOL u wan’um, ma ga pag i rin’ e kireb.

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Jeremiah 15:21

Bay gu chuwegem u pa’ e girdi’ nib kireb, mu gu ayuwegnem rok e pi’in yad ma gafgownag e girdi’. I Gag SOMOL e kugog e pi thin ney.”

Daniel 3:28

Me ga’ar e en ni pilung, “Ke sorok fare Got rok Shadrak nge Meshak nge Abednego. Ya ke l’oeg e engel rok ke ayuweg e pogofan rok e pi cha’ney ni yad ma fol ko thin rok ma yad ma par nib pagan’rad ngak. Darir folgad ko tin gog ngorad ni ngar rin’ed miyad dow ko pogofan rorad, ya kabfel’ u wan’rad ni yad ra yim’ ko bin ni ngar siro’gad ngar ted fan yugu reb e got.

Daniel 6:22

Got e ke l’oeg e engel rok ke yib i m’ag l’ugun fapi layon ndabiyag ni ngar rin’ed ban’en ngog. Ke rin’ ni aray rogon ya manang ndawor gu bucheg ban’en, nge bochan e dawor gu rin’ e kireb ngom i gur pilung.”

Daniel 6:27

Ma ayuweg e pogofan mma chuwegey u fithik’ e riya’; ma ngongliy e tin yira ngat ngay nge pi maang’ang u tharmiy ngu but’. Ke ayuweg Daniel rok e layon.”

Amos 5:14

Mu nameged ni ngam rin’ed e n’en ni bfel’, ma gathi tin nib kireb, ya ngam fosgad. Ma aram e rriyul’ nra par SOMOL ni Got ni Gubin ma Rayag Rok romed, ni bod ni gimed be yog ni bay romed.

Amos 5:15

Mu fanenikayed e tin nib kireb, me t’uf romed e tin ni bfel’, ma ngam guyed ni tin nib mat’aw e ngan rin’ u tafen e puf oloboch. Ma SOMOL e sana ra runguy e girdi’ ko re nam ney ni pi’in kar mageygad ndar m’ad.

Roma 12:9

Rogon nib t’uf e girdi’ rodad e thangri yan i aw nib riyul’. Mu fanenikayed e tin nib kireb, mi gimed chichi’iy pa’med ko tin ni bfel’.

Roma 7:15

Dagur nang fan e n’en ni gu be rin’; ya dagur rin’ e tin ni gu ba’adag ni nggu rin’, ma gu be rin’ e tin ndabug ni nggu rin’.

Roma 7:24

Ere kar gu gafgow! I mini’ e ra chuwegeg u pa’ e re dowef ney ni ir e be fekeg i yan ko yam’?

1 Korinth 8:3

Machane en nib t’uf Got rok e manang Got fa’anem.

2 Thessalonika 3:2

Mu kum pi’ed e meybil romad ngak Got nge ayuwegmad u pa’ e pi’in kireb e leam rorad nge girdi’ nib kireb. Ya gathi urngin e girdi’ mma mich u wun’rad e re thin rok Somol ney.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

1 Peter 1:5

Pi fla’ab nem e gimed e fanmed, ni gimed e pi’in ke thapegmed Got ngak u daken gelngin ngu daken e michan’ romed ngak, ma gimed be sonnag e gin ngam thapgad ngay, ni kan ngongliy rogon kan tay ni ngan dag ko ngiyal’ ni nge mus e rran riy.

1 Peter 1:8

Ba t’uf romed, ni yugu aray rogon ndamur guyed; ma mmich u wun’med, ni yugu aray rogon ndamur guyed e chiney; ma aram fan ni ba ga’ e felfelan’ ni gimed be tay, nib felfelan’ ndabiyag ni ngan weliy ko thin,

1 John 4:19

Ba t’uf Got rodad nge girdi’ ni bochan e Got e som’on ni at’ufegdad.

1 John 5:18

Gadad manang ndariy be’ ni kemang fak Got ni kayigi pi’ nga daken be denen, ya en ni Fak Got e be ayuweg fa’anem, ma Fa’anem nib Kireb e dabkiyag ni nge rin’ ban’en ngak.

Revelation 13:8

Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.