Psalms 96:2 - Bible Ni Thothup

² Mu tang niged SOMOL ngam pininged e sorok ngak! Gubin e rran ni ngam weliyed ngak e girdi’ fare thin ni bfel’ ni murung’agen nike mat’aw nagdad ngak!

Psalms 96:2 Σταυροειδείς Αναφορές

1 Kronicles 29:20

Ma aram me yog David ngak fapi girdi’ ni ga’ar, “Ngu’um pininged e sorok ngak SOMOL ni Got romed!” Ma fa ulung i girdi’ ni gubin e ra pininged e sorok ngak SOMOL, ni Got rok e pi chitamngirad, miyad siro ni yad be liyor ngak SOMOL nge fare pilung.

Psalms 103:20

Gimed e pi engel ni bay gelngimed nib gel, ni gimed be fol ko tin keyog ni ngu’un rin’, ma gimed ma rung’ag e tin nma yog, mu pininged e sorok ngak SOMOL!

Psalms 145:1

Got rog ma pilung rog, bay ug weliy rogon feni sorom ngan nang; bay ug pining e magaer ngom ndariy n’umngin nap’an.

Psalms 145:10

SOMOL, urngin e tin kam sunumeg e bay ur pininged e sorok ngom, ma tirom e girdi’ e bay ur pininged e magaer ngom!

Psalms 145:2

Gubin e rran ni bay ug pining e magaer ngom; bay ug pining e sorok ngom ndariy n’umngin nap’an.

Psalms 40:10

Murung’agem nrayag ni ngam mat’awnag e girdi’ ngom e dagu tay rog ni go’ gag e nggu nang; gubin ngiyal’ ni gu ma weliy fanam yul’yul’ nge ayuw ni gama pi’. Dawor gu th’ab gulungag u lan e mu’ulung rok urngin e girdi’ rom ni gu be weliy murung’agen fanam yul’yul’ nge t’ufeg rom ni dabimus.

Psalms 71:15

Bay gu weliy fal’ngim; polo’ e rran ni bay u gog rogon ni ga ma mat’aw nigey, ni yug aram rogon nde gaman e nangan’ rog riy.

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

Mark 16:15

Me ga’ar ngorad, “Mmarod nga gubin yang u fayleng, ngam machib niged e Thin Ni Bfel’ ngak urngin e girdi’.

Acts 13:26

“Pi walageg, ni gimed owchen Abraham, nge gimed urngin e pi’in gathi gimed piyu Israel ni gimed bay u roy ni gimed ma meybil ngak Got: re thin rok Got ney ni murung’agen rogon min thap ngak Got e gadad e kan pi’ ke yib ngodad!

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

Revelation 5:13

Mu gu rung’ag laman urngin e tin nib fos ni sunumiy Got, ntin ni bay u tharmiy, ngu fayleng, nge tin ni bay ko bin nu ar e fayleng, ngu fithik’ e day, ni urngin e tin ni sunumiy Got ni bay u gubin yang nib mu’un e fayleng ngay ni yad be tang ni be lungurad: “En nike par nga tagil’, nge fare Fak e Saf, e nganog e sorok ngorow, min tay farow min gilnag buguwrow ma bay ur pirew nib mil suwon urngin ban’en ngorow ndariy n’umngin nap’an!”